Welpiath ci Luk cithiei ke gɔɔr 7 - Lek Jot de Jecu Kritho 1940

¹ Ɣɔn ye ci welke kedhia thol ne luɛl ne kɔc yith, ke lɔ Kapernaum.

² Ku aluaŋ de bɛny de rem thiɛrnyɛny, aluaŋ ye nhiar, ee bec a dur thou.

³ Ɣɔn ye ci luɔi de Yecu ya piŋ, go tuɔc roordit ke Judai, bik lɔ thiec bi lɔ bɛn bi aluaŋde luɔk.

⁴ Na cik ɣeet enɔŋ Yecu, goki thiec areet, jamki, Yi kee ran piɛthe luaŋde yekene:

⁵ ne ke nhiɛr en jurda, ku yen ne guɔpde yenekee lui wɔ luaŋdɛn de gueer.

⁶ Go Yecu lɔ ke ke. Na wen aci thiɔk ke baai, go bɛny de rem thiɛrnyɛny go mɛɛthke tuɔc enɔŋ Yecu, yook, Ye Bɛnydit, duɔne rɔt nuan, ɣan cie ran piath a ba bɛn ne tiɛpdieic:

⁷ ku ɣan ken rɔt tak ya piath a ba lɔ enɔŋ yin: jam pei, ku aluaŋdie abi pial.

⁸ Ku ɣɛn eya ɣan ye ran ci taau ne riɛric, ɣan tɔ ne lathkeer nhiim; na yɔɔk ŋɛk, Ya lɔɔr, e kalɔ; ku na yɔɔk dɛ, Ya baar, e kabɔ; ku na yɔɔk aluaŋdie, Ya loi kene, e kaloi.

⁹ Na ci Yecu keewelke piŋ, ke gɛi ne yen, ku wel rɔt dun biɔth ecok ku yɔɔk, Ye we ya yɔɔk, Ya ɣan ken gam diit yinla kan yok, agut en kɔc ke Yithrael.

¹⁰ Go kɔc wen ci tooc goki dhuk bei, goki aluak lɔ yok ne ci pial.

¹¹ Na ɣɔn aken nin juec wan, ke lɔ pan cɔl Nain; go kɔcpiocke goki lɔ kene yen, ku dun diit de kɔc.

¹² Na ci thiɔk ke baai thok, ke ŋem ran ci thou ne kete biyic, ee ye wantok ne man nom, ku man ee ye tiŋjɔɔk, ku tɔ kene kɔc juec ke baai.

¹³ Go Bɛnydit go ŋem, go piɔu kac ne yen, ku yook, Ye duk dhiau.

¹⁴ Ku cut rɔt koom: go kɔc ket koom goki kɔɔc ediu. Ku jiɛm, Ye ranthi, yin ya yɔɔk, Ya jɔt rɔt.

¹⁵ Go yethar cok, ye ran wen ci thou, ku gɔl jam. Go jal dhuɔk man.

¹⁶ Go raan ebɛn kuak piny ne riɔc: goki Nhialic leec, jamki, Yi nebi dit ee tuɔl ne wɔyic, ku Nhialic ee kɔcke neem.

¹⁷ Go thoŋ de yeluɔidene go kok ɣeet piny de Judaya ebɛn, ku bɛi ke yepinye kedhia.

¹⁸ Go kɔcpiocke ke Jɔn goki Jɔn lɛk keekake kedhia.

¹⁹ Go Jɔn ren de kɔcpiocke cɔɔl ku tuc ke Yecu, jiɛm, Ye ye yin kewen bi bɛn eka, ka buk piny ŋem ne dɛ?

²⁰ Na wen aci kɔc ɣeet enɔŋ en, e ke jam, Yi Jɔn Baptith ee wɔ tuɔc yi, jiɛm, Ye ye yin kewen bi bɛn eka, ka buk piny ŋem ne dɛ?

²¹ Ku yekole ee cen kɔc juec cɔk dem ne bec ku anuan ku jak rac; ku cɔk coor juec cɔk yiɛn.

²² Go dhuk yook ke, Ye lak ɣɔu dhol, ku lɛɛka Jɔn kaŋ kedhia ka cakke ŋem ku piaŋeke; coor aacɔk yiɛn, ŋot aacath, kɔc nɔŋ abiɛl aacɔk dem, ku miiŋ aapiŋ, kɔc eke ci thou aacɔk piir, aŋaaŋ aaye ciɛr thoŋpiath.

²³ Eeyabi ya thiei ye ran cin ke yen kɔth ye yok ne ɣɛn.

²⁴ Wen yi dutuuc ke Jɔn yi cik leu wei, go duut gɔɔc ne yook ne Jɔn, Ye yeŋo e yaka lɔ ŋem roor? ye aruɔr ci yir ne yom?

²⁵ Ku yeŋo e yaka lɔ ŋem? ye ran ci rɔt piɔth ne alanh lɔ nip? Ŋɛmka, kɔc ye alɛth ke nuɔm piɔth, ku yiki miith lɔcar cam, aaye ceŋ ne ɣoot ke meleek.

²⁶ Ku yeŋo e yaka lɔ ŋem? ye nebi? Ee yic, we ya yɔɔk, Ya ke war nebi eke.

²⁷ Yenekee kene ye yen man ci gɔɔr, Ya ŋem, ɣan tooc dutunydie tueŋ bi yi ŋɔɔr, Bi dholdu lɔ juir ke yin ŋoot wei.

²⁸ We ya yɔɔk, Ya raan ebɛn ye dhieth ne tiik acin toŋ de keek dit a wɛɛr Jɔn: ku ran thin de ceŋ de Nhialic yeneka beer dit ne yen.

²⁹ Go raan ebɛn, kɔc ci keekake piŋ, ku mejueer, goki lajiŋ de Nhialic gam, ku ci ke baptith ne baptith de Jɔn.

³⁰ Go Parithai kene dukuuny ke luɔk goki wɛt de Nhialic jai, kɔc kenke baptith.

³¹ Go Bɛnydit jam, Ye a ba riny de emane thɔŋ ŋo, ku citki ne ŋo?

³² Acit mith ye nyuc te de ɣɔc, ku yiki roth cɔɔl, yiki jam, Yi we cuk kuɔth tuŋ, ku kɛnka diɛr; wɔ ci kuui, ku kɛnka dhiau.

³³ Yeneka ci Jɔn Baptith bɛn ke cie cam ne mono ku cii ye dek e piukeabiɛi; yeneka ye we jam, Wuɔ kanɔŋ jɔŋ rac.

³⁴ Ke Wen de raan beer bɛn ke ciɛm ku ye dek, yeneka ye we jam, Wuɔ ŋɛmka, kee mith, ku kee medeŋdiit de piukeabiɛi, ee mɛthe de mejueer ku kɔc rac!

³⁵ Ku nyic aye cɔk ye yic ne mithke kedhia.

³⁶ Go ran toŋ de Parithai kɔɔr bi lɔ cam ke ye. Go lɔ ɣon de muɔny Paritha, ku nyuuc bi cam.

³⁷ Ŋem, tiik ee tɔ yepane, tiŋ rac; na ci ye nyic ke Yecu tɔ ɣon de muɔny Paritha, ciɛm, go gun de alabatha de miok nyir bɛi,

³⁸ ku kɛɛc ne yekɔu ciɛn ne yecok, ke dhiau, ku gɔɔc cok ne wɛk ne piu ke yenyin, ku weec ke ne nhim ke yenom, ku ciim cok, ku tɔc ke ne miok nyir.

³⁹ Na ci Paritha ci Yecu cɔɔl ye ŋem, ke jam ne yepiɔu, jiɛm, Ye yerane, na ye nebi, e kee te ci luɔi de yetiŋ ci e jakne nyic, lan yen tiŋ rac.

⁴⁰ Go Yecu dhuɔk e, yook, Ye Thimon, anɔŋ kedien ba lɛk yi. Go jam, Ye Dupioc, luel kedu.

⁴¹ Go ye, Ran tok ee ci weuke yuɛt kɔc keerou, ran tok ee ci jinii keedhiec yuit, ku kene ke thiɛrdhiec.

⁴² Ɣɔn ye ŋem en ke cin ka bik kek ke cut, go ke pal weu keerou. Yeŋa ne keek bi yerane nhiar areet?

⁴³ Go Thimon gam ku yook, Ye kaya tak, ya ye yen man ci pal kajuec. Go Yecu jam, Ye kaca luk apiath.

⁴⁴ Ku wel rɔt tiik ku yook Thimon, Ye ca yetiŋe ŋem? Ɣan ci bɛn ɣondu, ku yin ken ɣa yiɛn piu waak ɣan ke ɣacok: ku kaci a waak cok ne piu ke yenyin, ku weec ke ne nhim ke yenom.

⁴⁵ Yin ken a ciim: ku yeneka col e ciim ɣacok elan e bɛi ɣɛn.

⁴⁶ Ku yin ken a tɔc nom ne miok: ku kee ɣa tɔc cok ne miok nyir.

⁴⁷ Yen yin yɔɔk, Ya karɛc juecke aa pal e; ne ke nhieer en areet: ran cene kadiak pal e, yenekee nhieer emath.

⁴⁸ Go yɔɔk, Ye karɛcku aa puɔl.

⁴⁹ Go kɔc ci nyuc ciɛm kene yen goki jam gɔl ne kepiɔth, Yi yene yeŋa ekene ye karac puɔl?

⁵⁰ Go tiik yɔɔk, Ye gamdu aci yi luɔk; lɔɔr ne dɔɔr.