Mathayo 9 - Lek Jot de Jecu Kritho 1940

¹ Go kɛɛc riɛi, ku tem lɔŋti bii panden.

² Ŋɛmka, go kɔc ran bec ci cath thuet bɛi enɔŋ en ne koom nom. Go Yecu gamden ŋem, ku yook ran ci cath thuet, Ye Wene, miɛte piɔu; karɛcku aa puɔl.

³ Ku ŋɛmka, go dugɛɛr eke tɔ goki jam ne kepiɔth, Yi yerane ajam arac.

⁴ Go Yecu tɛŋden nyic, ku jiɛm, Ye yeŋo tɛk we kerac ne wepiɔth?

⁵ Ye keno kɔc, te luele ye, Ya karɛcku aa puɔl; ka luel, Ya jɔt rɔt, ku cathe?

⁶ Ee bak nyic ke Wen de raan nɔŋ riɛr ne tiɔp nom yen karac puɔl (ku yook ran bec ci cath thuet), Ye jɔt rɔt, ku jɔt komdu, ku lɔɔr ɣondu.

⁷ Go rɔt jɔt leer ɣonde.

⁸ Na ci dun de kɔc ye ŋem, e ke riɔc, ku nomki Nhialic man ci riɛr yinla yiɛn kɔc.

⁹ Ɣɔn ajiɛl Yecu yetɛɛn, go raan ŋem, ran cɔl Mathayo, ne rɛɛr te de juɛr: go yɔɔk, Ye biɔth ɣa. Go rɔt jɔt, ku biɔth.

¹⁰ Ku tɔ, te cen nyuc ɣot ciɛm, ŋɛmka, go kɔc rac goki bɛn ku nyuucki kene Yecu ku kɔckek piocke.

¹¹ Na ci ye ŋem ne Parithai, goki kɔckek piocke yɔɔk, Yi yeŋo ciɛme Dupionyduɔn kene mejueer ku kɔc rac?

¹² Na ci ye piŋ, go jam, Ye kɔc piɛl aaci akem ye ŋaŋ, aye ŋaŋ ne kɔc bec.

¹³ Ku lak la piɔcka ne luɛl de yekene, Ya kac de piɔu eka ya kɔɔr, ku kacie koc de rɔt: an ee ce bɔ ba kɔc lajik bɛn cɔɔl, aa kɔc rac.

¹⁴ Go kɔcpiocke ke Jɔn bɛn enɔŋ en, jamki, Yi yeŋo ye wɔ wɔne Parithai dac thieel, ku ci kɔcku piɔceke ye thieel?

¹⁵ Go Yecu ke thiec, Ye leu watmɛthken ke ran thiek dhien de piɔu te tɔ ran thiek ke keek? Akol bi bɛn, bii ran thiek liu ne keyic, ke yeneka bik kek thieel.

¹⁶ Acin ran bi alanh jot buɔp ne ɣɔr de alanh thɛɛr; ke ci buɔp ee alath baan, ku ye ɣɔr cɔk lɔ ke dit.

¹⁷ Ku kɔc aaci piukeabiɛi piɔc loi ye ciɛɛr ne ajura thɛɛr yic: kɛlke bi ajura reet yic, ku kueer piukeabiɛi wei, ku riak ajura. Aaye piukeabiɛi piɔc loi ciɛɛr ne ajura piɔcke loi yic, ke kaaye tɔ apiath.

¹⁸ Te ŋoot en ke jam ke ke ne keekake, ŋɛmka, go randit go bɛn, bii ku door, jiɛm, Ye nyandie ee thou emane: yen bar, ba yiciin lɔ kan en ku kabi bɛɛr piir.

¹⁹ Go Yecu rɔt jɔt, ku biɔth, kene kɔckek piocke.

²⁰ Ŋɛmka, ku bɔ tiik, tiŋ ye riɛm piɔk ne run thiɛr ku rou, ku wɛɛn rɔt ne yekɔu, bii ku jiɛk alanhde thok:

²¹ ee jam ne yepiɔu, Ye na jak alanhde thok abac, ke an bi dɛm.

²² Go Yecu rɔt wel, ku ŋem, ku jiɛm, Ye nyane, lɔ piɔu yum; gamdu aci yi cɔk dem. Ku go tiik guɔ dɛɛm ne yemanthine.

²³ Na ci Yecu bɛn ɣon de randit, ku yok kɔc ke kuɔth de tuŋ, ku dun diit de kɔc pɛl awuɔu,

²⁴ ke jam, Ye patka ɣa: nya aken thou, kanin. Goki dɔl ne buɔi.

²⁵ Na ci duut ciec, ke lɔ thin, ku dɔm ciin; go nya rɔt jɔt.

²⁶ Ku thoŋ de yeluɔine ee lɔ yepinye ebɛn.

²⁷ Na ye Yecu ye jɛl etɛɛn, go coor keerou biɔth, cotki, jamki, Yi kace piɔu enɔŋ wɔ, yin wen de Dabid.

²⁸ Te cen bɛn ɣot, go coor bɛn enɔŋ en. Go Yecu ke thiec, Ye yaka gam lan lɛu an yekene? Goki yɔɔk, Yi ee, Bɛnydit.

²⁹ Go ke jak nyiin, ku jiɛm, Ye kabi luɔi we ci gam ci we ye gam.

³⁰ Goki yin. Go Yecu ke lom thook, jiɛm, Ye ŋɛmka bi ciɛn ran dɛ nyic e.

³¹ Goki leu wei, ku lek thoŋde thiai yepinye ebɛn.

³² Te leu kek wei, ŋɛmka, go yiɛn ran cin thok cii jɔŋ rac muk.

³³ Na ci jɔŋ rac ciec, ke ran cin thok ke jam. Go duut gai, jiɛm, Ye kakene kan ŋem ne Yithraelic.

³⁴ Go Parithai luel, Yi kee riɛr de bɛny de jak rac yeneka yen jak rac ciec.

³⁵ Go Yecu lɔ cath ne bɛi dit kedhia ku bɛi thii, pioc kɔc ne luekken ke gueer yic, ku weetke ne welpiɛth ke ceŋ, ku cɔk tɔɔk ebɛn kene bec cɔk dem.

³⁶ Na ye ŋem duut, go piɔu kac ne keek, ne ke cik kek nal ku cik lɔ weerer, ci amɛl cin abiok.

³⁷ Go kɔcpiocke yɔɔk, Ye ka ci luɔk aajuec neyic, ku kɔc ke luɔi aalik.

³⁸ Yen yaka Benydiit de ka ye luɔk lɔŋ, bi kɔc ke luɔi ya tuɔc ne kakeek ci luɔk yic.