Nyooth 15 - Lek Jot de Jecu Kritho 19401 Guɔ cin dɛ ŋem pan nhial, kediit gɛiye, nɔŋ malaikai keedherou ku nɔŋki anuan ye yic dherou, ke ye keciɛn, ku kek e ye thok de ɣok de Nhialic. 2 Ku ŋɛm ke cit bar de mandar ci liap ke mac; ku kɔc ci lɛi tiam, kene kecithɔɔŋde, ku cin de rinke, ke kek kaac ne bar de mandar lɔɔm, e ke muk thoom ke Nhialic. 3 Ku yiki din de Mothe aluaŋ de Nhialic yiki ket, ku din de Nyɔk, yiki jam, Yi ka yeke loi aadit ku kaayeneke gai, Yin Bɛnydit Nhialic, Nɔŋ Riɛr Ebɛn; dhɔlku aalajik ku kaaye yith, yin Meleŋ de run. 4 Yeŋa ci bi ya riɔc, Yin Bɛnydit, ku ye rinku noom? ne ke yen yin yitok yin e lajik, ne ke bii wel ebɛn ya bɛn bi ya duur ne yinom; ne ke cene luɔi lajiŋdu cɔk tiɛc. 5 Ana ye keekake yi cik thok, ka ŋem luaŋ de akema de lek tɔ pan nhial ne ci liep: 6 ku bɔ malaikai keedherou nɔŋ anuan ye yic dherou bei thin, e ke ceŋ alɛth linon ɣeer lɔcar, ka lɔcar ku ɣerki, ku cik keyoth duut ne lɛk ke wɛnhjini. 7 Go toŋ de lai ye piir keeŋuan go malaikai keedherou yiɛn aduuk ke wɛnhjini keedherou ne thiaŋ ne ɣok de Nhialic, man ye piir athɛɛr wada. 8 Go luak go thiaŋ ne tol de nuɔm de Nhialic, ku de riɛrde; ku cin ran leu lɔ luɛɛk, agut te cii anuan ye yic dherou de malaikai keedherou kan thok. |