Mathayo 26 - Lek Jot de Jecu Kritho 1940

¹ Na ci Yecu keewelke thol kedhia, ke yook kɔckek piocke,

² Ye kanyiɛcka ke bi ya ret te ci nin keerou thok, ku Wen de raan abi gam bi piat.

³ Go banydit ke ka ke Nhialic, ku dugɛɛr, ku roordit ke kɔc, goki mat ne tiai de bɛnydiit de ka ke Nhialic, cɔl Kaiapath;

⁴ ku jiɛɛmki roth bik Yecu dɔm ne koony, ku bik nɔk.

⁵ Goki jam, Yi kacie kol de miɛth, kɛlke bi naŋ ajaak de kɔc.

⁶ Ɣɔn ye Yecu ye tɔ ne Bethani, ɣon de Thimon ran de abiɛl,

⁷ ke tiŋ nɔŋ tony de alabatha de miok de weu juec ke bɔ, ku wɛl ne yenom ke rɛɛr te de miɛth.

⁸ Na ci kɔcpiocke ye ŋem, e ke ɣok, jamki, Yi ye kanŋo nyiɛk en yekene?

⁹ Ee te ci ɣaac ne weu juec ku yine ke aŋaaŋ.

¹⁰ Go Yecu nyic, go ke yɔɔk, Ye yeŋo yɔŋka tiik? ke ci luɔi piath luɔi ɣa.

¹¹ Aŋaaŋ aaye tɔ kene week ne nyindhia, ku an cie tɔ wɔ week ne nyindhia.

¹² Wɛl cen yemiokne wal ne ɣaguɔp, aloi juiir an ne thiɛŋdie.

¹³ We ya yɔɔk neyic, Ya ɣan kedhia beneke keewelpiɛthke ya nyuɔɔth ne piny nom ebɛn, ke ke cii yetiŋe loi abi ya ciir eya bi kɔc kenhiim ya ciɛt ne yen.

¹⁴ Go ran toŋ de thiɛrkurou, cɔl Judath Yithkariɔt lɔ enɔŋ bany dit ke ka ke Nhialic,

¹⁵ ku jiɛm, Ye yeŋo bak yiɛn ɣa, ku ba gam week? Goki rial thiɛrdiak kɛl en.

¹⁶ Ku jɔl cool ne kɔɔr ne yekole bi yiɛn ke.

¹⁷ Ne kol tueŋ de cuin cinic awuro, ke kɔcpiocke bɔ enɔŋ Yecu, thiecki, Yi buk teno juiir bin ret cam thin?

¹⁸ Go jam, Ye laka bei enɔŋ ŋadi, ku yɔɔkka, Wuɔ kaluel Dupioc, Wu ya koldie ee ɣeet; ret aba lɔ loi ɣondu wɔne kɔcciek piɔcke.

¹⁹ Go kɔcpiocke lɔ loi ci luɛl de Yecu; ku juirki ret.

²⁰ Na ɣɔn thei ke nyuc te de miɛth kene kɔcpiocke thiɛrkurou;

²¹ ana yi ciɛmki, ke jam, Ye we ya yɔɔk neyic, ya ran toŋ de week abi ɣa nyiɛn.

²² Goki piɔth dhiau areet, ku gɔlki ne thiec kedhia, Yi ye ɣen, Bɛny?

²³ Go dhuk jiɛm, Ye kee ran ye ŋuany kene an ne thaanic, yeneka bi ɣa nyiɛn.

²⁴ Wen de raan alɔ, ci gar cene ye gɔɔr: ku kabi naŋ dhieu, ye yen man bi Wen de raan nyiɛn! ee te ŋuɛn te te kene yerane dhieth.

²⁵ Go Judath, man bi ye nyiɛn, dhuk jiɛm, Ye ye ɣɛn, Rabi? Go yɔɔk, Ye kaca luel.

²⁶ Ana yi ciɛmki, ke Yecu kuany mono, ku thiei, ku wɛɛk; ku yin kɔcpiocke, ku jiɛm, Ye lɔmka, camka; yekene kee guɔpdie.

²⁷ Ku loom abiny, ku leec Nhialic, ku yin ke, ku jiɛm, Ye dɛkka wedhia ne yekene;

²⁸ Riɛmdie eka, riɛm de man jot, ci kueer wei ne juaac, bi karɛcken nyaai.

²⁹ We ya yɔɔk, Ya kacaa kɔn bɛɛr dek yeluɔk de yeabinye, agut kol ban e dek ke jot wɔne week ne ceŋ de Awaic.

³⁰ Na cik din e duɔr ket, e ke lɔ biyic lek kuur de Olip.

³¹ Go Yecu ke yɔɔk, Ye we wedhia we bi kɔth ne ɣen ela wakɔu: ne ke cene ye gɔɔr, Ya an bi adubiok nɔk, ku bi amɛl bik thiai.

³² Ku na ca rɔt jɔt, ke we bake ŋaar Galili.

³³ Go Petero dhuk yook, Ye na cak raan ebɛn kɔth ne yin, ke an ci bi kan kɔth.

³⁴ Go Yecu yɔɔk, Ye yin ya yɔɔk neyic, Ya yemankaune, aŋoot ajith ke ken ciu, abin ɣa jai naadiak.

³⁵ Go Petero yɔɔk, Ye nee ɣan cak rɔt dhiɛl ne thouic wɔne yin, ke yin caa jai. Ku yene ye luɛlden eya kedhia, kek kɔcpiocke.

³⁶ Go Yecu lɔ ke ke te cɔl Gethemane, ku yook kɔckek piocke, Ye nyuɔɔcke eene, ɣan lɔ tene la lɔŋ.

³⁷ Ku leer Petero ku wɛɛt ke Dhebedayo keerou, ku gɔl dhien de piɔu ku thiɛk de piɔu.

³⁸ Go ke yɔɔk, Ye an dhiau piɔu areet, agut ci thou: yen rɛɛrke eene, ku tiɛtka wene ɣɛn.

³⁹ Ku cot rɔt tueŋ emaath, ku gut enom piny, ku lɛŋ jiɛm, Ye yin Awa, na leu en, ke ne yeabinye wan ɣa; apiath abac; ne cie piɔndie, ne ye piɔndu.

⁴⁰ Ku bii enɔŋ kɔcpiocke, go ke yok ne nin, go Petero thiec, Ye yeŋo, cak tiɛt leu wene ɣɛn ne thaa tok?

⁴¹ Yaka tiit ku yaka lɔŋ, kɛlke we bi ya them: agɛm piɔu, ku guɔp aniɔp.

⁴² Ku beer lɔ ku lɛŋ, jiɛm, Ye yin Awa, na ce yeabinye ɣa leu ne wɛn, te kɛn an e dek, ke loi ne piɔndu.

⁴³ Ku beer bɛn, go ke yok ne nin, nokki.

⁴⁴ Go ke bɛɛr waan, ku jiɛl le lɔŋ ne ke de diak, ku jiɛm ne jam enhia.

⁴⁵ Ku bii enɔŋ kɔcpiocke, ku yook ke, Ye niɛnke emane, bak lɔŋ: thaa ee ɣeet, Wen de raan ee nyiɛn gɛme ne kɔc rac cin.

⁴⁶ Jɔtku roth, ku loku: ran bi ɣa nyiɛn ee ɣeet.

⁴⁷ Ana ye ŋoot ke jam, ke Judath, ran toŋ de thiɛrkurou, ke bɔ kene dun diit muk thep ku lɔc, kɔc ke banydit ke ka ke Nhialic, ku roordit ke kɔc.

⁴⁸ Aacii ran bi ye nyiɛn ke nyuɔth cit, jiɛm, Ye ran ba ciim, yenekee ye: damka.

⁴⁹ Go dac lɔ enɔŋ Yecu, ku jiɛm, Ye mathe, Rabi; ku ciim.

⁵⁰ Go Yecu yɔɔk, Ye math, loi ke bii yin. Goki bɛn, ku dɔmki Yecu.

⁵¹ Go ran toŋ de kɔc tɔ kene Yecu yeciin jɔt, ku miit theep bei, ku kep en aluaŋ de bɛnydiit de ka ke Nhialic yic wei.

⁵² Go Yecu yɔɔk, Ye bɛɛre themdu dhuɔk tede: kɔc kedhia kɔc ye theep loom aabi ya thou ne theep.

⁵³ Yaka tak wuɔ caa Awa leu ne lɔŋ, ku bi ɣa tuɔc rɛm wɛr thiɛrkurou ke malaikai?

⁵⁴ Ete ye kacigɔɔr yith yide, bik tɔ ya dhiil yiya?

⁵⁵ Go Yecu duut yɔɔk ne yethaane, Ye yaka bɛn wene thep ku lɔc, bak ɣa dɔm ci rueeny? An ye cool ne reer ne yekalu piɔc kɔc, ku cak ɣa ye dɔm.

⁵⁶ Keekake kedhia aa loi, bi kacigɔɔr ke nebii bik ya yith. Go kɔcpiocke kedhia nyaaŋ wei, ku kɛtki.

⁵⁷ Go kɔc ci Yecu dɔm goki laar ɣon de Kaiapath bɛnydiit de ka ke Nhialic, te cii dugɛɛr, ku roordit gueer thin.

⁵⁸ Go Petero go biath temec agut tiai de bɛnydiit de ka ke Nhialic, ku leer ɣot, ku nyuuc kene awuut, bi thok de kaŋ ŋem.

⁵⁹ Go bany ke ka ke Nhialic, ku ran ci gueer ebɛn, goki Yecu kɔr ke rieth kek ye, bik kek ye cɔk thou;

⁶⁰ go ciɛn ke yokki, agut te ci duleek bɛn. Ela ke rou bɔ,

⁶¹ ku jamki, Yi yerane ee jam, Ye an leu yekalu de Nhialic ne thur, ku bɛɛr buth ne nin keediak.

⁶² Go bɛnydiit de ka ke Nhialic kɔɔc, ku thiec, Ye ye ciɛn ke ye dhuk? Yeŋo yeke luel keekɔcke ne yine?

⁶³ Go Yecu mim. Go bɛnydiit de ka ke Nhialic yɔɔk, Ye yin cɔk yɔɔk ci man de Nhialiny ye piir, ba lɛk wɔ lan yin Kritho Wen de Nhialic.

⁶⁴ Go Yecu yɔɔk, Ye kaca luel: ku yin bɛɛr yɔɔk, Ya we bi Wen de raan ŋem ne nyuc yela ne bian cuec de riɛr, ku bii ne piol nhialic.

⁶⁵ Go bɛnydiit de ka ke Nhialic alɛthke reet, ku jiɛm, Ye kalɛt; yeŋo dɛ beerku kɔr duleek? ŋɛmka, we ci lɛtde piŋ.

⁶⁶ Wuɔde? Goki dhuk jamki, Yi kee ke thou en loi.

⁶⁷ Goki ŋuɔɔt nyin, ku guutki ne kecin; ku mɛɛŋe ne kɔk,

⁶⁸ jamki, Yi nyuɔthe wɔ, yin Kritho: ŋa ci yi maŋ?

⁶⁹ Ku rɛɛr Petero biyic, reer ne tiaiic. Go nya lɔ enɔŋ en jiɛm, Ye yin ee yin tɔ eya wene Yecu de Galili.

⁷⁰ Go jai ne kenhiim kedhia, jiɛm, Ye an kuc yeke luele.

⁷¹ Te cen lɔ geer, ke ŋem nyan dɛ, ku yook kɔc eke tɔ etɛɛn, Ye yerane ee tɔ ke Yecu de Nadhareth eya.

⁷² Go bɛɛr jai meel rɔt, Ye kee ran kuɔc.

⁷³ Na re ke kɔc eke kaac ne yelɔɔm bɔ, ku yookki, Yi kee yic, yin ye ran toŋ de keek eya. Yin cii thoŋdu nyiɛn.

⁷⁴ Go rɔt gɔɔc ne kuɛŋ ku cieen rɔt, Ye kee ran kuɔc. Ku go ajith guɔ ciu.

⁷⁵ Go Petero wɛt e cii Yecu luel jal tak, Ye yin bi ɣa jai naadiak, aŋoot ajith ke ken ciu. Go lɔ biyic, le dhiau ne dhien thiekic edot.