Welpiath ci Jɔn cithiei ke gɔɔr 18 - Lek Jot de Jecu Kritho 1940

¹ Na ci Yecu keewelke luel, go lɔ kene kɔcpiocke temki nyin cɔl Kidiron, te tɔ genen thin, leer thin kene kɔcpiocke.

² Ku Judath eya, man bi ye nyiɛn, anyic etene: Yecu ee ye dai lɔ thin kene kɔcpiocke.

³ Go Judath go rem de lathkeer ku atoc lar nenɔŋ banydit ke ka ke Nhialic ku Parithai, ku biki kene lambai, ku mɛc, ku ka ke ɣeet.

⁴ Go Yecu, man nyic kaŋ kedhia ka bi ye lɔny, go lɔ, ku yook keek, Ye yeŋa karka?

⁵ Goki dhuk, Yi kee Yecu de Nadhareth. Go Yecu ke yɔɔk, Ye ɣan eke. Ku Judath ee tɔ ke keek eya man nyiin yen.

⁶ Ana ye yook keek, Ye ɣan eke e ke dhuk ciɛn, yuikki.

⁷ Go ke bɛɛr thiec, Ye yeŋa karka? Goki jam, Yi kee Yecu de Nadhareth.

⁸ Go Yecu dhuk, Ye kaca lɛk week ya ɣan eke: na karka ɣɛn, ke ne keekɔcke jiɛl:

⁹ bi wɛt ci luel bi ya yic, Ya ka cake yiɛn ɣɛn acin toŋ ci maar.

¹⁰ Thimon Petero ee nɔŋ theep, go miɛt bei, ku kep en aluaŋ de bɛnydiit de ka ke Nhialic yic wei, yiny cuec. Rin ke aluak acɔl Malko.

¹¹ Go Yecu Petero yɔɔk, Ye luɔte themdu ne boonic: abiny ci Awa yiɛn a, can bi dek?

¹² Go rem kene bɛnyden ku atoc ke Judai goki Yecu dɔm, ku derki,

¹³ ku kɔnki thɛl Anath; ee ye thun de Kaiapath, man ee ye bɛnydiit de ka ke Nhialic ne yerune.

¹⁴ Kaiapath ee ye ran ci Judai lɛk, ye kapiath bi ran tok bi thou ne nyin de kɔcic.

¹⁵ Go Thimon Petero Yecu biɔth cok, ku ran dɛ pioce eya. Yeranpiocene ee nyic bɛnydiit de ka ke Nhialic, ku ler ke Yecu luaŋ de bɛnydiit de ka ke Nhialic;

¹⁶ ku kac Petero ɣot thok ne baŋ biyic. Go yeran dɛ piocene, man nyic bɛnydiit de ka ke Nhialic, go lɔ biyic ku le jam kene nyan ye ɣot tiit thok, ku le Petero bɛi.

¹⁷ Go nyan ye ɣot tiit thok Petero thiec, Ye cii ye toŋ de kɔcpioc yerane keek eya? Go, Ye ɣan cie ye.

¹⁸ Ku nɔŋ aluɛk ku atoc kaac, e ke ci many de col kony; ee nɔŋ yuir; ku ɣɔcki; ku tɔ Petero ke keek, kɛɛc ku ɣɔc.

¹⁹ Go bɛnydiit de ka ke Nhialic Yecu thiec ne kɔckek piocke kene piocde.

²⁰ Go Yecu dhuɔk en, Ye ɣan e jam ne nompaal ne kɔc yic; ɣan e ye weet ne ɣoot ke gueer yic ku ne yekalu, ɣɔn ye Judai kedhia ke guɛr; ku an ee cie jam ne cuɔlic.

²¹ Yeŋo yin ɣa thiec? thiec kɔc eke ye a piŋ ke ya lɛk keek; keeka nyic ka eke yake luel.

²² Te cen ekene luel, go atoc tok kaac go Yecu biɔk, ku jiɛm, Ye dhuɔkne bɛnydiit de ka ke Nhialic wuya?

²³ Go Yecu dhuk, Ye na jam arac, ke yin cir rɛɛc: ku na ye kepiath, ke ŋo biakne ɣa?

²⁴ Go Anath tuɔc enɔŋ Kaiapath bɛnydiit de ka ke Nhialic ke ci deer.

²⁵ Ku kaac Thimon Petero ɣɔc. Goki thiec, Yi cii ye toŋ de kɔckek piocke eya? Go jai, jiɛm, Ye ɣan cie ye.

²⁶ Go aluaŋ toŋ de bɛnydiit de ka ke Nhialic, kaar ke ran cii Petero kɛp yic wei, go jam, Ye kɛn yi ŋem ne genenic ɣɔn we yen?

²⁷ Go Petero bɛr jai: ku go ajith guɔ ciu nelantoŋtɛi.

²⁸ Goki Yecu thɛl enɔŋ Kaiapath ku lerki luaŋ de luɔk: ku kee ye miakdur; ku keek ne gupken aaken lɔ luaŋ de luɔk, kɛlke ke bi cuɔl; nɔŋki piɔth bik ret cam.

²⁹ Go Pilato lɔ biyic enɔŋ keek, ku thiec, Ye guɛɛlka yerane ne ŋo?

³⁰ Goki dhuk yookki, Yi nee yerane ci kerac ye loi, ee te kenku yiɛn yi.

³¹ Go Pilato ke yɔɔk, Ye larka ku luɔkka ne looŋkuɔn. Go Judai goki yɔɔk, Yi wɔ cin riɛr buk ran nɔk:

³² bi wɛt de Yecu bi ya yic, wɛt e ci luel, nyooth en thon ben thou.

³³ Go Pilato bɛr lɔ luaŋ de luk, ku cɔɔl Yecu, ku thiec, Ye ye Meleŋ de Judai?

³⁴ Go Yecu dhuɔk en, Ye luel yekene ne guɔpdu, ka ci kɔc kɔk yi lɛk ne ɣɛn?

³⁵ Go Pilato dhuk, Ye ya Juda? Ee jurdu ku banydit ke ka ke Nhialic keeka kek yin yi ɣɛn: yeŋo ca loi?

³⁶ Go Yecu dhuk, Ye ceŋdie acie ke de yepinye nom: nee ceŋdie ye ke de yepinye nom, ee te ci awuutcie ɣeet duɔke ɣan bi yiɛn Judai: yen ceŋdie acie ke de etene.

³⁷ Go Pilato thiec, Ye ye melek? Go Yecu dhuk, Ye yin ye jam wu ya melek. Yekene yenekee dhiethe ɣɛn, ku yekene yenekee bi ɣɛn ne piny nom, ba ya lek ne yith. Raan ebɛn ran de yith ee ye rordie piŋ.

³⁸ Go Pilato thiec, Ye ye yic ŋo? Na ci yekene luel, ke ber lɔ biyic enɔŋ Judai, ku yook keek, Ye kacin awany ca yok enɔŋ en.

³⁹ Yen we nɔŋ luɔiduɔn, ba we pal ran tok ne ret: naŋka piɔth ba we pal Meleŋ de Judai?

⁴⁰ Goki bɛr coot kedhia jamki, Yi kacie yerane, ee Barabath. Barabath ee ye rueny.