Welpiath ci Mak cithiei ke gɔɔr 14 - Lek Jot de Jecu Kritho 1940

¹ Na ci nin keerou thok, ke ret ee tɔ ku mono cinic awuro: go bany ke ka ke Nhialic ku dugɛɛr goki kɔɔr bik dɔm ku bik liɛu nɛkki:

² aake jam, Yi kacie kol de miɛth, kɛlke bi naŋ ajaak de kɔc.

³ Ɣɔn ye tɔ ne Bethani ɣon de Thimon ran de abiɛl, ciɛm en thin, ke tiŋ nɔŋ tony de alabatha de miok de narad rir ne ɣooc ke bɔ; ku kuem tony ku wɛl enom.

⁴ Go kɔc kɔk ɣok ne kepiɔth, jamki, Yi yekanŋo nyiɛk en yemiokne?

⁵ Ee te ci ɣaac ne denariɔn thiernyɛny diak, ku yine ke aŋaaŋ. Ku lumki tiik.

⁶ Go Yecu jam, Ye pɛlka; yeŋo liɛp we yenom? Ee luɔi piath luɔi ɣen.

⁷ Aŋaaŋ aaye tɔ kene week ne nyindhia, na yaka ke kɔɔr, ke we ye piath leu ne lui keek: ku an cie tɔ wɔne week ne nyindhia.

⁸ Ee ke leu loi: ee ɣa tɔc guɔp ke thiaŋdie ŋoot.

⁹ Ku we ya yɔɔk neyic, Ya ɣan kedhia bene ke welpiath ya nyuɔth thin ne piny nom ebɛn, ke yeke ci yetiŋe loine eya abi ya ciir bi kɔc kenhiim a ciɛt ne yen.

¹⁰ Go ran toŋ de kɔc keethiɛr ku rou, cɔl Judath Yithkariɔt, lɔ enɔŋ banydit ke ka ke Nhialic, bi Yecu yiɛn keek.

¹¹ Na wen cik ye piŋ, e ke mit piɔth, ku yookki yi bik yiɛn weu. Ku tɛk yin ben e yiɛn keek.

¹² Ɣɔn ne kol tueŋ de cuin cinic awuro, acik roth kɔc ne ret, ke kɔcpiocke thiec, Yi ye tɛnŋo kɔr bii wɔ ret lɔ juir thin bii wɔ ye lɔ cam?

¹³ Go kɔckeek piocke tooc keerou, ku yook ke, Ye laka bei, ku we bi rɔm wene ran ɣɛɛc tony de piu: ke biathka;

¹⁴ ku ɣon leer en thin, ke we thiec wun de ɣot, Wuɔ Dupioc ajam, Ye tɔ ɣondien de kaman teno ban cam ne ret thin wɔne kɔcciek piɔcke?

¹⁵ Ke kabi we nyuɔth ɣon diit nhial nɔŋic kaŋ ku ci juir: juir we kakuɔ thin.

¹⁶ Go kɔcpiocke lɔ, ɣetki bei, goki lɔ yok ci luɛlde; goki ret juir thin.

¹⁷ Na ɣɔn thei ke bɔ kene thiɛrkurou.

¹⁸ Ana yii nyucki yii ciɛmki, ke Yecu jam, Ye we ya yɔɔk neyic, Ya ran toŋ de week yic abi a nyiɛn, aciɛm ke ɣa emane.

¹⁹ Goki piɔth dhiau areet, ku ye ŋɛk thiec, Ye ye ɣɛn?

²⁰ Go ke yɔɔk, Ye kee toŋ de thiɛrkurouic, aŋuany aduɔkic kene ɣɛn.

²¹ Wen de raan alɔ, ci man de kecigɔɔr: ku dhieu abi tɔ kene yen yen man nyiin Wen de raan! Ee ŋuan te te kene erane dhieth.

²² Ana yi ciɛmki, ke lom mono, ana ci ye thiei, ke wɛkic, ku yin ke, ku jiɛm, Ye lɔmka: guɔpdie eka.

²³ Ku loom abiny, ana ci ye thiei, ke yin ke: goki dek kedhia.

²⁴ Ku yook ke, Ye kee riɛmdien de mat, ci kuer ne juaac.

²⁵ We ya yɔɔk neyic, Ya ɣan ci beer dek ne piukeabiɛi, agut kol ban piukeabiɛi jot dek ne ceŋ de Nhialicic.

²⁶ Ɣɔn yii cik din tok ket, e ke lɔ kuur de Olip.

²⁷ Go Yecu ke yɔɔk, Ye week wedhia we bi kɔth ne yemankaune: ee gɔɔr, Ya ɣan bi adubiok nɔk, ku bi amɛl thiɛi wei.

²⁸ Na ca rɔt jɔt, ke we ba ŋaar Galili.

²⁹ Go Petero jam, Ye ne kɔc cak kɔth kedhia, ke ɣɛn ce kɔth.

³⁰ Go Yecu yɔɔk, Ye yin ya yɔɔk neyic, Ya yekole, agut kau, yin bi ɣa jai naadiak, aŋoot ajith ke ken ciu naarou.

³¹ Go riɛɛr areet, Ye ne ɣan cak rɔt dhiɛl ne thouic wɔ yin, ke yin ca jiɛi. Ku yene ye luɛlden eya kedhia.

³² Goki lɔ te cɔl Gethemane: go kɔcpiocke yɔɔk, Ye nyuɔcka ene, ne ekam laŋ ane.

³³ Ku leer Petero ku Jakob, ku Jɔn, ku gɔl gai areet, ku dhien de piɔu.

³⁴ Go ke yɔɔk, Ye ɣan dhiau piɔu areet agut ci thou: yen rɛɛrka eene, ku tiɛtka.

³⁵ Ku cot rɔt tueŋ emath, ku cuɛt rɔt piny, ku lɛŋ ye te nyiɛiye yethane enɔŋ en, te leue yen.

³⁶ Ku jiɛm, Ye Abba, Awa, kaŋ kedhia aayeke leu; nyaiye abiny enɔŋ an; apiath abac; acie piɔndie, ee piɔndu.

³⁷ Ku le bɛn, go ke yok ne nin, go Petero thiec, Ye Thimon, nin? a cii tiɛt leu ne thaa tok?

³⁸ Yaka tiit, ku yaka lɔŋ, kɛlke we bi them: piɔu arir, ku guɔp aniɔp.

³⁹ Ku beer lɔ, ku lɔŋ, jiɛm ne jam wen.

⁴⁰ Ku beer lɔ bɛn, go ke yok ne nin, yiki nok; ku kucki ke bik dhuɔk en.

⁴¹ Go bɛɛr lɔ bɛn ne ke de diak, ku yook keek, Ye jalka nin, ku laŋka: ee loi; thaa ee ɣeet; ŋɛmka, Wen de raan ee nyiɛn kɔc rac.

⁴² Jatka roth, ku lok: ŋɛmka, ran nyiin ɣɛn ee ɣeet.

⁴³ Ana ye ŋoot ke jam, ke Judath, ran toŋ de thiɛrkurou, ke bɔ kene dun muk thep ku lɔc, aake bɔ enɔŋ banydit ke ka ke Nhialic ku dugɛɛr ku nenɔŋ roordit.

⁴⁴ Ku ci ran nyiin en ci kɔc nyuɔth, jiɛm, Ye ran ba lɔ ku ciɛm, ke yenekee ye; ke damka, ku larka.

⁴⁵ Wen ye bii, ke ciith enɔŋ Yecu, ku jiɛm, Ye Rabi; ku ciim.

⁴⁶ Goki kuak piny, dɔmki.

⁴⁷ Go ran toŋ de keek kaac theep loom, ku kep en aluaŋ de bɛnydiit de ka ke Nhialic, kep yic wei.

⁴⁸ Go Yecu duut yɔɔk, Ye yaka bɛn wene thep ku lɔc, bak ɣa dɔm, ci rueny?

⁴⁹ An ye cool ne reer wɔne week ne yekaluic, piɔc kɔc, ku cak ɣa dɔm: yekene ee loi bi kacigɔɔr ya yith.

⁵⁰ Go kɔcpiocke kedhia waan, kɛtki.

⁵¹ Go ranthin tok go biɔth cok, ran ci alanh linon kaar ne yekɔu ku tɛi kɔu: goki dɔm;

⁵² go alanh linon waan, ku kɛt ne yeciin.

⁵³ Goki Yecu lar tenɔŋ bɛnydiit de ka ke Nhialic; ku gueer banydit ke ka ke Nhialic ku roordit ku dugɛɛr kedhia.

⁵⁴ Go Petero biath temec, agut lɔ thin, lɔ ne tiai de bɛnydiit de ka ke Nhialic: ku nyuuc kene awuut, ku ɣɔc ne riar de mac nom.

⁵⁵ Go banydit ke ka ke Nhialic ku raan ebɛn ci gueer Yecu kɔr ke rieth kek yen, bik kek ye cɔk thou; goki cuɔk yok.

⁵⁶ Kɔc juec alueth tɔɔr, ku cik kɔn rɔm.

⁵⁷ Go raan rɔt jɔt, ku toor lueth ne yen, jiɛm,

⁵⁸ Ye kacuk piŋ ne jam, Ye an bi yekalu ne loi ne kɔc cine thuɔr piny, ku bɛɛr buth ne nin keediak te cin raan ciin thin.

⁵⁹ Ku ce jamden kɔn rɔm.

⁶⁰ Go bɛnydiit de ka ke Nhialic kɔɔc ne kɔc ciɛl yic, ku thiec Yecu, jiɛm, Ye cin ke ye dhuk? yeŋo eke luel keeduleekane ne yin?

⁶¹ Go dhiac ke mim. Go bɛnydiit de ka ke Nhialic bɛɛr thiec, jiɛm, Ye ye Kritho, Wen de Athiɛi?

⁶² Go Yecu luel, Ye kee ɣa: ku we bi Wen de raan ŋem ne rɛɛr ne ciin cuec de riɛl, ku bii kene piɔl ke pan nhial.

⁶³ Go bɛnydiit de ka ke Nhialic alɛthke reet, ku jiɛm, Ye yeŋo dɛ beerku kɔr duleek?

⁶⁴ Wɔ ci lɛt piŋ: tɛŋduɔn eko? Goki luɔk thou kedhia.

⁶⁵ Go kɔk laar ke ŋuutki guɔp, ku kumki nyin, ku mɛɛŋki, ku yookki, Yi nyuɔthe wɔ ka bi tuɔl: ku loom awuut ku lerki ke maŋki.

⁶⁶ Ana ye Petero ye reer biyic ne tiaiic, go nyan toŋ de nyirawuut ke bɛnydiit de ka ke Nhialic go bɛn enɔŋ en;

⁶⁷ go Petero ŋem ne ɣɔc, go liaal, ku jiɛm, Ye yin ee tɔ wene Nadharani, Yecu.

⁶⁸ Go jai, ku jiɛm, Ye kakuɔc yeke luele, ku kakɛn piŋ: ku leer geer; ku ciu ajith.

⁶⁹ Go nya ŋem, go bɛɛr lɛk kɔc kaac elɔɔm, Ye yerane ee ran toŋ de keek.

⁷⁰ Go Petero bɛɛr jai. Na re ke kɔc kaac elɔɔm yook Petero, Yi kee yic yin ye toŋ de keek; ne ke yin muɔny Galili.

⁷¹ Go rɔt cien, ku kueeŋ rɔt, Ye kee ran kuɔc yeke yaka luelne.

⁷² Go ajith guɔ ciu elantoŋtɛi ne ke de rou. Go Petero wɛt de Yecu tak, ne yook e cen e yɔɔk, Ye yin bi ya jai ne diak, ke ajith ken guɔ ciu ne rou. Na wen ci ye tak, ke dhiau.