Welpiath ci Mak cithiei ke gɔɔr 15 - Lek Jot de Jecu Kritho 1940

¹ Ɣɔn miak nelantoŋ e run en ke banydit ke ka ke Nhialic ku roordit, ku dugɛɛr, ku ran ci gueer ebɛn, jiɛm roth, ku derki Yecu, ku thelki, yinki Pilato.

² Go Pilato thiec, Ye ye Meleŋ de Judai? Go dhuɔk e jiɛm, Ye kaca thol ne luɛl.

³ Go banydit ke ka ke Nhialic guɛɛl ne kajuec.

⁴ Go Pilato bɛɛr thiec, jiɛm, Ye cin ke ye dhuk? ŋem kajuec cik kek ke yi guɛɛl da.

⁵ Go Yecu ciɛn ke dhuk; go Pilato gai areet.

⁶ Ee ye ran toŋ de kɔc ci mac luɔny keek ne kol e miɛth dit, ran cik ya thiec.

⁷ Ku kee nɔŋ ran toŋ cɔl Barabath, ne ci mac kene kɔc ye teer ku cik tiɛr nɔk ne teeric.

⁸ Go duut lɔ enɔŋ en, ku thiecki bi ke luɔi ke ye luɔi keek.

⁹ Go Pilato dhuk, jiɛm, Ye naŋka piɔth ba we luɔny Meleŋ de Judai?

¹⁰ Ne nyiny nyic en en ke ne biiye banydit ke ka ke Nhialic ne tiɛl til ke yen.

¹¹ Go banydit ke ka ke Nhialic duut cuɔth piɔu, bi ke luɔny Barabath.

¹² Go Pilato bɛɛr dhuk, jiɛm, Ye ba ŋo loi ne yen yeran yaka cɔɔl Meleŋ de Judai?

¹³ Goki bɛɛr coot, Yi piate.

¹⁴ Go Pilato thiec, Ye yeŋo, ye kerɛɛc ŋo ci loi? Goki coot areet, Yi piate.

¹⁵ Ku nɔŋ Pilato piɔu bi duut cɔk mit piɔu, a go ke luɔny Barabath, ku gɛm Yecu, wen cen e dui, bi lɔ piat.

¹⁶ Go lathkeer goki thɛl luaŋ diit de gueer; ku kuut rem yenom.

¹⁷ Ku piɔthki ne alanh bɛɛr thith, ku naiki gol de kuɔth, ku tɛɛuki ne yenom;

¹⁸ ku jɔlki muɔth, yeki jam, Yi aram, Meleŋ de Judai!

¹⁹ Ku yupki nom ne aruɔr, ku ŋuutki, ku yeki kenhiɔl tuk bik lɔŋ.

²⁰ Na wen cik ye jal bui, e ke luny alanh bɛɛr thith bei, ku piothki ne alɛthke. Ku thelki biyic lek piat.

²¹ Goki ran dɛ yok dholic, cɔl Thimon ran de pan de Kurene, ne bɔ baai, wun ne yi Alekandaro ku Rupo, goki dɔm, bi cath ke ke ke ɣɛɛc tiɛm ageer.

²² Goki bɛi te cɔl Golgotha, luelde ee, Te de apet.

²³ Ku yinki piukeabiɛi nɔŋ yic wal nyir: go rɛɛc.

²⁴ Goki piat, ku tekki roth alɛthke, cɔɔrki ne keek, ne ke bii ŋek loom.

²⁵ Ku ke ye thaa diak, goki piat.

²⁶ Ku tɛɛuki gueelde nhial garki, yi kee meled de judai.

²⁷ Ku rueny keerou aake ci piat kene yen; tok ne ciin cuecde, ku tok ciɛm.

²⁸ Go kecigɔɔr jal ya yic, ke e ci luel, Ya kee mat kene kɔc ke awac.

²⁹ Ku bui ne ciɛth cath, yiki kenhiim bɛŋ, ku jamki, Yi Yin, yin ye yekalu riɔk, ku bɛre buth ne nin keediak,

³⁰ luak rɔt, ku bar bei ne tiɛm ageer kɔu.

³¹ Ku bui eya yala ne banydit ke ka ke Nhialic ku dugɛɛr jamki, Yi kee kɔc kɔk luɔk; ku cii rɔt ber leu ne luak.

³² Ne Kritho, Meleŋ de Yithrael, ne bɔ piny ne tiɛm ageer kɔu emane buk ŋem, ku kabuk gam. Go kɔc wen ci piat kene ye goki laat.

³³ Ɣɔn ne thaa de dhetem, ke piny col ecut ebɛn agut thaa dheŋuan.

³⁴ Ana ye ye thaa dheŋuan ke Yecu yɔɔt eyic areet, jiɛm, Ye Eloi, Eloi, lama thabakthani? luelde ee, Nhialinydie, Nhialinydie, yeŋo yin ɣa nyaŋ wei?

³⁵ Go kɔk ke keek kaac etɛɛn, te cik kek ye piŋ, e ke jam, Yi ŋɛmka, acɔl Elija.

³⁶ Go ran tok riŋ, ku thiɛŋ ponj ne binegar, ku tɛɛu ne aruɔr thok, ku yin en bi dek, jiɛm, Ye nɛke tɔ; ŋemku lan bii Elija bɛn bi dak bei ne tim kɔu.

³⁷ Go Yecu coot areet, ku gɛm tiɛp.

³⁸ Ku rɛɛt alanh diit de yekaluic ne yenom gut piny.

³⁹ Na wen ci bɛny de rem ne kaac elɔɔm ye ŋem gɛm gɛm en tiɛpde, ke jam, Ye neyic yerane ee ye Wen de Nhialic.

⁴⁰ Ku diar eke kaac temec eya dɛiki: yi Mari Magdalene ku Mari man e Jakob thi ku Jothe ku Thalome;

⁴¹ diar eke ye biɔth, ɣɔn tɔ yen ne Galili; ku yiki luɔi; ku diar juec kɔk ci bɛn Jeruthalem kene yen.

⁴² Ɣɔn thei, ne ke yen kol de Juɛr, ye kol tueŋ ne thabath,

⁴³ ke Jothep ran de Arimathaya, randiit rieue, ran e ye ceŋ de Nhialic ŋɔɔth, ke bɔ ler enɔŋ Pilato ne ŋeeny, ku thiec ne guɔp de Yecu.

⁴⁴ Go Pilato gai ne thon cen guɔ thou: go bɛny de rem cɔɔl, ku thiec lan cen guɔ thou.

⁴⁵ Na wen ci e nyic enɔŋ bɛny de rem, ke yin Jothep guɔp.

⁴⁶ Go alanh linon loom, ku dɛk guɔp nhial, ku duut ne yen, ku le kan ne raŋden e ci wec ne kuuric; ku leer kuur ne raŋ thok.

⁴⁷ Go Mari Magdalene ku Mari man e Jothe lɔ ŋem te cene ye thiɔk thin.