Welpiath ci Mak cithiei ke gɔɔr 11 - Lek Jot de Jecu Kritho 1940

¹ Na wen ci thiɔk kene Jeruthalem, lɔ Bethpage ku Bethani, ne kuur de Olip, ke toc ren de kɔcpiocke,

² ku yook ke, Ye laka yepan tɔ ne wenhiime: nelantoŋe ler we, ke we bi akaja yok ne mac, acin ran ci kan nyuc ne yekɔu: luɔnyka; ku bɛika.

³ Na thiec raan week, Ye yeŋo loi we yekene? ke we jam, Wuɔ Bɛny eka kɔr e; e kabi dai cɔk bɔ eene.

⁴ Goki lɔ, ku yokki akaja ne ci mac ɣot thɔk dholic; goki lony.

⁵ Go kɔc kɔk eke kaac etɛɛn jam, Yi yeŋo luɔika, lony we akaja?

⁶ goki ke lɛk wel eke ci Yecu ke luel: goki ke cɔk lɔ.

⁷ Goki akaja bɛi enɔŋ Yecu, ku tɛɛuki alɛthken ne yekɔu; ku nyuuc ne yekɔu.

⁸ Ku thieth kɔc juec alɛthken dholic; ku tɛɛu kɔc kɔk ker ke tiim eke yepike dholic eya.

⁹ Ku ye kɔc ŋaar, ku kɔc bioth yiki coot, Yi Othana; Eewuubi ya thiei yen man bɔ ne rin ke Bɛnydit:

¹⁰ Eewuubi thiɛi tɔ kene ceŋ bɔ, ceŋ de awada Dabid: Othana tɔ nhialic.

¹¹ Go lɔ Jeruthalem, ne yekaluic; wen cen keriɛc ebɛn guaar ne ŋem, ku ci ya thei, ke lɔ Bethani kene thiɛrkurou.

¹² Ɣɔn miak bii kek ne Bethani, ke ci cɔk nɔk.

¹³ Go ŋaap ŋem yith temec, go lɔ, cɔɔl ye nɔŋ ke bi lɔ yok: na ci ɣet, ke cin ke yok, aye yic; ee cie kolden de luɔk.

¹⁴ Go ŋaap yɔɔk, Ye ne cin ran beer yi ya cam athɛɛr; ku ci kɔcpiocke piŋ yejame.

¹⁵ Goki bɛn Jeruthalem, ku leer yekalu, ku gɔl kɔc ne ciec wei, kɔc ɣɔɔc, ku kɔc ɣoc ne yekaluic, ku puk ageen ke meweer ke weu nhiim piny, ku thoc ke kɔc eke ɣɔɔc kurei;

¹⁶ ku jiɛi kɔc jɔt tony ke weeth ne yekaluic.

¹⁷ Go ke piɔc, ku yook ke, Ye kene gɔɔr, Ya luaŋdie abi ya cɔɔl luaŋ de lɔŋ de juɔr ebɛn? ku kacak loi ne ye ɣon de rueeny.

¹⁸ Go bany ke ka ke Nhialic kene dugɛɛr piŋ, goki yii bik nɔk: cik riɔc ne yen, ne ke ci duut gai ne weetde.

¹⁹ Go ya lɔ biyic thei baai.

²⁰ Ana ɣɔn yi tekki ɣɔn miakdur, e ke ŋem ŋaap ne ci guau agut mei.

²¹ Go Petero tak ku jiɛm, Ye Rabi, ŋem ŋam war ca ciɛn ee guau.

²² Go Yecu ke yɔɔk, Ye yaka naŋ gam de Nhialic.

²³ We ya yɔɔk neyiic, Ya ran yook yekuure, Ye jɔt rɔt ku cuate rɔt bɛɛr; ku ci ye diɛr ne yepiɔu, ye nyic ke ke ye luel ye tɔ: e kabi loom.

²⁴ Yen we ya yɔɔk wedhia ya ka ye we ke lɔŋ ku yaka ke thiec, ke yaka gam nyiɛcka lan bii we ke ya loom, e kaba ya loom.

²⁵ Na yaka lɔŋ, ke we yaka ateer tɔ ne kɛmkuɔn puɔl; yeneka bii Wuɔrduɔn tɔ nhial we ya pal rɛɛcduɔn eya.

²⁶ Ku na cak ke ye puɔl, ke Wuɔrduɔn tɔ nhial aci rɛɛcduɔn bi puɔl.

²⁷ Goki bɛɛr lɔ Jeruthalem: ana ye ciɛth ne yekaluic, ke bany ke ka ke Nhialic, kene dugɛɛr, ku roordit bɔ;

²⁸ ku thiecki, Yi ye riɛr no yin keekake loi?

²⁹ Go Yecu ke yɔɔk, Ye we ba thiɛc tok, ku dhuɔkka ɣɛn, ku we ba lɛk riɛr yan keekake loi.

³⁰ Ye baptinh de Jɔn, ye ke nhial, ka ye ke de kɔc? dhuɔkka ɣɛn.

³¹ Goki jam ne kepiɔth, Yi na jamku, Wuu kee ke nhial; e kabi jam, Ye yeŋo ci we yen ye gam?

³² Ku na jamku, Wuu kee ke de kɔc — aake riɔc ne kɔc: ayee raan ebɛn gam ya Jɔn ee nebi.

³³ Goki dhuɔk Yecu, Yi kakucku. Go Yecu dhuk, Ye ke we caa bi lɛk riɛr yan keekake loi.