Mathayo 3 - Lek Jot de Jecu Kritho 1940

¹ Na ɣɔn ne keeakolke ke Jɔn Baptith bɔ weet kɔc roŋ de Judaya,

² jiɛm, Ye wɛlka wepiɔth, ceŋ de Nhialic ee ɣeet.

³ Yenekee ci luel ɣɔn ne nebi Yithaya, jiɛm, Ye ror de toŋ ye coot roor, Ye juɛrka dhol de Bɛnydit, Cakka dhɔlke lacith.

⁴ Ku Jɔn ee ye ceŋ ne alanh ci cuec ne nhim ke thɔrɔt, ku laak e ethar; ku yee cam ne kɔriɔm ku miok de ciɛc ye yok rokic.

⁵ Go raan ebɛn ya lɔ enɔŋ en de Jeruthalem, ku Judaya, ku piny ebɛn yuil Jordan;

⁶ go ke baptith ne Jordan e ke gam karɛcken.

⁷ Te ŋem en kɔc ke Parithai ku Thadokai e ke bɔ bi ke baptith ne yen, go ke yɔɔk, Ye we kuan de karoor, ŋa ci we nyiɛn bak kɛt wei ne ɣok bi bɛn?

⁸ Yen yaka luɔk apiath ne wei de piɔu:

⁹ ku duɔka ye luel ne tɛŋ de wepiɔth, Wuɔ wɔ nɔŋ Abraɣam awada: we ya yɔɔk, Ya Nhialic aleu keekurke ne cak e ke ye mith ke Abraɣam.

¹⁰ Ku yep athiɔk emane bene mei ke tiim dac yep: yen tim ebɛn cie luɔk apiath aye dac yɛp piny ku cuɛte mɛɛc.

¹¹ We ya baptith ne piu bak wepiɔth wel: ku yen man biɔth acok yeneka rir ne ɣɛn, an ce piath a ɣan ce wɛrke muk: yeneka bi we baptith ne Jɔŋdiit Lajik kene mac:

¹² amuk akɔt ne yeciin, ku kabi pinyde weec apiath; ku kabi rɛpke kuɔt guk, ku ayiɛl abi nyop ne many ce leu ne piɔk.

¹³ Go Yecu jaal ne Galili bii Jordan, bi bi baptith ne Jɔn.

¹⁴ Go Jɔn peen, jiɛm, Ye yin ŋaŋ ba a baptith, ku bɛɛre bɛn enɔŋ ɣa?

¹⁵ Go Yecu gam, ku yook, Ye ne tɔ yeya emane: yeluɔine aye wɔ piath ebɛn cɔk ye yic. Go gam e.

¹⁶ Ku te cene Yecu baptith, go dac bɛn bei ne piuic, go nhial eyic liɛp e, go Jɔŋdiit de Nhialic, ŋem ne bɔ piny ke cit guɔp kure, ku nyuuc ne yenom,

¹⁷ go ror bɛn bei nhial, jiɛm, Ye yekene kee Wendiɛn nhiar, amiɛt Ɣan piɔu.