Welpiath ci Jɔn cithiei ke gɔɔr 14 - Lek Jot de Jecu Kritho 1940

¹ Duɔka piɔthkuɔn ye cɔk lɔ etuk: we ye Nhialic gam, ku yaka ɣa bɛɛr gam eya.

² Pan de Awa anɔŋic ɣɔn juec ke ceŋ; ne ke liu, ee te lɛk we: an lɔ ba teduɔn lɔ juir.

³ Ku na la teduɔn juir, ke an bi bɛɛr bɛn, ku lɔɔm week ne guɔpdie; bak ya tɔ eya te yan tɔ.

⁴ Ku te lar ɣan aye we dhol nyic.

⁵ Go Thoma yɔɔk, Ye Bɛnydit, buk dhol nyic wuude, ke wɔ kuc te leer yin?

⁶ Go Yecu yɔɔk, Ye ɣan ye dhol, ku ɣan ye yic, ku ɣan ye piir: acin ran ye bɛn nenɔŋ Awa, ke ken teek ne anom.

⁷ Ne we ye ɣa nyic, e kee te yaka Awa nyic eya: ku emane ayaka nyic, ku kacak ŋem.

⁸ Go Pilip yɔɔk, Ye Bɛnydit, nyuɔthe wɔ Wuur, yenekee yuku kɔɔr.

⁹ Go Yecu yɔɔk, Ye ciɛŋ wɔ we ete ɣɔn ku kuɔcka ɣa, Pilip? ran ci a ŋem aci Awa ŋem; yeŋo jiɛm yin, Wu nyuɔthe wɔ Wuur?

¹⁰ Cak ɣa gam ke ɣan ye tɔ ne Awaic, ku Awa ne ɣaic? wel yake lɛk week acaake ye luel ne ke de guɔpdie: ee Awa man ye ceŋ ne ɣaic yenekee luɔide loi.

¹¹ Yaka ɣa gam, ke ɣan tɔ ne Awaic, ku Awa ne ɣaic: ka yaka ɣa gam ne ke de yeluɔine.

¹² We ya yɔɔk neyic, Ya ran ye ɣa gam, abi luɔi ya loi abi ya loi eya; ku kabi kadit ne yekene ya loi; ne lɔ lar ɣan enɔŋ Awa.

¹³ Ku ke dɛ ebɛn ke bak ya thiec ne rincie, aba ya luɔi we, bi Awa bi ya nom ne Wa.

¹⁴ Na yaka ɣa thiɛc ke dɛ ne rincie, e kabi ya luɔi we.

¹⁵ Na yaka ɣa nhiar, ke we bi looŋcie ya loi.

¹⁶ Ku an bi Awa lɔŋ, ku bi we yiɛn Dugel dɛ, bi ya tɔ kene week athɛɛr;

¹⁷ yenekee Jɔŋdiit de yith. Kɔc ke ka ke piny nom acik leu ne lɔm, acik ye ŋem, ku kacik ye nyic. Ku week, we eka nyic e. Ee ceŋ kene week, ku kabi ya tɔ ne weyic.

¹⁸ We caa bi nyaŋ wei ci thum; an e lɔ ka bɔ.

¹⁹ Kɔc ke ka ke piny nom aaci ɣa beer ŋem miak ne ninka; ku we bi ɣa ya ŋem: piir yan piir abi we ya piir.

²⁰ Ne ekole abak nyic ke an tɔ ne Awaic, ku taka ne ayic, ku taa ne weyic.

²¹ Ran tɔ ke looŋcie, ku ye ke loi, yenekee ɣa nhiar. Ran ye ɣa nhiar abi Awa ya nhiar, ku nhiar eya, ku kaba nyuɔth rɔt.

²² Go Judath yɔɔk (ku kacie Yithkariɔt) Ye Bɛnydit, yeŋo bin rɔt nyuɔth wɔ, ku cii rɔt nyuth kɔc ke ka ke piny nom?

²³ Go Yecu dhuk, Ye na ye raan ɣa nhiar, e kabi welcie ya loi, ku kabi Awa ya nhiar, ku buku enɔŋ en, ceŋku wɔne yen.

²⁴ Ran ce ɣa ye nhiar aci welcie ye loi: keewel piɛŋekeka aacie welcie, kaa wel ke Awa ci ɣa tooc.

²⁵ Keekake acake lɛk we ka ŋoot ka tɔ wɔ we.

²⁶ Ku Dugel, Jɔŋdiit Lajik, man bii Awa tuɔc ne rincie, kabi we ya piɔc ne kaŋ kedhia, bi we cɔk ye wenhiim ciɛt ne wel cake lɛk we kedhia.

²⁷ Dɔɔr anyaŋ we; we yiɛnke dɔɔrdie. Yin yiɛn an e we ace cit yin de kɔc ke ka ke piny nom. Duɔka piɔnduɔn cɔk lɔ tuk, duɔka riɔc.

²⁸ We ci jam enhia jam an piŋ, Ya an jiɛl, ku an e lɔ ka bɔ. Ne we nhiar an, ee te cak piɔth lɔyum ne lɔ lar an enɔŋ Awa: Awa kadit ne ɣɛn.

²⁹ We ca lɛk ne emane, ke ŋoot, bak gam te cen bɛn.

³⁰ An ce beer ben jam wɔ we areet; bɛny de piny nom abɔ, ace mɛt ke ɣa.

³¹ Aluɔi yala, bii kɔc ke ka ke piny nom nyic lan nhiar an Awa. Aluɔi yala, ne loŋ ci Awa lɛk ɣa. Jatka roth, lou.