Welpiath ci Mak cithiei ke gɔɔr 8 - Lek Jot de Jecu Kritho 1940

¹ Keeakolka, aaci dun dit ke bɛɛr gueer, ku cin ke camki, go Yecu kɔcpiocke cɔɔl, ku yook keek,

² Ye ɣan kɔc piɔu ne duut, ne ke ci kek reer kene an ne nin keediak, ku cin ke camki:

³ na ca ke lɔ ne bɛiken e ke thieel, e kaalɔ kuk dholic; kɔk ke keek aake bɔ temec.

⁴ Go kɔcpiocke dhuk, Yi bi ŋa keekɔcka cɔk kueth roor ene ne mono?

⁵ Go ke thiec, Ye naŋka monoi keede? Goki jam, Yi kaye dherou.

⁶ Go duut yɔɔk bi nyuc piiny: ku loom monoi keedherou, ku leec, ku wɛk keyic; ku yin ke kɔcpiocke, bik ke lɔ taau ne kɔc nhiim; goki ke taau ne duut nom.

⁷ Ku kaake nɔŋ rec thii lik: go ke thiei, ku jiɛm bi ke taau ne duut nom eya.

⁸ Goki cam a bik kuɛth: goki thethuei ci doŋ kuany ne akup keedherou.

⁹ Ake cit bianabur ŋuan: go ke jal cɔk jiɛl.

¹⁰ Ku dɔc lɔ riɛi kene kɔcpiocke, ku bii piny de Dalmanutha.

¹¹ Go Parithai bɛn enɔŋ yen, ku gɔlki ne thiɛc, akɔr cit enɔŋ yen cin de pan nhial, them kek yen.

¹² Go Yecu weei areet, ku jiɛm, Ye yeŋo kore riny de emane cit? We ya yɔɔk neyiic, Ya kacin cin bi yiɛn yekuane,

¹³ ku wɛɛn keek, leer riɛi ku tem lɔŋti.

¹⁴ Ku cik nhiim maar ne bii de monoi; ku cin mono tɔ riɛi, aye tok rir.

¹⁵ Go ke jaam, yook ke, Ye ŋemka roth, we nyiɛn keek ne awuro de Parithai ku awuro de Kerod.

¹⁶ Goki jam ne roth, Yi wɔ cin mono.

¹⁷ Na ci Yecu ye nyic, e ke yook ke Ye yeŋo jiɛm we roth? ye ke cin we mono? kɛnka guɔ nyic, ku kɛnka tak ne wepiɔth? rir piɔthkuɔn?

¹⁸ Cin naŋka nyin, ku ŋo ken we ye ŋem? naŋka yith, ku cak piŋ? cak wenhiim ye ciɛt?

¹⁹ Ɣɔn wak ɣan monoi keedhiec yic ne kɔc keebianabur dhiec, cak thethuei bi jɔt ne thiaŋ akuɔp keede? Goki jam, Yi kaaye akuɔp keethiɛr ku rou.

²⁰ Ku monoi keedherou ne kɔc keebianabur ŋuan, cak thethuei bi jɔt ne akuɔp keede? Goki yi kaaye dherou.

²¹ Go ke yɔɔk, Ye ŋuɔtka ke kɛnka jal nyic?

²² Goki bɛn Bethaida. Goki ran ci cɔɔr bɛi enɔŋ yen ku lɛŋki bi jak.

²³ Go cɔɔr dɔm ciin, ku nyiɛi baai; ku ŋuut nyin, ku kɛn eciin e eguɔp, ku thiec, Ye noŋ te ca ŋem?

²⁴ Go liec, ku jiɛm, Ye ɣan ŋem kɔc; aaya ŋem e ke cath, e ke cit tiim.

²⁵ Go yeciin bɛɛr taau ne yenyin; go jal ŋem apiath, ci jal dhuɔk nyiinke, ku ŋem kaŋ kedhia apiath.

²⁶ Ku cɔk lɔ panden, ku yook duɔke bi dhuk pan enhia.

²⁷ Go Yecu jaal, kene kɔcpiocke, biki ne bɛi ke Kaithareia de Pilip: go kɔcpiocke thiec dholic, jiɛm, Ye ye kɔc luel yii ya ŋa?

²⁸ Goki luel, Yi kaye luel ya ye Jɔn Baptith: ku ne kɔk, Yi kee Elija, ku luel kɔk, Yi kee toŋ de nebii.

²⁹ Go ke thiec, Ye yaka luel wuɔ ya ŋa? Go Petero dhuk, Ye yin ye Kritho.

³⁰ Go ke yɔɔk duɔke bik cɔk piŋ ran dɛ.

³¹ Go ke gɔl ne pioc, Ye Wen de raan abi kajuec dhiil ne guɔm, ku kabi jai ne roor dit, ku bany ke ka ke Nhialic, ku dugɛɛr, ku kabik nɔk, ku kabi rɔt bɛɛr jɔt ne nin keediak.

³² Ee luel ke piŋ raan ebɛn. Go Petero Yecu dɔm ciin ku lee waai.

³³ Go Yecu rɔt wel, ku ŋem kɔcpiocke, ku wɛɛi Petero, yook. Ye lɔɔr e ɣakɔu, Catan: yin ci ka ke Nhialic ye tak, aa ka ye ka ke kɔc.

³⁴ Go duut cɔɔl enɔŋ yen kene kɔcpiocke, ku yook ke, Ye na ye ran kɔr bi a kuany cok, ke ne ye rɔt nyɔŋ, ku loom tiɛm ageerde, ku ye ɣa biɔth.

³⁵ Ran ye weike luɔk e kaabi ye wai ciin; ku ran bi wei gam ne ɣɛn ku ne welpiath, e kaabike luɔk.

³⁶ Yeŋo ye raan yok te loom en piny nom ebɛn, ku mɛr weike?

³⁷ Bi raan weike waar ne ŋo?

³⁸ Raan ebɛn bi nyin ya riɔc ne an ku welcie, ne yekuan cin adote ku rɛɛc, ke Wen de raan abi nyin riɔc ne yen eya, te bii yen ne nuɔm de Wun kene malaikai lajik.