Mathayo 19 - Lek Jot de Jecu Kritho 19401 Te ci Yecu keewelke thol, ke jiɛl ne Galili, leer piny de Judaya tɔ ne Jordan lɔŋti; 2 ku biɔth dun dit, go ke cɔk dem eeti. 3 Go Parithai lɔ enɔŋ en, themki, Yi yee piath bi raan tiŋde puɔl ne ke dɛ? 4 Go dhuk jiɛm, Ye kɛnka ciir, ya yenekee cak yi moc ku tiik ɣɔn ciɛke ke, 5 ku jiɛm, Ye yekene abii raan wun ku man ya waan, ku yee ceŋ ke tiŋde; ku ke keerou aabi ya ya riiŋ tok. 6 Aacie rou, ee riiŋ tok. Yen ke cii Nhialic mat, ne cin ran pɛɛk e. 7 Goki thiec, Yi yeŋo e ye Mothe loŋ cɔɔl bi waragaŋ de puɔk ya gam, ku pɛl tiik? 8 Go ke yɔɔk, Ye kee riɛr de wepiɔth yenekee pɛle Mothe week pɛl de diarkuɔn; ku ɣɔn ne cak ee ce tɔ. 9 Ku we yɔɔkke, Ya raan ebɛn ye tiŋde puɔl, ke ken kor, ku thiɛk dɛ, ee ya mekor. Ku yen yen man bi ye thiak ye tiŋ ci puɔl, ee ya mekor. 10 Go kɔcpiocke yɔɔk, Yi na tɔɔ yela enɔŋ moc ke tiŋde, e kace piath bi raan ya thieek. 11 Go ke yɔɔk, Ye raan ebɛn ace yeloŋe leu ne loom, aa ke kek kɔc ci yiɛn en. 12 Bioc aatɔ eke biɔc ne dhiɛth e dhiethe mɛrken ke: ku bioc aatɔ eke biɔcke ne kɔc: ku bioc aatɔ eke biɔc roth ne ceŋ de pan nhial. Ran ye ye leu ne lɔm, ke nɛke yee loom. 13 Go yiɛn miththii, bi yeciin bi kan keek, ku lɔŋ. Go kɔcpiocke ke waai. 14 Go Yecu jam, Ye pɛlka miththii, ku duɔeke pen ne bɛn enɔŋ ɣa. Ceŋ de pan nhial ee ke de ka cit keekake. 15 Go ke kan yeciin, ku jiɛl etɛɛn. 16 Go ran tok bɛn enɔŋ en, ku thiec, Ye Dupioc, ye kepiɛth ŋo ba loi ba ya naŋ piir athɛɛr? 17 Go yɔɔk, Ye yeŋo yin ɣa thiec kepiath? tok atɔ, toŋ piath. Ku na nɔŋ piɔu lɔ ne piiric, ke yin ye looŋ muk. 18 Go thiec, Ye yee looŋko? Go Yecu jam, Ye duɔne ran dɛ nɛk bi thou, Duɔne ye lɔ we tiŋ de ran dɛ, ku ce tiik lɔ ke mony dɛ, Duɔne ye kual, Duɔne ye rieth, 19 Ye wuur theek ku moor: ku, Yin bi ran rɛɛr ke yi ya nhiar ci man de yiguɔp. 20 Go ranthi luel, Ye keekake aacake loi kedhia. Yeŋo ŋuɔt ɣɛn ka dak? 21 Go Yecu yɔɔk, Ye na nɔŋ piɔu ba ya lajik, ke yin lɔ ɣaace kaku, ku yiɛne ke aŋaaŋ, ku yin bi ya naŋ weu pan nhial: ku bar, ye ɣa biɔth. 22 Na ci ranthi yejame piŋ, ke jiɛl ke dhiau piɔu: ne ke nɔŋ en kajuec dit. 23 Go Yecu kɔckek piocke yɔɔk, Ye we ya yɔɔk neyic, Ya karir te leere ran de kajuec ne ceŋ de pan nhialic. 24 Ku we bɛɛrke yɔɔk, Ya kakɔc enɔŋ thɔrɔt te teek en ne nyin de alibrɔtic, ne lɔ bi ran de kajuec lɔ ne ceŋ de Nhialicic. 25 Na ci kɔcpiocke ye piŋ, e ke gɛi areet, ku thiecki, Yi yeŋa bi leu ne luak? 26 Go Yecu ke ŋem ku jiɛm, Ye yekene ace leu ne kɔc; ee Nhialic ekee kaŋ leu kedhia. 27 Go Petero dhuk yook, Ye wɔ ci kaŋ kedhia waan, ku yuku yi biɔth, buk naŋ ŋo? 28 Go Yecu ke yɔɔk, Ye we ya yɔɔk neyic, Ya na miak ne kol jot te bi Wen de raan nyuc ne thonyden de nuɔm nom, ke we man ye ɣa biɔthka we bi ya nyuc eya ne thoc keethiɛr ku rou, ku luɔkka jur de Yithrael thiɛr ku rou. 29 Ku raan ebɛn ran ci ɣootke waan, ku watmɛthke, ku nyiɛraken, ku wun, ku man, ku mithke, ku piinyke, ne rincie, abi ariop thiɛrnyiɛny kap, ku kabi piir athɛɛr loom. 30 Ku kɔc juec ŋaar aabi tɔ ciɛn; ku kɔc ciɛn aabi ŋɔɔr. |