Mathayo 21 - Lek Jot de Jecu Kritho 19401 Ɣɔn ci kek duɔr ɣet Jeruthalem, ku biki Bethpage, agut kuur de Olip, ke Yecu toc kɔcpiocke keerou, 2 yook keek, Ye laka pan tɔ ne wenhiim, ku we bi akaja yok ne ci mac, ku katɔ ke dau: luɔnyka ke, ku yiɛneke ɣa. 3 Ku na nɔŋ ran nɔŋ ke lek we, ke we jam, Wuɔ Bɛnydit eka ŋɛŋ keek; ku kaabikke dac tuɔc. 4 Keekake aa loi bi ke ci luel ne nebi bi ya yic, jiɛm, 5 Ye yɔɔkka nyan de Dhiɔn, Wuɔ ya ŋem, Meleŋdu abɔ enɔŋ yin, Akor piɔu, ku ye cath ne akaja kɔu, Ku ne dau kɔu dan de akaja. 6 Go kɔcpiocke lɔ, ku lek loi ci man ci Yecu ye lɛk keek, 7 biiki akaja ku dau, ku tɛɛuki alɛthken ne kekɔth: ku nyuuc ne kekɔth. 8 Ku thieth kɔc juec ke duut alɛthken dholic; ku dony kɔk ker ke tiim, ku thietheke dholic. 9 Ku dun ŋaar, ku dun biɔth en, ee coot, jiɛm, Ye Othana eeyabi ya tɔ ke wen de Dabid; Eeyabi athiɛi ya tɔ kene yen yen man bɔ ne rin ke Bɛnydit; Othana tɔ nhial. 10 Na ci ɣet Jeruthalem, ke baai leeth ebɛn, thiec, Ye yeŋa ekene? 11 Go duut jam, Ye kee nebi Yecu ne Nadhareth de Galili. 12 Go Yecu lɔ yekalu de Nhialic, ku ciec kɔc ke ɣɔc kedhia kene kɔc ɣɔɔc ne yekaluic, ku puk ageen ke duweer ke weu nhiim piny, ku ka ke nyuc ke kɔc ɣɔɔc kurei; 13 ku yook keek, Ye kee gɔɔr, Ya luaŋdie abi ya cɔɔl luaŋ de duɔr: ku kacak cɔk ye te de pɛc. 14 Go coor ku ŋot bɛn enɔŋ en yekalu; go ke cɔk dem. 15 Na ye bany ke ka ke Nhialic ku dugɛɛr yii ŋemki kadit cike loi, ku mith ye coot ne yekaluic, yiki jam, Yi Othana enɔŋ wen de Dabid; e ke ɣok, 16 thiecki, Yi ca keeka luelkeke piŋ? Go Yecu ke yɔɔk, Ye ee. Kɛnka kan ciir, ya yin ci lɛc cɔk lɔ cap ne miththii thuet thook. 17 Go ke waan, ku jiɛl baai leer Bethani, ku reer thin. 18 Na ɣɔn miak ye dhuk, ke ci cɔk. 19 Go ŋaap ŋem ne dhol kec, go lo, go ciɛn ke le yok ne yenom, kee ye yic abac; go yɔɔk, Ye ne yin cie kan luɔk. Go ŋaap dac guau. 20 Na ci kɔcpiocke ye ŋem, e ke gɛi, ku jamki, Yi ye naa goe ŋaap guɔ guau? 21 Go Yecu dhuk, yook keek, Ye na yaka naŋ gam, ku cak ye gai, e kacie ke ci luɔi ŋaap yene bak loi yetok; na cakka yekure yɔɔk eya, Wuɔ nyai ku cuate rɔt bɛɛr; e kaluɔika. 22 Ke dɛ ebɛn ke yaka thiec ne lɔŋ, ku yaka gam, e kabak ya kap. 23 Te cen lɔ yekalu, ke bany ke ka ke Nhialic ku roordit ke kɔc lɔ enɔŋ en ke weet kɔc, ku thiecki, Yi ye keekake loi ne riɛr no? ku ye ŋa e yin e yin yeriɛre? 24 Go Yecu dhuk yook keek, Ye we ba bɛɛr thiɛc tok eya. Ku na gamka ye, ke we bake lɛk riɛr yan keekake loi eya. 25 Ne baptinh de Jɔn, ne bɔ teno? ye ke de pan nhial ka ye ke de kɔc? Goki roth jaam, jamki, Yi na luelku ye, Wu kee ke de pan nhial; e kayook wɔ, Ye aŋo ci we ye ye gam? 26 Na luelku ye, Wu kee ke de kɔc; ke wɔ riɔc ne duut; ne ke ye kek Jɔn cɔk ye nebi kedhia. 27 Goki dhuɔk Yecu, jamki, Yi kakucku. Go ke yɔɔk eya, Ye ke we caake bi lɛk riɛr yan keekake loi. 28 Yeŋo yaka tak? Ŋɛk anɔŋ wat keerou. Go lɔ enɔŋ wen tueŋ, jiɛm, Ye wendie, lɔɔr luɔiye ne yekole dom de abiɛi. 29 Go dhuk, jiɛm, Ye ɣan ce lɔ: ela ke wel yepiɔu ku leer. 30 Go lɔ enɔŋ wen ciɛn, ku yook yeya. Go dhuk, jiɛm, Ye ɣan lɔ, bɛny: ku cii lɔ. 31 Ye ŋa ne keek ci piɔn de wun loi? Goki yi, Kee wen tueŋ. Go Yecu ke yɔɔk, Ye we ya yɔɔk neyic, Ya mejueer ku abɛɛl aaye we ŋaar ne ceŋ de Nhialicic. 32 Jɔn ee bɛn enɔŋ week dhol lajik, ku cak ye gam: ku ye gam ne mejueer ku abɛɛl. Ku week, na cak ye ŋem, ke we ken wepiɔth bɛɛr wel, bak ya gam. 33 Piɛŋka parabol dɛ: ran de baai ee tɔ, ku ci dom de abiɛi com, ku rɔk, ku wec ke de nyieny de abiɛi, ku buth ɣon baar, ku nyiɛŋ kɔc ke luɔi, ku leer piny dɛ. 34 Ɣɔn ye ruer ye bii, ke tuc aluɛkke tuc ke kɔc ke luɔi, bik kakeek ci luɔk lɔ loom. 35 Go kɔc ke luɔi aluɛkke dɔm, ku duiki kene, ku nɛkki kene, ku biok kene ne kur. 36 Go aluɛk juec kɔk wɛr aluɛk tueŋ bɛɛr tooc: goki ke bɛɛr lɔ loi yiya. 37 Ela e ke tucke wende, jiɛm, Ye kaabi wendie lɔ riɛu. 38 Na ci kɔc ke luɔi wende ŋem, e ke jam ne roth, Yi dit ekee kene: baka, nɛkku, ku buk kake look. 39 Goki dɔm, ku nyiɛiki dom de abiɛi, ku lek nɔk. 40 Yen na bɔ bɛny de dom, ke bi ŋo luɔi keekɔc ke luɔike? 41 Goki yɔɔk, Yi kabi keekɔc rɛcke cok nɔk, ku nyiɛŋ dom de abiɛi kɔc kɔk ke luɔi, kɔc bi ye dac ya yiɛn kakeek ye luɔk. 42 Go Yecu ke yɔɔk, Ye kɛnka kan ciir ne kacigɔɔr yic, Ya kuur e ci rɛɛc ne kɔc ke buth, Yenekee taau ne ŋem de pany nom: Yenekee bɔ enɔŋ Bɛnydit, Ee ke gɛiye ne wɔnyin. 43 Yen we ya yɔɔk, Ya ceŋ de Nhialic abi nyaai enɔŋ week, ku kabi yiɛn jur ye luɔk ne yen. 44 Ku ran ye loony ne yekuure nom abi rɔt thoor; ku ran bi mat abi mot ci liɛt. 45 Na ci bany ke ka ke Nhialic kene Parithai paraboolke piŋ, ke nyicki lan jiɛɛm yen ne keek. 46 Goki piɔth naŋ dɔmki, e ke riɔc ne duut, ne ke yee kek ye cɔk ye nebi. |