Galatai 4 - Lek Jot de Jecu Kritho 1940

¹ Emane aya luel, Ya na ye dit ye ya meth, e kee thoŋ kene awun ya lui, te ciɛk en ya bɛny de kaŋ kedhia;

² ee tɔ ne dupiooc cin ku kɔc ye ye ŋem agut kol ci wun nyooth.

³ Yen wɔɔk eya, ɣɔn ye wɔ mith, wɔ e wɔ tɔ ne duɔtic ye piny wɔ duut;

⁴ wen ci run jal thok, ke Nhialic ke tuuc Wende, cɔk dhieth ne tiik, ku dhieth, ne riɛr de loŋic,

⁵ bi kɔc tɔ ne riɛr de loŋic bi ke waar, buk ya naŋ dom de wat.

⁶ Ne ke ye we wat acii Nhialic Jɔŋdiit de Wende tuɔɔc ne wɔpiɔth, ku ye coot, Ye Abba, Awa.

⁷ Yen yin ce ber ya awun ye lui, yin ye wa, ku na ye wa, ke yin ye dit de Nhialic ne Kritho.

⁸ Ku ɣɔn tueŋ, kuc we Nhialic, we we ye aluɛk ke ka ekee cie nhielic ne cɔɔkden:

⁹ ku yeman cii we Nhialic nyicne, ka lan cii Nhialic we ya nyicne, ke yeŋo ye we roth bɛɛr dhuɔk ciɛn ne kathɛɛr eke ciɛŋeke yic, ka ye ya niɔɔp ku nyin kuɛɛny, bɛɛrka ke kɔɔr bi we ke ya mac thin?

¹⁰ We ye akɔl theek, ku pɛɛi, ku biɔk ke run, ku run.

¹¹ Ɣan ye riɔc ne week, kɛlke luɔi ca ya loi ne week ci ya ciɛlic.

¹² We laŋke, mɛɛthcie, Ya yaka ciɛt ɣɛn, ci man yan ciɛt week. Acin rɛɛc cak luɔi ɣɛn:

¹³ ku kanyiɛcka ke ye ya anuaan de guɔp yene e kan ɣan week wɛɛt ne welpiath:

¹⁴ ku we we ken ɣa tɔɔn ku yaka ɣa jai ne kedien de guɔp ye ya them de week; ku luɔrka ɣɛn ci malaika de Nhialic, ku ci Yecu Kritho.

¹⁵ Ye lɛcduɔn de roth tɔ teno? an leu kɔc ne lek ne week, ya te ye we ye leu, ee te cak wenyin tuɔk bei ku yiɛnake ɣɛn.

¹⁶ Yen ca jal ya atiirduɔn, ne ke yan we lɛk yic?

¹⁷ Aaye we cok kɔr dhol rac, ee yic, ayiki kɔɔr bi we ya thiɛk biyic, bak ke ya kɔɔr.

¹⁸ Ku kapiath bi we ya kaar areet ne luɔi piathic ne nyindhia, ku kacie ya te yan tɔ wɔne week yetok.

¹⁹ Miththiicie, we we kɔc yan ke bɛɛr rɔp agut te ŋole Kritho ne weyic,

²⁰ ee yic, eeya ete taa wɔne week emane, ba jamdie waar; ne ke can nom liaap ne week.

²¹ Lɛkka ɣan, we kɔc nɔŋ piɔth bak ya tɔ ne loŋ thar, cak loŋ ye piŋ?

²² Ne ke cene e gɔɔr, ya Abraɣam ee nɔŋ wat keerou, ye tok wen de nyanaluaak, ku ye kene wen de tiɛŋadooc.

²³ Go wen de nyanaluaak ya ke e dhieth ne riiŋ; ku ye wen de tiɛŋadooc ye ke de keeciluel.

²⁴ Keekake aanɔŋ yic kaaŋ: keediar renke aaye ren de mat; tok ne kuur e Thinai, man e dhieth mith ke luɛɛk, yeneka ye Agar.

²⁵ YeAgare yenekee kuur e Thinai tɔ ne Arabia, ku kathoŋ ke Jeruthalem man tɔ emane; ku kee tɔ ne luɛɛkic ke mithke.

²⁶ Ku Jeruthalem man tɔ nhial ee laau, yen man ye amada wɔdhia.

²⁷ Ne ke cene ye gɔɔr, Ya miɛte piɔu, yin tiɛŋ ror cie dhieth; Yaate yiyic, cɔɔte, yin man cie rɔɔp: Mith ke tiɛŋ abaar aawar mith ke ke nɔŋ moc.

²⁸ Yen wɔɔk, watmɛthcie, citku Yithak, yuku mith ke keciluel.

²⁹ Ku yen man ci dhieth ne riiŋ ee ke ci dhieth ne Jɔŋdit ee ye ŋet, agut ci emane.

³⁰ Ku jam kecigɔɔr yede? Ye ciɛcka nyanaluaak ku wende: ne ke cii wen de nyanaluaak cen bi dit kene wen de tiɛŋadooc.

³¹ Yen watmɛthcie, wɔ cie mith ke nyanaluaak, wɔ ye ka ke tiɛŋadooc.