Eberuu 8 - Lek Jot de Jecu Kritho 1940

¹ Emane ke ye keeth de keekaluelkukeke eke: Wɔ ye naŋ yebɛnydiit de ka ke Nhialice, man ci lɔ reer ne ciin cuec de thony de Kediitgok tɔ pan nhial,

² ke ye awun de telajik, ku de akema yic, cii Benydit ruɔk, ke cie raan.

³ Baanydiit de ka ke Nhialic ebɛn ee taau bi miɔc ke koc bi ke ya gam. Yen yebɛny de ka ke Nhialicne abi ke ye gam ya dhiil eya.

⁴ Na ne tɔ ne piny nom, e kee te cii kɔn ya bɛny de ka ke Nhialic, ne ke yen naŋ kɔc ye miɔc gam ne ke de loŋ:

⁵ kɔc ye kɛɛr ku atiapa de ka ke pan nhial luɔi, ci man e cene Mothe nyiɛn ne Nhialic ɣɔn ben akema loi: ne ke jiɛm en, Ye dot, ba keriɛc ebɛn ya loi ci kɛɛr e ci nyuɔth yin ne kuur nom.

⁶ Ku kee luɔi piath areet jal loom emane, luɔi yen ya ya medoor de man ŋuan eya, ke ci mat kene kaciluel ya kee ŋuan.

⁷ Na ne man tueŋ cinyic aciwuɔc, e kee te kene ke de rou bɛr kɔɔr.

⁸ Ɣɔn wɛɛi en keek go jam, Ye ŋɛmka, aluel Yekoba, ye akol aabɔ, Ban ke man jot loi wɔne dhien de Yithrael, ku dhien de Juda;

⁹ Ace cit man de man ca loi wɔne wurken Ne kol lɔɔm ɣan keek ne ɣaciin bɛi ke bei piny de Yijep; Mandien ken kek dhiac thin, Guɔ ke puɔl, aluel Yekoba.

¹⁰ Ku yeman ba loi wɔne dhien de Yithraele abi yenla, aluel Yekoba; Ye te cii keeakolke lɔ, Ke ɣan bi loŋdie taau ne keyic, Ku gaar ne kepiɔth yic: Ku ya ya Nhialinyden, Ku yiki ya kɔccie:

¹¹ Ku ŋɛk ace ran rɛɛr kene yen bi bɛr ya wɛɛt, Ku ce ŋɛk manhe beer ya wɛɛt, cii beer ya jam, Ye nyic Yekoba: Aabi a jal ya nyic kedhia, Ne raan ebɛn ranthi ku randit, aluel Yekoba.

¹² Luɔi rɛɛcden aban piɔu ya kac, Ku rɛɛcden acaa bi bɛr ya tak.

¹³ Te jiɛm en, Ye man jot, e kee ci ketueŋ cɔk ye kethɛɛr. Ku kee ci ya ke ci dhiɔp, ku leer ke nyil, ee thol ya jaal.