Epethioi 3 - Lek Jot de Jecu Kritho 1940

¹ Yen an Paulo, ran ci mac de Yecu Kritho ne week we Juurkɔk, —

² na ne we ci luɔi de athiɛi de Nhialic piŋ, luɔi ci yiɛn ɣɛn ne week,

³ ku cak nyooth de kecikum ci nyuɔth ɣa piŋ, ci man can en kan gɔɔr ne wel diak,

⁴ ne yekene ne yaka ciir ee te yaka nyinydien de kecikum de Kritho dot:

⁵ ke kene cɔk nyic ne wɛɛt ke raan ke kuɛt kɔk yic, ci man cen e jal nyuɔth dutuuckeek lajik ku nebii ne Jɔŋdit;

⁶ ye Juurkɔk aa mat adiit, ku matki guɔp tok, ku matki lom de keciluel ne Yecu Kritho ne welpiath,

⁷ man ci ɣa cɔk ye awunde, ci man cene ɣɛn miɔc athiɛi de Nhialic, yine ɣen ne luɔi de riɛrde.

⁸ Ee yine ɣɛn yethiɛine, ɣan man kor areet ne ran cithiei ebɛn, ba Juurkɔk ya wɛɛt ne baany de weu cin ethok de Kritho:

⁹ ku ba raan ebɛn ya cɔk ŋem luɔi de kecikum, ke e ci thian ne Nhialicic ɣɔn ciɛkne keriɛc agut ci emane, yen man ci ke dɛ cak ebɛn ne Yecu Kritho;

¹⁰ bi nyiny de kaŋ kedhia de Nhialic bi ya nyuɔɔth emane ne kanitha nyuth ceŋ ku riir tɔ nhialic,

¹¹ acit man yen tɔ ne yepiɔu athɛɛr ne Yecu Kritho Bɛnydiitda;

¹² yen man ye wɔ ŋeeny ku ye thoŋdɛn ye ɣɔr ne nompaal ne gam ye wɔ ye gam.

¹³ Yen akaar ya cak ye niar ne ka yake guum ne week, man ye ya nuɔmduɔn.

¹⁴ Yekene ayan anhiɔl tuɔk Wun e Bɛnydiitda Yecu Kritho,

¹⁵ yen man cene dhien nhial ebɛn ku piny nom cak rin,

¹⁶ ku ya lɔŋ ya bi we cɔk ye riɛr ne Jɔŋdiitde ne raan biak thin ne dit de nuɔmde;

¹⁷ ku bi Kritho ya ceŋ ne wepiɔth ne gam: ku week, we kɔc cike com ku wece we ne nhiɛr,

¹⁸ bak ya leu ne dot wene kɔc cithiei kedhia ye dit dite nhiɛr de Kritho, ku bɛɛrde, ku thuɔthde, ku te peek en thin;

¹⁹ ku bak nhiɛr de Kritho, wɛr nyic ebɛn, ya nyic, bak ya thiaŋ ne kuɛth kuethe Nhialic we.

²⁰ Eeyabi nuɔm bi ya tɔ kene yen, yen man leu wɔ ne lui ke wɛr kayuukue thiec ku kayuukue tak kedhia, ne riɛr ye lui ne wɔyic;

²¹ eeyabi nuɔm bi ya tɔ kene yen ne kanithaic ku ne Kritho man ye Yecuic ne kuat ebɛn agut athɛɛr. Amen.