Welpiath ci Jɔn cithiei ke gɔɔr 9 - Lek Jot de Jecu Kritho 1940

¹ Ku te teek en, go cɔɔr ŋem ne cɔɔr ne dhiɛth e dhiethe yen.

² Go kɔcpiocke thiec jamki, Yi Rabi, yeŋa e loi kerac, ye yerane ka ye kɔcken, yene dhiethe ye ke ye cɔɔr?

³ Go Yecu dhuk, Ye kacie yerane e loi kerac, ku kacie kɔcken: ee nyooth e ben luɔi de Nhialic nyuɔth.

⁴ Wɔ bi luɔide ya dhiil ne luɔi, yen man ci a tuɔc, aŋoot akɔl: wɛɛr abi bɛn, acin ran ber luɔi ya leu.

⁵ Na ya tɔ ne piny nom, ke ɣan ye ya ɣɛɛr de piny nom.

⁶ Na ci jam yeya, go ŋuut, ku nuɛi tiɔp ne luɛth, ku bɛt ne cɔɔr nyin,

⁷ ku yook, Ye lɔ piɛnye pul de Thiloam (te wɛɛre yen ne thoŋda, ke ye Tuuc). Go lɔ, ku piny, ku le bɛn ke yiɛn.

⁸ Go kɔc thiak kene yen, ku kɔc eke ci ye ya ŋem ne ye lim, goki jam, Yi cie ran e dhia ye nyuc ku lim ekene?

⁹ Go kɔk luel, Yi kee ye: ku yi kɔk, Yi aa, ee rɔt caal ke ye: go luel, Ye kee ɣɛn.

¹⁰ Goki thiec, Ya ne yin yiɛn ne ŋo?

¹¹ Go dhuk, Ye kanɔŋ ran cɔl Yecu, yenekee nuai tiɔp, ku bɛɛt anyin, ku yook ɣɛn, Ye lɔ piɛnye Thiloam: guɔ lɔ, la piny, guɔ yin.

¹² Goki thiec, Yi tɔɔ teno? Go jam, Ye kakuɔc.

¹³ Goki raan bɛi enɔŋ Parithai yen ran war ci cɔɔr.

¹⁴ Ku kee ye akol de thabath yene e nuɛie Yecu tiɔp, ku cɔk yiɛn.

¹⁵ Go Parithai bɛr thiec yi ne yiɛn ne ŋo. Go ke yɔɔk, Ye kee tɛɛu tiɔp ne anyin, ku piɛny, guɔ yin.

¹⁶ Go Parithai kɔk jam, Yi kacie ran de Nhialic ekene, ne ke cen akol de thabath ye riɛu. Go kɔk jam, Yi leu ran rac keekagɛikene ne luɔi yede? Goki roth tek.

¹⁷ Goki cɔɔr bɛr yɔɔk, Yi ye jam wude ne yen, ne ke cen yi cɔk yiɛn? Go jam, Ye kee nebi.

¹⁸ Go Judai cuɔk gam lan e cen cɔɔr ku ber yin, agut te cɔɔl kek kɔc ke cɔɔr ci yin.

¹⁹ Ku thiecki ke jamki, Yi yee wenduɔn ekene, yaka luel wuɔ ne dhieth ke ye cɔɔr? ku ne yiɛn yede emane?

²⁰ Go kɔcke ke gam ku jamki, Yi kanyicku yekene ee wenda, ku kee dhieth ke ye cɔɔr:

²¹ ku ke e cɔk ye yiɛn emane akucku; ku ran e cɔk ye yiɛn akucku: ee dit, thiɛcka; abi luel ne guɔpde.

²² Keewelke aake luel kɔcke ke, ne riɔc riɔc kek ne Judai: ne man ci Judai ye mat, yi na ye ran gam en ye kee Kritho, e kabi ya ciɛc biyic ɣon de gueer.

²³ Yenekee jiɛme kɔcke, Yi kee dit; thiɛcka.

²⁴ Goki cɔɔr bɛr cɔɔl, ku yookki, Yi lec Nhialic: wɔ nyic yerane ke ye ran ye kerac loi.

²⁵ Go dhuk jiɛm, Ye kakuɔc lan yen ran ye kerac loi; tok eka nyiɛc, ɣan ee ci cɔɔr, ku emane an yiɛn.

²⁶ Goki bɛr yɔɔk, Yi yeŋo ci luɔi yi? ne cɔk yi yiɛn yede?

²⁷ Go dhuɔk ke, Ye kaca thol ne lek we, ku cak piŋ; bak bɛr piŋ wuɔde? naŋka piɔth bak ya kɔcpiocke eya?

²⁸ Goki laat, ku jamki, Yi yin ye ranpiooc: ku wɔ ye kɔc ke Mothe piocke.

²⁹ Anyicku Nhialic ee ye jam ke Mothe: ku yerane, akuc wɔ te bi yen thin.

³⁰ Go dhuɔk ke jiɛm, Ye yekene eka gɛi wɔ, ne ke kuc we te bi yen thin, ku cɔk ɣa yiɛn.

³¹ Anyicku ke Nhialic ci kɔc ye karac loi ye gam: ku na ye ran ye Nhialic door, ku ye piɔnde loi, e kaye gam.

³² Ku ɣɔn gɔce kaŋ ee kene kan piŋ ke nɔŋ ran toŋ ci cɔɔr cɔk yiɛn.

³³ Na cii e ran de Nhialic ekene, e kacin ke yee leu ne luɔi.

³⁴ Goki dhuk jamki, Yi yin ee dhieth ne karac yic necok, ku ba wɔ piɔɔc? Ku ciecki wei.

³⁵ Go Yecu piŋ ke ci ciɛc wei; go yok ku yook, Ye ye Wen de Nhialic gam?

³⁶ Go dhuk jiɛm, Ye yene yeŋa, Bɛnydit, ba ya gam?

³⁷ Go Yecu yɔɔk, Ye kaca ŋem, ku yeneka jam ke yin.

³⁸ Go jam, Ye Bɛnydit, aya gam. Ku door.

³⁹ Go Yecu jam, Ye ɣan ee bɔ ne piny nom ne luk, bi kɔc ce yiɛn bik ya yin; ku bi kɔc yiɛn bik ya coor.

⁴⁰ Go Parithai tɔ kene yen keewelke piŋ, goki yɔɔk, Yi cuk cɔɔr eya?

⁴¹ Go Yecu ke yɔɔk, Ye nee we ye coor, e kee te ciɛnka kerac; ku we ye jam, Wuɔ wɔ yiɛn, yen kerɛɛcduɔn abi ya dhiac.