Nyooth 1 - Lek Jot de Jecu Kritho 1940

¹ Nyooth de Yecu Kritho, cii Nhialic yiɛn en bi nyuɔth aluɛkke, agut ka bi roth dai dhiɛl ne bɛn: ku tooc ku nyooth ne malaikade nyuth aluaŋden Jɔn;

² man e ye duleŋ de wɛt de Nhialic, ku de lek de Kritho, agut ka cike ŋem kedhia.

³ Raan aye thiei ran ye ke ciir, ku kɔc ye wɛt ci nyuɔɔth piŋ, ku yiki kaŋ muk ka ci gaar thin: ne ke cii akɔl thiɔk.

⁴ Jɔn agɛr kanithaai keedherou kanithaai tɔ ne Athia; Ye keeyabi athiɛi ku dɔɔr ya bɛn enɔŋ week, enɔŋ en yen man ye tɔ, ku ne ye tɔ, ku bi bɛn; ku tenɔŋ Jakdit keedherou ye tɔ ne thonyde nom;

⁵ ku tenɔŋ Yecu Kritho, man ye duleŋ nɔŋ adot, ku ye ya wɛnkaai de kɔc ye thou, ku ye ya medoŋ de meleek ke tiɔp nom. Eeyabi nuɔm ku ceŋ bik ya tɔ kene yen athɛɛr wada, yen man ye wɔ nhiar, ku ci wɔ lony ne rɛɛcda ne riɛmde,

⁶ ku ci wɔ cɔk ye ceŋ, ku cɔk wɔ ye bany ke ka ke Nhialinyde ku ye Wun. Amen.

⁷ Ŋɛmka, abɔ ke piool: ku kabii nyin ebɛn ŋem, ku kɔc ci ye thɔr; ku juɔr ebɛn de tiɔp nom abi e dhiɛu. Ne ye tɔ yeya. Amen.

⁸ Ɣan ye Alpa ku ya Omega, aluel Bɛnydit Nhialic, ɣan man ye tɔ, ku ne ɣan ye tɔ ku ba bɛn, ɣan man Nɔŋ Riɛr Ɛben.

⁹ Ɣan an Jɔn, an man ye wanmuuthduɔn ku ya mat wɔne week ne dhieu ku ne ceŋ ku liɛr de piɔu, ka ye tɔ ne Yecuic, ɣan ee an tɔ ne tuur cɔl Patmo nom, ne ke de wɛt de Nhialic ku de lek de Yecu.

¹⁰ Ku ɣan ee an ci nyuɔc ne Jɔŋdit ne kol de Bɛnydit, guɔ ror dit piŋ ne ɣakɔu, cit man de kuɔth de tuŋ,

¹¹ jiɛm, Ye ɣan ye Alpa ku ya Omega, ya tueŋ ku ya can; ku ke ye ŋem ye gaar ne kitapic, ku thane enɔŋ kanithaai keedherou; go ya Epetho, ku Thumurna, ku Pergamo, ku Thuatira, ku Thardith, ku Piladelpia, ku jɔl ya Laodikia.

¹² Guɔ rɔt wel ba ror jam kene an ŋem. Ana ya ca rɔt wel, ka ŋem camadaan ke wɛnhjini keedherou;

¹³ ku toŋ cit wen de raan ne ke ciɛl yic, ke ci pioth ne alanh baar agut yecok, ku duut yepiɔu ne laŋ de wɛnhjini.

¹⁴ Ku ɣer nom kene nhim ci man de nhiɛm ɣer, ɣeer ci man de kɔɔi; ku cit nyin liem de mac;

¹⁵ ku cit cok melɛŋ ci gɔɔk, ci ke ci leeŋ ne many de abeer; ku cit ror apuɔu de piau.

¹⁶ Ku muk kuel keedherou ne ciɛn cuenyde: ku ye them moth ye thok rou ye rɔt cuɔk bei ne yethok: ku cit nyin akol ci ruɛr areet.

¹⁷ Ana wen aca ye ŋem, ka cuɛt rɔt piny ne yenom ci ke ci thou. Go ciin cuecde go kan a, ku jiɛm, Ye duɔne riɔc; ɣan tueŋ ku can eka,

¹⁸ ɣan Keyepiir; ku ɣan ee ci thou, ku ŋem, an ye piir agut awɛdɛ, ku an eka nɔŋ muktaar ke thou ku ka ke pan de Tip ke kɔc.

¹⁹ Yen gar ka cake ŋem, ku ka ye tɔ, ku ka bi jal lɔɔk bɛn;

²⁰ kecikum de kuel keedherou cake ŋem ne ciin cuecdie, ku camadaan ke wɛnhjini keedherou. Kuel keedherou aaye malaikai ke kanithaai keedherou: ku camadaan keedherou aaye kanithaai keedherou.