Galatai 2 - Lek Jot de Jecu Kritho 1940

¹ Na ɣɔn aci run ya thiɛr ku ŋuan, ka beer lɔ Jeruthalem wɔne Baranaba, ku laar Tito eya kene ɣɛn.

² Ku ɣan ee cɔk lɔ ne nyuuth; guɔ ke lɛk welpiɛth yan ke wɛɛt ne Juurkɔk yic, luɛl ke ne kɔcdit yic neluɔɔŋ, duɔke ke ya loi, ku ke ca loi, bi yok ne ye ciɛlic.

³ Ku Tito, man e tɔ wɔ, cak ya Giriki, ee kene mac ŋuɔt.

⁴ Ee nɔŋ mɛɛth ke adhuɔm, ci roth liɛɛp thin, bik ke e ye wɔ laau ne Krithoic bɛn ŋem, bik naŋ ke mɛc kek wɔ.

⁵ Goku riɛrden cuɔk kɔn leethic, acin thaa tok; bi yic de welpiath bi ya dhiac kene week.

⁶ Ku tenɔŋ keek kek kɔc ye cɔɔl ya yeki roordit (luɔiden e yee kek lui, ee cinic kedie thin: acie ya raan guɔp e ye loom ne Nhialic,) ku tenɔŋ keek, kek kɔc ye cɔɔl ya yeki roordit, acin ke ye ke jot cik yiɛn ɣɛn.

⁷ Anɔŋ dɛ; ɣɔn ŋem kek ɣɛn ke ɣan ci yiɛn welpiɛth ke aboor, ci man e cene Petero yiɛn welpiɛth ke ŋuɛlɛɛi:

⁸ (yen man e ci Petero cɔk ye dutuny de ŋuɛlɛɛi ee ci ɣa cɔk ye ke de Juurkɔk eya);

⁹ ku ɣɔn ŋem kek athiɛi ci yiɛn ɣɛn, go Jakob, ku Kepath, ku Jɔn, kɔc ci ya cɔɔl ya yeki meen, goki ɣɛn wɔne Baranaba muɔɔth ne ciin cuec de mat, buk ya lɔ enɔŋ Juurkɔk ku lek enɔŋ aŋualɛɛi.

¹⁰ Yi buk aŋaaŋ ya nyic, ku yen yekene ee kuɔk ɣɛn ne luɔi.

¹¹ Ɣɔn ye Kepath ye bii Antiokia, guɔ ter wɔ ye ne yenom, ne ke cen rɔt luɔkwei.

¹² Waar ŋoote kɔc eke bɔ enɔŋ Jakob ŋoot kek wei, e kee ye cam kene Juurkɔk; ana yii biki, ke miit rɔt wei, lee rɔt week, ci jal riɔc ne aŋualɛɛi.

¹³ Go Judai kɔk roth lɔ mat kene yen ne lueth; agut te nyiɛi kek Baranaba eya ne luenhden.

¹⁴ Ku na ɣɔn ya ŋɛm ke e kee ce cath apiath ci yic de welpiath, guɔ Kepath yɔɔk ne kenhiim kedhia, Ya na ye Juda, ku ye ceŋ ci Juurkɔk, ku cii ye ciɛt Judai, ke yeŋo yin Juurkɔk cɔk ceŋ ci Judai?

¹⁵ Wɔ kɔc cak ya Judaika ne caŋda, ku cuk ye kɔc rɛc ke Juurkɔk,

¹⁶ ku kayuku nyic ke cin ran ye luɔi de loŋ cɔk lajik, a kee ya gam de Yecu Kritho. Yen wɔ ci Yecu Kritho gam, bi wɔ ya cɔk lajik ne gam ne Krithoic, ku kacie ya luɔi de loŋ: ne ke cin en ran toŋ bi ya cɔk lajik ne luɔi de loŋ.

¹⁷ Ku na yuku bi wɔ cɔk lajik kɔɔr ne Krithoic, ke wɔ ci yok eya ke wɔ rac, ye Kritho ye awun de rɛɛc? acie yen.

¹⁸ Na bɛɛr ka ekee cake riɔk yik, ke ɣan ye rɔt nyuɔɔth ke ɣan cok ya ran rac.

¹⁹ Ke de loŋ yeneka can thou enɔŋ loŋ, ba ya piir enɔŋ Nhialic.

²⁰ Ɣan ci piaat wɔne Kritho; ku an dhiac ka piir; ku kace beer ya ɣɛn, ee Kritho yene ye piir ne ɣaic: ku yepiir yan piir ne ɣaguɔpe ayan piir ne gam, gam ye tɔ ne Wen de Nhialicic, man e ci ɣa nhiar, ku gɛm rɔt ne ɣɛn.

²¹ Ɣan ce athiɛi de Nhialic ye cɔk ye ciɛlic: na ne lajik ye tɔ ne loŋ, ke Kritho ee thou peer.