Eberuu 6 - Lek Jot de Jecu Kritho 1940

¹ Yen pɛlku jam de cok tueŋ ke Kritho, ku lɔɔcku roth ne ditic; ku dukku cok ber wɛc cook de wel de piɔu te de luɔi ci thou, ku de gam de Nhialic,

² ku de pioc de baptith, ku de kɛn de cin, ku de jon de rɔt de kɔc ci thou, ku de luŋ ciɛn.

³ Ku yekene eka buk ya loi, te pɛle Nhialic en.

⁴ Ne ke de kɔc eke ci kan yiɛn ɣɛr ku cik miɔc nhial thiep, ku cike cɔk nɔŋ biak de Jɔŋdiit Lajik,

⁵ ku cik piath de wɛt de Nhialic cik thiep, ku riɛr de run bi bɛn,

⁶ ku jalki guɔ yuik, e kaaceke leu bi ke bɛɛr cɔk jot agut wel de piɔu; ne ke ye kek roth bɛɛr piat Wen de Nhialic, ku yiki cɔk ye keliric ne kɔc nhiim.

⁷ Piny ye piu ke deŋ ye dai tuɛny dek, ku ye kaŋ cɔk cil ka ye piath enɔŋ keek kek kɔc ye puɔr en, ee athiɛi aye loom enɔŋ Nhialic:

⁸ ku na ciil ne kuɔɔth ku thil, e kee ya jai, ku kee thiɔk kene aciɛɛn, ku ye thokde ye ya nyop.

⁹ Ku wɔɔk, kɔc nhiarke, na cakku ya jam wuula, ke wɔ ye kaŋuan enɔŋ week cok ne nyic, ku ka ye thiaak kene luak:

¹⁰ Nhialic ace ci lajik bi nom ya maar ne luɔiduɔn, ku nhiɛr yaka nyuɔɔth ne rinke, ne kuny e cii we kɔc cithiei ya kony, ku yaka dhiac e ke yakake kony.

¹¹ Ku kayuku kɔɔr bi ŋɛk ne week bi leeth de yeluɔitoŋe ya nyuɔɔth ne dit de ŋath agut awɛdɛ:

¹² bak cuɔk ye ya adaakrooth, yaka ya kɛɛr de keek kek kɔc ye ya adiit ke kaciluel ne gam ku piɔn lir.

¹³ Ɣɔn leke Nhialic Abraɣam kake, ku cin kediit war en kueeŋ en mel, go mel kueeŋ ne rɔt,

¹⁴ jiɛm, Ye athiɛi aban yin cok ya thiei, ku kut aban yin ya cɔk kuɔt.

¹⁵ Go kukuarda go keciluel loom, ɣɔn cen gum areet ne piɔn luɔi.

¹⁶ Kɔc aaye roth kueeŋ ne ke war keek: ku mel yenekee ya thok de ke ye tɛɛr.

¹⁷ Yen Nhialic ee mel teem ne ke yen piɔu naŋ nyuth adiit ke keciluel wɛɛr cii piɔnde rɔt ye kan waar:

¹⁸ buk ya naŋ ŋeeny dit, ne ka ceke leu ne wɛɛr keerou, ka cii e Nhialic ke lueth leu ne tɔr, ne wɔ wɔ kɔc ci kɛt te nɔŋ kony buk ŋath ci taau ne wɔnhiim kuɔk;

¹⁹ ke ye ya ke de many de tiɛp, ku ye ya yic ku ye kɔɔc lɔcap, ku ye ya lɔ te ci geeŋ ne alath;

²⁰ te ci Yecu kan ŋɔɔr thin leer ne wɔɔk, ke ci jal ya bɛnydiit de ka ke Nhialic athɛɛr ne ke de dhien de Melkidhedek.