Welpiath ci Mak cithiei ke gɔɔr 10 - Lek Jot de Jecu Kritho 1940

¹ Go rɔt jɔt etɛɛn, ku bii ne aken de Judayaic tem Jordan lɔŋti: go dun dit bɛɛr gueer enɔŋ yen; ku piocke ci man thɛɛr.

² Go Parithai bɛn enɔŋ en, ku thiecki, Yi piɛth te pɛle raan tiŋde? them kek yen.

³ Go dhuk yook ke, Ye ci Mothe we lɛk ŋo?

⁴ Goki jam, Yi Mothe ee gar de pɛl e tiik gam, bi tiik ya puɔl.

⁵ Go Yecu ke yɔɔk, Ye Mothe kee gɔr yeloŋe ne riɛr de piɔthkuɔn.

⁶ Ku ɣɔn tueŋ ciɛke kaŋ, ee moc ku tiik keeka ke ciɛkke.

⁷ Yekene yeneka bii raan wun ku man ya waan, ku le ya ceŋ ke tiŋde;

⁸ ku keek keerou abi ya ya riŋ tok: aci kɔn ya rou, aya riiŋ tok.

⁹ Yen ne ke ci Nhialic maat, ne cin ran beer ye ya puɔk.

¹⁰ Na ci lɔ ɣot, ke beer kɔcpiocke thiec ne yekene.

¹¹ Go ke yɔɔk, Ye ran pɛl tiŋde, ku thiɛk dɛ, e kee ya mekor:

¹² ku na yee tiik ne guɔpde yene pɛl monyde, ku cɔk rɔt bere thiak, e kee abal.

¹³ Go kɔc miththii bɛi enɔŋ en, bi ke bɛn jak gup: go kɔcpiocke kɔc waai.

¹⁴ Wen ci Yecu ye ŋem, go piɔu lɛth, ku yook keek, Ye ne miththii bɔ enɔŋ an; ku duɔeke pen: ka cit ke, keeka ye ceŋ de Nhialic.

¹⁵ We ya yɔɔk neyic, Ya raan ebɛn ci ceŋ de Nhialic ye loom ci man de manhthi, e kaci lɔ thin bi leu.

¹⁶ Go ke boom, ku thiei ke, ku kɛn yeciin keek.

¹⁷ Ana ye loony dhol, ke ran riŋ enɔŋ yen, ku tuk yenhiɔl ne yenom, ku thiec, Ye Dupiony Piath, yeŋo ba loi ba piir athɛɛr loom?

¹⁸ Go Yecu yɔɔk, Ye yeŋo yin an cɔk piath? acin ran piath, a kee tok, ee Nhialic.

¹⁹ Yin nyic looŋ, Duɔne ran dɛ nɛk abi thou, Duɔne lɔ we tiŋ de ran dɛ, ku ce tiik lɔ ke mony dɛ, Duɔne ye rieth, Duɔne ye kual, Ye wuur theek kene moor.

²⁰ Go yɔɔk, Ye Dupioc, keekake kedhia aca loi ɣɔn yan meth aɣet ci emane.

²¹ Go Yecu ŋem ku nhiɛr, ku yook, Ye tok aŋoot ke dak: lɔɔr, ku ɣaace ka tɔ kene yin kedhia, ku yiɛne ke aŋaaŋ, ku yin bi naŋ weuku nhial: ku bar, jɔt tiɛm ageer, ku ye ɣa biɔth.

²² Go piɔu wuɔp ne yejame, ku leer ke dhiau piɔu areet: ne ke nɔŋ yen kajuec areet.

²³ Go Yecu piny guaar ne ŋem, ku yook kɔcpiocke, Ye karir areet ye lɔ bii kɔc nɔŋ weu juec lɔ ne ceŋ de Nhialicic!

²⁴ Go kɔcpiocke gai ne welke, Go Yecu bɛɛr dhuk, yook ke, Ye miththii, arir areet ye lɔ bii kɔc ye roth gɛi bany de weu lɔ ne ceŋ de Nhialicic!

²⁵ Akɔc nenɔŋ thɔrɔt te teek en ne nyin de alibrɔtic, ne lɔ bi ran nɔŋ weu juec lɔ ne ceŋ de Nhialicic.

²⁶ Goki cok gai areet, ku jamki, Yi yeŋa bi leu ne luak?

²⁷ Go Yecu ke ŋem, ku jiɛm, Ye karir nenɔŋ kɔc, ku kacie Nhialic: keriɛc ebɛn aleu enɔŋ Nhialic.

²⁸ Go Petero jam gɔl kene yen, Ye ŋem, wɔ ci kaŋ kedhia waan, ku yuku yi biɔth.

²⁹ Go Yecu jam, Ye yin ya yɔɔk neyic, Ya kacin ran ci ɣonde puɔl ku watmɛthke, ku nyirakɛcke, ku man, ku wun, ku mithke ku tiŋde, ku pinyde, ne kedie, ku ne welpiath,

³⁰ ku ci kajuec bi loom ne emane, go ya ɣoot, ku watmɛthke, ku nyirakɛcke, ku marke, ku mithke, ku piinyke, ne ŋet; ku kabi piir athɛɛr loom ne ceŋ bi bɛn.

³¹ Ku kɔc juec ye tueŋ aabi ya can; ku can abi ya tueŋ.

³² Aake tɔ dholic, dhol lɔ Jeruthalem; ku ŋɔr Yecu keek: ku cik gai; ku ci kɔc eke biɔth en cik riɔc. Ku beer thiɛrkurou cɔɔl, ku gɔl ke ne lek ka bi ye lɔny,

³³ jiɛm, Ye ŋɛmka, wɔ lɔ Jeruthalem; ku Wen de raan abi yiɛn bany ke ka ke Nhialic ku dugɛɛr; ku kabik luɔk thou, ku bik yiɛn Juurkɔk:

³⁴ ku bik bui, ku kabik ŋuɔt, ku duiki, ku jɔlki nɔk; ku jɔl rɔt bɛɛr jɔt ne kol e diak.

³⁵ Go Jakob ku Jɔn roth cuɔt en, wɛɛt ke Dhebedayo, ku yookki, Yi Dupioc, wɔ nɔŋ piɔth ba wɔ ya luɔi ke yeku thiec enɔŋ yin ebɛn.

³⁶ Go jam, Ye yeŋo yaka kɔɔr ba luɔi week?

³⁷ Goki jam, Yi tɛɛne wɔ ɣɔn ke nyuc, bi ŋɛk ya reer ne ciin cuecdu, ku ŋɛk ne ciin ciɛmdu, ne nuɔmduic.

³⁸ Go Yecu ke yɔɔk, Ye we kuc ke yaka thiec. Lɛuka dek ne abiny yan dek? ka leu we ne baptith ne baptinh ee cene an baptith?

³⁹ Goki jam, Yi kaleuku. Go Yecu keek yɔɔk, Ye we bi ya dek ne abiny yan dek; ku we bi ya baptith ne baptinh cene an baptith:

⁴⁰ ku nyuc ne ciin cuecdie ku ciin ciɛmdie acie an e bi ye tek: ee ke de kɔc eke juireke yen.

⁴¹ Na ci thiɛr ye piŋ, e ke leth piɔth ne Jakob ku Jɔn gup.

⁴² Go Yecu ke cɔɔl enɔŋ en, ku yook keek, Ye kanyiɛcke ke kɔc ye piɔth naŋ bik ya tɔ ne riɛric ne Juurkɔk nhiim aye naŋ riɛr ne keek, ku ditden ee naŋ riɛr ne kenhiim.

⁴³ Ku kace yineya ne weyic: ran bi ya dit ne weyic, abi we ya luɔi:

⁴⁴ ku ran bi ya ya tueŋ ne weyic, abi ya ya aluaŋ de raan ebɛn.

⁴⁵ Neyic Wen de raan ee ce bɔ bi ya luɔi, ee bɔ bi ya lui, ku bi juaac waar ne weike.

⁴⁶ Goki bɛn Jeriko: ɣɔn ye jiɛl ne Jeriko, kene kɔcpiocke ku dun dit, ke cɔr ee rɛɛr ne dhol ŋeep, wen de Timayo, cɔl Bartimayo, ku ye lim.

⁴⁷ Na ci ye piŋ ne ye Yecu de Nadhareth, ke cot, jiɛm, Ye Yecu, wen de Dabid, cɔk yipiɔu cɔk kɔc ne ɣɛn.

⁴⁸ Go kɔc juec waai, bi mim: go dhiac ke cot aretic, Ye Yin, wen de Dabid, kace piɔu ne ɣɛn.

⁴⁹ Go Yecu kɔɔc, ku jiɛm, Ye calka. Goki cɔr cɔɔl, yookki, Yi miɛte piɔu: jɔt rɔt yin cɔl.

⁵⁰ Go alɛthke cuat wei, ku pur rɔt, ku bii enɔŋ Yecu.

⁵¹ Go Yecu dhuk thiec, Ye yeŋo kɔɔr ba luɔi yin? Go cɔr yɔɔk, Ye Raboni, ee ba nyincie loom.

⁵² Go Yecu yɔɔk, Ye lɔɔr dholdu; gamdu aci yi cɔk piɔl. Go nyinke dai loom, ku biɔth cok dholic.