Welpiath ci Luk cithiei ke gɔɔr 5 - Lek Jot de Jecu Kritho 1940

¹ Ku tɔ, cii dun de kɔc riek bik wɛt de Nhialic bik piŋ, ke kaac wɛr nom, wɛr cɔl Genetharet;

² go riɛth keerou ŋem e ke tɔ wɛr thok: ku ci kɔc ke dɛp e rec jaal e keyic, lek abuɔiken waak.

³ Go kɛɛc ne rian tokic, rian de Thimon, ku yook bi piɛk wei emath ne agor kec. Ku nyuc piiny, ku weet duut ne riaiic.

⁴ Na ci weet thol, ke yook Thimon, Ye ne riai lɔ kool, ku cuate abuɔiku piny bik wai.

⁵ Go Thimon dhuk jiɛm. Ye Bɛny, wɔ ci ruu ne dɛp wenakɔu, ku cin ke yokku: apiath abac, aabake taau piny ne wɛtdu.

⁶ Na ci yekene loi, e ke wɛi dun diit de rɛc; ku dur abuɔiken dur rec ke tueny;

⁷ goki mɛɛthken tɔ ne rian dɛic goki ke nieu, bik ke bɛn kony. Goki bɛn, ku thiaŋki riɛth keerou, a goki dɛr diir.

⁸ Na ci Thimon Petero ye ŋem, go rɔt cuat piny ne Yecu cok, ku jiɛm, Ye nyai nenɔŋ ɣɛn; ɣan ye ran rac, Yin Bɛnydit.

⁹ Ee gai, ku kɔc kedhia kɔc eke tɔ kene yen, ne rec juec ci wɛi.

¹⁰ Ku gɛi yi Jakob eya kene Jɔn, wɛɛt ke Dhebedayo mɛɛth ke Thimon. Go Yecu Thimon yɔɔk, Ye duk riɔc; yin bi kɔc ya waai miak.

¹¹ Na cik riɛthken bɛi wath thok, goki kaŋ waan kedhia, ku biɔthki cok.

¹² Na re, aŋoot ke tɔ pan tok; ke nɔŋ ran ci abiɛl dɔm arac: wen ye ŋem Yecu, ke cuɛt rɔt piny ne yenom, ku lɛŋ, jiɛm, Ye Bɛnydit, na tɔ ne yipiɔu, ke yin leu ba ɣa cɔk dem.

¹³ Go yeciin thiu, ku jiɛk, jiɛm, Ye kakaar; dɛme. Go abiɛl jaal elontoŋtɛi.

¹⁴ Ku yook bi cuɔk lek ran dɛ: Ye lɔr dholdu, ku lɔ nyuɔthe rɔt bɛny de ka ke Nhialic, ku bii kɔc ne dɛmdu, ci man de loŋ de Mothe, bi ke nyuɔɔth.

¹⁵ Go thoŋde kok areet: ku gueer dun dit bik bi piŋ, ku bi ke bi cɔk dem ne ka nak ke kedhia.

¹⁶ Go rɔt miɛt telaau, ku lee lɔŋ.

¹⁷ Na ɣɔn ne kol toŋ de keeakolka, ke pioc; ku ci Parithai ku dupioc ke looŋ nyuc tɛɛn, ne ke bɔ ne bɛi kedhia ke Galili ku Judaya ku Jeruthalem: ku tɔ riɛr de Bɛnydit kene yen ben kɔc cɔk dem.

¹⁸ Ŋem, go kɔc ran ci ruai jɔt ne agen: ku kɔrki yi bik bɛi thin, ku bik kan ne yenom.

¹⁹ Go ciɛn dhol yokki bik kek ye lar thin ne ke de duut, goki lɔ ne ɣot nom, ku cookki piny kene komde kɛnki piny cilic ne Yecu nom.

²⁰ Go gamden ŋem, go jam, Ye ŋadi, karɛcku aa pal yi.

²¹ Go dugɛɛr ku Parithai goki roth gɔɔc ne thiɛc, jamki, Yi yeŋa yeke ye jam arace? Yeŋa leu karac ne pɛl, cie Nhialic yetok?

²² Go Yecu tɛŋden nyic, ku dhuk thiec keek, Ye yeŋo yaka taak ne wepiɔth?

²³ Ye keno piɔlic, luel, Ya karɛcku a pal yi, ka, Ya jɔt rɔt ku cathe?

²⁴ Ee bak nyic ke Wen de raan nɔŋ riɛr ne piny nom ben karac puɔl (ku yook ran ci ruai), Ye yin ya yɔɔk, Ya jɔt rɔt, jɔt komdu, ku lɔɔr pandu.

²⁵ Go rɔt jɔt elantoŋtɛi ne kenhiim, ku jɔt keden e kome yen, ku jiɛl leer pande, ke lec Nhialic.

²⁶ Go kɔc gai areet kedhia, ku lecki Nhialic; go riɔc ke dɔm, jamki, Yi wɔ ci kegɛieke ŋem e ekole.

²⁷ Ɣɔn ye keekake yi cik thok ke jiɛl, go mejuer ŋem, cɔl Lebi, ke rɛɛr te de juɛr, go yɔɔk, Ye biɔth acok.

²⁸ Go keriɛc waan, ku jɔt rɔt, kuɛny cok.

²⁹ Go Lebi lɔ luɔi miɛth dit pande: ku dun diit de mejueer ku kɔc kɔk ake ci nyuc ciɛmki kene keek.

³⁰ Go Parithai kene dugɛɛrken goki kɔcpiocke luum, jamki, Yi yeŋo ye we cam wene mejueer ku kɔc rac?

³¹ Go Yecu dhuk yook ke, Ye kacie ya kɔc piɔl gup kek ye akem kɔɔr, aaye ya kɔc bec.

³² Ɣan ee an ce bɔ ba bi coot ne kɔc piath, aye kɔc rac, bik roth wel.

³³ Goki yɔɔk, Yi kɔcpioc Jɔn ke aye dai thiel, ku kaye lɔŋ, ku yene ye cɔɔk de kɔcpiocke ke Parithai; ku kɔcku aye cam ku yiki dek.

³⁴ Go Yecu ke yɔɔk, Ye leu kɔc ke ran thiek thiel, ke ran thiek tɔ ke ke?

³⁵ Akol kɔk aabi bɛn akol bene ke ran thiek nyaai enɔŋ keek, ke yeneka jɔl kek thieel.

³⁶ Ku berke jaam eya ne parabol; Ye kacin ran bi alanh jot reet, ku bup ne ɣor de alanh thɛɛr; duɔke bi alanh jot reetic; ku baŋ thin de alanh jot aci bi mat kene kethɛɛr.

³⁷ Ku kacin ran bi piukeabiɛi jot ciɛr ne bon thɛɛr de dɛlic; duɔke piukeabiɛi jot bi boon reetic, ku lek wei, ku riak boon.

³⁸ Piukeabiɛi jot aye dhil ne ciir e bon jotic.

³⁹ Ku kacin ran bi piukeabiɛi thɛɛr dek ku bi kejot kɔɔr: abi jam, Ye kethɛɛr eka piath.