Kolothai 4 - Lek Jot de Jecu Kritho 1940

¹ Ku we bany, yaka aluɛkkuɔn yiɛn ke ye ya kepiath ku ye thoŋ; ku yaka nyic eya ke we ye naŋ Bɛnyduɔn tɔ pan nhial.

² Yaka dhiac ecap ne lɔŋic, ye we tiit thin ne lɛc;

³ ku yaka lɔŋ ne wɔɔk eya, bi Nhialic wɔ ya liɛp thok ne ke de wɛt, buk ya jam ne kecikum de Kritho, ke cene ɣa cɔk mac eya;

⁴ ba ya cɔk tiɛc, ci man yan e dhiil ne luɛl.

⁵ Ne nyinyduɔn de kaŋ ye luɔiduɔn dɔk ne kɔc yic, kɔc kec, yaka nyiin tiit ne akolkuɔn ke luɔi.

⁶ Ne jamduɔn ye yic naŋ athiɛi, ku ne ye miɛt ne awai, bak dhuk de wɛt ŋɛk bak ya nyic.

⁷ Tukiko abi we cɔk nyic ceŋdieic ebɛn, wanmaathdɛn nhiar ku ye awun nɔŋ adot mɛt ke wɔ ne luɔi ne Bɛnyditic:

⁸ ee tuɔɔc enɔŋ week ne yekene, bak ceŋda ya nyic, ku bi we ya duut piɔth;

⁹ keek kene Onethimo, wanmaathdɛn nɔŋ adot nhiar, man ye ran toŋ de week yic. Aabi we cɔk nyic kaŋ kedhia ka yeke loi etene.

¹⁰ Aritharko randien mac kene ɣɛn ee we muɔth, ku Mak, wen de nyankene ne Baranaba (yen man ci we looŋ yok; na leer, ke luɔrka),

¹¹ ku Yecu, man ci cɔɔl Juthuto, kɔc ye aŋualɛɛi: keekɔcke keeka ye kɔcciek ye mat kene ɣɛn ne luɔi de ceŋ de Nhialic kepɛc, kɔc ye ɣa duut piɔu.

¹² Epapara, ran toŋ de week yic, ye awun de Yecu Kritho, ee we muɔth, ku kee piɔu ya lɔŋ ne nyindhia ne week bak ya kɔɔc ke we lɔcar ku yaka naŋ gam rir ne piɔn de Nhialicic ebɛn.

¹³ Ɣan ye lek ne yen, ya kee lui areet ne keduɔn, ku kɔc ke Laodikia, ku kɔc ke Kierapoli.

¹⁴ Luk, man ye akem nhiar, kene Demath, aaye we muɔth.

¹⁵ Mathka mɛɛth tɔ ne Laodikia, ku Numpa, ku kanitha ye tɔ ɣonden.

¹⁶ Na ci yethone ciir ne weyic, ke ne beere ciir eya ne kanitha de Laodikia; ku week eya yaka thon de Laodikia ciir.

¹⁷ Ku yɔɔkka Arkipo, Wuɔ ya ye rɔt ŋem ne luɔi ne ca loom ne Bɛnyditic, ba ya dhiil ne luɔi.

¹⁸ We maath keek ne ciindie ɣan Paulo. Yaka wenhiim ciɛɛt ne manydie. Eeyabi athiɛi ya tɔ kene week.