Eberuu 4 - Lek Jot de Jecu Kritho 1940

¹ Yen, na ŋoot keciluel de lɔ ne lɔŋdeic ŋoot ke tɔ ke wɔɔk, ke wɔ yuku riɔc duɔke ran toŋ de week bi cɔɔl ke ci bai.

² Welpiath aake ci lɛk wɔɔk, ci man de keek eya: ku wɛt e cik piŋ ee ken rɔt tiiŋ ke keek, ne kee ken kek mat kene keek kek kɔc ci ye piŋ.

³ Ku wɔɔk wɔ kɔc ye gam wɔ ye lɔ ne yelɔŋneic, ci man e cen e luel, Ci man e ɣɔɔk an ɣɔn ku kuɛɛŋ keek, Ya keekɔcke aaci bi lɔ ne lɔŋdieic: te cen luɔide cak thol ne caŋ de piny.

⁴ Ee ci kol beer dhetem luel te dɛ yela, Ye go Nhialic lɔŋ ne akol beer dhetem ne luɔiden ci cak ebɛn;

⁵ ku beer yela yetene, Ye keekɔcke aaci bi lɔ ne lɔŋdieic.

⁶ Yen na dhiɛc ke ye ya yic ye naŋ kɔc bi lɔ thin, ku na ci kɔc bai ne lɔ thin kɔc eke ci kan lɛk welpiath ɣɔn ne cuɔk gamden,

⁷ e kanɔŋ kol toŋ ci week, ku luel ne Dabid thok, ne kol ci mɛc, Ye Yekole, ci man e cen e kan luel, Ye na naŋka piɔth bak piŋ ror ne ekole, Ke we duɔka piɔthkuɔn cɔk rir.

⁸ Na ne ke ci Jocua ke yiɛn lɔŋ, e kee te ken bɛr jam ne ke de kol dɛ.

⁹ Yen lɔŋ de thabath ee dhiac enɔŋ kɔc ke Nhialic.

¹⁰ Ran ci lɔ ne lɔŋdeic ee ye lɔŋ eya na luɔide, ci man e ci Nhialic ya lɔŋ ne luɔide.

¹¹ Yen yuku lɔ ne yelɔŋneic them areet, duɔke nɔŋ ran bi yuik ne kɛɛrden de cuɔk gam.

¹² Wɛt de Nhialic ee piir, ku kee lui, ku kee muɔth awɛr them ye thok rou, ku kee guɔp wumic abi tiɛp pak bei kene wei, ku kee yom puɔk nyiin ku miokden, ku kee tɛk guɔ ŋem ku ke de piɔu.

¹³ Ku kacin ke cie lɔ gek ne yenyin ne ka eke ciɛkke: keriɛc ebɛn ee tat ku kee ɣɔɔr ne yenyin, ye yen man nɔŋ wɔ luɔi.

¹⁴ Yen na yuku naŋ bɛnydiit lɔwai de ka ke Nhialic, man ci teek ler nhial, Yecu Wen de Nhialic, ke ne wɔ ye gamda muk arir.

¹⁵ Ne ke cii wɔ ye naŋ bɛnydiit de ka ke Nhialic ye niɔp de piɔthkuɔ kuc ne yepiɔu; ee toŋ e ci ya them ne keriɛc ebɛn ci man yene wɔ them, ku ye ciɛn rɛɛc.

¹⁶ Yen yuku roth cuɔt tethiak kene thony de athiɛi ne ŋeeny, buk kac de piɔu yok, ku buk athiɛi de kuny de wɔɔk yok ne kol de ŋɔɔŋ.