Welpiath ci Luk cithiei ke gɔɔr 23 - Lek Jot de Jecu Kritho 1940

¹ Go dun ci gueer rɔt kuany etok ebɛn, ku bii Yecu ne Pilato nom.

² Ku gɔɔcki ne gueel, jamki, Yii wɔ yok yerane ke ye jurda yiɛc wei, ku ye juɛr e weu yineke Kaithar peen, ku jiɛm ye ye Kritho ye melek.

³ Go Pilato thiec, jiɛm, Ye ye Meleŋ de Judai? Go dhuk, yook, Ye yenekee ke ca luele.

⁴ Go Pilato banydit ke ka ke Nhialic yɔɔk ku duut, Ye kacin awany ca yok enɔŋ yerane.

⁵ Goki jal riɛr areet, jamki, Yii kee kɔc cuɔth piɔth, ee weet ne Judayaic ebɛn, gɔl ne Galili agut en yetene.

⁶ Na ci Pilato ye piŋ, ke thiec lan yen muɔny Galili.

⁷ Na ɣɔn ci ye nyic ke ye ran de piny de Kerod: ke tooc enɔŋ Kerod man e tɔ ne Jeruthalem ne keeakolka.

⁸ Na ɣɔn ye Kerod ye ŋem Yecu, ke lɔ piɔu yum areet: ne kee cen e ŋaŋ te ci mɛc bi ŋem, ne kee cen kaŋ ya piŋ ne yen; ku ŋɛɛth ŋem ben e ŋem ne loi kagɛiyeke.

⁹ Go thiec ne wel juec; go ke cuɔk beer.

¹⁰ Ku kaac banydit ke ka ke Nhialic ku dugɛɛr, ke gueelki areet.

¹¹ Go Kerod kene lathkeerke goki leeŋ, ku buiki, ɣɔn yii cik ye piɔth ne alɛth ci diik, ke toocki ciɛn enɔŋ Pilato.

¹² Go Pilato kene Kerod goki jal dɔɔr ne yekole, ne eke til roth ɣɔn.

¹³ Go Pilato banydit ke ka ke Nhialic ku bany kene kɔc kedhia cɔɔl,

¹⁴ ku yook ke, Ye we ci yerane bɛi enɔŋ ɣɛn ci ran ye kɔc yiɛc wei: ku ŋɛmka, aca caar wen ne wenhiim ku cin awany yɔk de ka gueel we ke yen:

¹⁵ ku ne cak ya Kerod eya, e kaci dhuɔk wɔ; acin awanyden ci loi thou en.

¹⁶ Yen aba dui, ku jal lony.

¹⁷ (Ran tok abi ya dhiil ne luny keek ne kol de yemiɛthe.)

¹⁸ Goki coot etok, jamki, Yii nyaiye yerane, ku luɔnye wɔ Barabath:

¹⁹ man e ci cuat ɣon de dom, ne ter e cen ter baai ke miri, ku ci tir nɔk.

²⁰ Go Pilato bɛɛr jam kene keek, nɔŋ piɔu luny de Yecu;

²¹ goki coot, jamki, Yii piaate, piaate.

²² Go ke bɛɛr yɔɔk ne ke de diak, Ye yeŋo, ye awany ŋo ci yerane wuɔc? Acin ke ban e cɔk thou ca yok: yen aba dui ku jal lony.

²³ Goki bɛɛr coot areet, yiki thiec bi cɔk piɛte. Go cɔtden gam.

²⁴ Go Pilato luk cit ke cik thiec bik loi.

²⁵ Go ran e ci mac ne ci teer ku ci tir nɔk go lony, man e thiecki; ku gɛm Yecu bik luɔi ke de piɔnden.

²⁶ Ana yii thelki ye wei e ke dɔm ran cɔl Thimon muɔny Kurene ke bɔ baai, ku kɛnki yeth tiɛm ageer bi ɣaac ne Yecu cok.

²⁷ Ku kuany cok ne dun diit de kɔc, ku diar pɛl wuɔi dhiauki ne yen.

²⁸ Go Yecu rɔt puɔk ke jiɛm, Ye nyiir ke Jeruthalem, duɔka ye dhiau ne ɣɛn, dhiauka ne ke de gupkuɔn, ku ne mithkuɔn.

²⁹ Ŋɛmka, akol aabi bɛn, akol bik kek ke ya jam, Yii kaa thiei kee rut, ku adhienh ken guɔ dhieth, ku thin kene guɔ tiaak.

³⁰ Ku kaabi kurdit ya yɔɔk, Ya matka wɔ; ku kurthii, Kuɔmka wɔ piny.

³¹ Na yiki keekake loi ne tim ŋokic, e ke bi ŋo ya loi ne ke ci riɛric?

³² Ku kee nɔŋ kɔc kɔk keerou eya, kɔc ci kerac loi, thel ke kene yen le ke nɔk.

³³ Na cik bɛn te cɔl Apet, ke piɛtki thin, ku kɔc ci kerac loi, tok ne ciɛn cuec ku kene ne ciɛn cam.

³⁴ Go Yecu jam, Ye Awa, pɛl ke, ne ke kuc kek ke loiki. Goki alɛthke tɛk roth, caarki.

³⁵ Ku kaac kɔc dɛɛiki. Ku bui ne bany, jamki, Yii kee kɔc kɔk luɔk; ne luak rɔt, te yen Kritho de Nhialic, ye kanlɔcde.

³⁶ Ku bui eya ne lathkeer, yiki bɛn enɔŋ en, yinki binegar,

³⁷ jamki, Yii na ye Meleŋ de Judai, ke yin luak rɔt.

³⁸ Ku kee nɔŋ gar ne yenom, ci gɔɔr ne letai ke Giriki, ku ka ke Roma ku ka ke Eberu, Ya yekene kee meled de judai.

³⁹ Go ran toŋ de kɔc ci karac loi go ye bui, jiɛm, Ye cii ye Kritho? luak rɔt ku wɔɔk.

⁴⁰ Go kene dhuk, wɛɛi, yook, Ye cii riɔc ne Nhialic, ke ŋem ke yin tɔ ne yelukwei toŋeic?

⁴¹ Ku wɔ gum apiath neyic, ne ke yen ariɔmda yene yuku loom ci man de ke e cuk loi: ku yerane acin awany ci kan wuɔc.

⁴² Ku jiɛm, Ye Yecu, nyic a te cin lɔ ne ceŋduic.

⁴³ Go yɔɔk, Ye yin ya yɔɔk neyic, Ya yin bi tɔ wene ɣɛn ne yekole ne Paradeitho.

⁴⁴ Ku kee jal ciɛt thaa de dhetem emane, go cuɔl dit bɛn ne piny ebɛn agut en thaa de dheŋuan.

⁴⁵ Ku ce akɔl cii beer ruɛr: ku ther alanhdiit de yekalu theer yeyic piny ne yeciɛlic.

⁴⁶ Ɣɔn ye Yecu ye ci coot areet, ku jiɛm, Ye Awa, ɣan kɛn tiɛpdie ne yiciin: ku na ci yekene luel, ke jal thook.

⁴⁷ Na ci bɛny de rem ke ci loi ŋem, go Nhialic noom, jiɛm, Ye kee cok ya ran lajik neyic.

⁴⁸ Ku dun ci gueer daai ne yekene, na cik ka ci loi ŋem, e ke dhuk e ke biak kepiɔth.

⁴⁹ Go kɔc nyic e kedhia, ku diar eke kueny ecok ne Galili, goki kɔɔc temec, dɛɛiki ne keekake.

⁵⁰ Ŋem, go ran cɔl Jothep, ye ran de roordit yic, ye ran piath ku lejik,

⁵¹ (ee ken mat kene keek ne luŋden kene luɔiden), ee ye ran de Arimathaya, pan toŋ de Judai, ee ran e ye ceŋ de Nhialic ŋɔɔth:

⁵² go lɔ enɔŋ Pilato, ku thiec guɔp de Yecu.

⁵³ Go jat piny, ku dol ne alanh linon, ku kɛn ne raŋ e ci wec ne kuuric, cin ran ci kan thiok thin.

⁵⁴ Ku kee ye kol de Juɛr, ku ci kol e thabath thiɔk.

⁵⁵ Go diar eke bɔ kene yen ne Galili, goki kuany cok lek daai ne raŋ, ku kɛn cene guɔpde kan.

⁵⁶ Ku dhukki, leki wal nyir juir kene miok. Goki lɔŋ ne kol e thabath ci man de looŋ.