Welpiath ci Mak cithiei ke gɔɔr 2 - Lek Jot de Jecu Kritho 1940

¹ Ɣɔn ke Yecu beer lɔ Kapernaum ne akol kɔk, go piŋ ke tɔ ɣot.

² Go kɔc juec gueer, ku thiɔŋki ɣot, a cin te reere kɔk thin, cin piny, agut ɣot thok eya: go ke jaam.

³ Go kɔc bɛn, e ke jɔt ran bec, kɔc ake ye ŋuan kɔc jɔt yen.

⁴ Wen cin en te ler kek enɔŋ Yecu ne thiaŋ de ɣot, goki ɣot ŋaany nom te tɔ Yecu thin: na wen cik ye dhiɔm, e ke cook agen tɔ ran bec piny.

⁵ Go Yecu gamden ŋem go ran bec yɔɔk, Ye wene, karɛcku aa puɔl.

⁶ Ku kee nɔŋ dugɛɛr kɔk rɛɛr eeti, goki kepiɔth taak,

⁷ Yi yeŋo ye yerane jam yela? lɛɛt en Nhialic: yeŋa leu karac ne pɛl, cie Nhialic yetok?

⁸ Go Yecu dac nyic e ke jam yiya ne kepiɔth, go ke yɔɔk, Ye yeŋo tɛk we yekene ne wepiɔth?

⁹ Ye keno kɔc, te yooke ran bec, Ya karɛcku aa puɔl; ka luel, Ya jɔt rɔt, jɔt agendu, ku cathe?

¹⁰ Ee bak ya nyic ke Wen de raan nɔŋ riɛr pɛl en karac ne piny nom (ku yook ran bec),

¹¹ Ye yin ya yɔɔk, Ya jɔt rɔt, jɔt agendu, ku lɔɔr pandu.

¹² Go rɔt jɔt, ku lom agende ne etoŋe, ku ciɛth ne kɔc nhiim kedhia; a go kɔc gai kedhia, ku nomki Nhialic, jamki, Yi kakenku kan ŋem wuula.

¹³ Go bɛɛr lɔ ne bar lɔɔm; go duut ebɛn gueer enɔŋ yen, go ke piɔc.

¹⁴ Ku na ye teek, ke ŋem Lebi wen de Alapayo, ke rɛɛr te de juɛr, go yɔɔk, Ye biɔth acok. Go rɔt jɔt, ku biɔth.

¹⁵ Go tɔ, ciɛm Yecu ɣon de Lebi, ke kɔc ke juɛr e weu ku kɔc rac nyuc kene Yecu ku kɔcpiocke: ne ke juec kek, ku yeki biɔth.

¹⁶ Go dugɛɛr ke Parithai, wen ŋem kek yen e rɛɛr kene kɔc rac ku mejueer, goki kɔcpiocke yɔɔk, Yi kee cam ku dek kene mejueer ku kɔc rac.

¹⁷ Go Yecu piŋ ku yook ke, Ye kɔc piɔl aci akem ye kɔɔr, aa kɔc bec: an ee ce bɔ ba kɔc piath cɔɔl, aa kɔc rac.

¹⁸ Ku kɔcpioc Jɔn ke kene Parithai aake thieel; goki bɛn enɔŋ yen ku jamki, Yi yeŋo ye kɔcpioc Jɔn ke kene Parithai thieel, ku ci kɔckuk piɔceke ye thieel?

¹⁹ Go Yecu ke yɔɔk, Ye leu kɔc ke thiek thieel, te ŋoote ran thiek ke keek? na reerki kene ran thiek, e kaace thieel leu.

²⁰ Akɔl abi bɛn, te bene ran thiek nyaai enɔŋ keek, yeneka bi ya kolden de thieel.

²¹ Acin ran kɔɔc alanh kene kan ceŋ teɣɔɔr de alanh thɛɛr: kɛlke bi alanh thɛɛr juak ne rɛt areet, a bi ɣɔr jal dit.

²² Acin ran ye piukeabiɛi jot taau ne bon thɛɛric: kɛlke piukeabiɛi bi boon reetic, ku riaak piukeabiɛi, ku boon eya: aaye piukeabiɛi jot taau ne bon jotic.

²³ Na re, ke Yecu lɔ cath ne akol de thabath ne duum yic; go kɔcpiocke rap gɔl ne duɔny, e kee cath.

²⁴ Go Parithai thiec, Yi ŋem, yeŋo luiki yen ke ce piath ne kol de thabath?

²⁵ Go ke yɔɔk, Ye kɛnka ke e ci Dabid loi ciir, ɣɔn cen ŋɔŋ, ku ci cɔk, yen kene kɔc eke ye tɔ kene yen?

²⁶ Ɣɔn yen lɔ luaŋ de Nhialic ne akol ɣɔn ye Abiathar ke bɛnydiit de ka ke Nhialic, ku ye lɔ cam ne monoi yeke miɔc Nhialic, ke ce piath ne cam, e ke ye ka ke bany ke ka ke Nhialic kepɛc, ku ye kɔc ye cath kene yen miɔc eya?

²⁷ Ku yook keek, Ye thabath ee luɔi raan, ku kacie raan yene luiye thabath:

²⁸ Yen Wen de raan ee bɛnydiit de thabath.