Galatai 3 - Lek Jot de Jecu Kritho 1940

¹ We we Galatai ci bel, yeŋa e theth week, bak yic cuɔk ye gam, we kɔc ceneke Yecu Kritho nyuɔɔth ne wenyin ke ci piaat?

² Ne ɣan ye yetoŋe nyic enɔŋ week, Ya ne we lom Jɔŋdit ne luɔi de loŋ, ka ne piŋ de gam?

³ Cak cok bel? a na cak ye gɔɔc ne Jɔŋdit, ke we ye cɔk lɔcap ne ke de guɔp emane?

⁴ Ne we gum kajuec ne ciɛlic? te cok en ya ciɛlic.

⁵ Yen yen yen man ye we miɔc ne Jɔŋdit, ku ye kagɛiyeke loi ne weyic, ne kee yeke loi ne luɔi de loŋ, ka ne piŋ de gam?

⁶ Acit man e cii Abraɣam Nhialic ya gam, ku kee ci kuɛn ke de lajik.

⁷ Yen yaka nyic ke kɔc ke gam, ye ya wɛɛt ke Abraɣam.

⁸ Ku kecigɔɔr, ee nyic nacirnom ke Nhialic bi Juurkɔk cɔk lajik ne gam, go Abraɣam kan wɛɛt ne welpiath, jiɛm, Ye juɔr ebɛn abi thiei ne yin.

⁹ Yen kɔc ke gam aa thiei kene Abraɣam man ye naŋ adot.

¹⁰ Kɔc kedhia kɔc ke luɔi de loŋ aaye naŋ aciɛɛn: ee gɔɔr, Ya raan ebɛn ran ci kaŋ kedhia ka ci gaar ne kitap de looŋic ye muk bi ke ya loi ee cieen.

¹¹ Acin ran bi ya cɔk lajik ne Nhialic nyin ne luɔi de loŋ, ee lɔ gɔk: Ya kɔc lajik aabi ya piir ne gam;

¹² ku loŋ acie ke de gam; ku, Ya ran ye ke loi abi ya piir ne keyic.

¹³ Kritho ee wɔ waar ne aciɛɛn de loŋ, ne ke cene ye cieen ne keda, ne ke cene e gɔɔr, Ya ran ci ya nook ebɛn ne tim kɔu ee ya cieen:

¹⁴ bi athiɛi de Abraɣam bɛn enɔŋ Juurkɔk ne Yecu Krithoic; buk keciluel de Jɔŋdit ya loom ne gam.

¹⁵ Watmathcie, ɣan ye jam ci kɔc: Ya te ciɛk en ya man de raan, e kacin ran cɔk ye ye ciɛlic ku ye juakic, te cene e cɔk rir.

¹⁶ Emane kaciluel aake ci yiɛn Abraɣam ku kuande. Ku kee ken luel, lek kuat, jiɛm ne juaac; ee jam ne tok, Ye kuandu, man ye Kritho.

¹⁷ Emane yekene aluɛl, Ya man jɔt, ci cɔk rir nacirnom ne Nhialic, acii loŋ leu ne nyiɛi, loŋ e jɔl lɔɔk bɛn aci run keethiɛrnyɛny ŋuan ku thiɛrdiak lɔ, bi keciluel ya riɔk.

¹⁸ Te ye dit ya ke de loŋ, e kace beer ya ke de keciluel: ku kacii Nhialic miɔc Abraɣam ne keciluel.

¹⁹ Jɔl loŋ ya ŋo? Ee mɛte thin ne ke de rɛɛc, agut te biie kuat enɔŋ yen yen man e cii Nhialic yiɛn keciluel, ku kee gɛme ne Nhialic ne malaikai ne ciin de medoor.

²⁰ Emane medoor acie medor de tok; ku Nhialic ee tok.

²¹ Ye loŋ teer kene kaciluel ke Nhialic? Acie yen: nee loŋ ci gam loŋ de piir, ke lajik ee te ye ke de loŋ ne yic.

²² Ku kacigɔɔr aa keriɛc ebɛn mac ne rɛɛc, bi keciluel ne gam ne Yecu Kritho bi ya yiɛn kɔc ye ye gam.

²³ Ku ɣɔn aŋoot gam ke ken bɛn, ke wɔ wɔ ye tɔ ne muɔk de loŋ, mac wɔ agut te bene gam nyuɔɔth.

²⁴ Yen loŋ ee ye dupionydɛn ye wɔ bɛi enɔŋ Kritho, bi wɔ ya cɔk lajik ne gam.

²⁵ Ku eman cii gam bɛne wɔ cie bɛɛr tɔ ne dupiooc cin.

²⁶ We wedhia we ye ya waat de Nhialic, ne gam, ne Yecu Krithoic.

²⁷ Week wedhia, we kɔc e we baptithke ne Krithoic, we ci Kritho piɔth.

²⁸ Acin ran cin en liu thin, naa Juda, naa Giriki, naa aluak, naa ke laau nom, naa muɔc ku naa diɔr: ne ke ye we ya tok wedhia ne Yecu Krithoic.

²⁹ Ku na yaka ya ka ke Kritho, ke we jɔl ya kuan de Abraɣam, ku yaka adiit ci man de keciluel.