Eberuu 3 - Lek Jot de Jecu Kritho 19401 Yen, mɛɛthciek lajik, we kɔc ye naŋ cɔt nhial, yaka Metuc tak ku Bɛnydiit de ka ke Nhialic de gamda, man ye ya Yecu; 2 man ye naŋ adot enɔŋ en ye ke e wek en, ci man de Mothe eya ɣonde ebɛn. 3 Yenekee war Mothe ne nuɔm, acit man ye ran ye ɣot yik yen ɣot wuɔr ne rieu. 4 Ɣot ebɛn ee nɔŋ toŋ e yik en; ku ke ye keriɛc ebɛn yik ee Nhialic. 5 Go Mothe ya naŋ adot ɣonde ebɛn ɣɔn yen awut, bi ka bike luel ne kol dɛ bi ke nyuɔɔth; 6 ku ye Kritho naŋ adot ne ɣonde nom ebɛn ɣɔn yen wa; ku wɔ eka ye ya ɣonde, te ye wɔ ŋeenyda muk arir ku nuɔm de ŋathda agut wada. 7 Yen, acit man e luele Jɔŋdiit Lajik en, Ye na naŋka piɔth bak piŋ ror ne ekole, 8 Ke we duɔka piɔthkuɔn cɔk rir, Acit man ɣɔn akol e them, Ter we rokic wene ɣɛn. 9 Ɣɔn theme wurkuɔn an, Ku ŋemki luɔi diitdie. 10 Yen run thiɛrŋuan an ee ci piɔu dhiau ne yerinye, Ku jaam, Ya keekɔcke ayiki wuɔc e kepiɔth, Ku kaaken dhɔlcie nyic apiath; 11 Ci mame ɣɔɔk an ɣɔn ku kuɛɛŋ keek, Ya keekɔcke aaci bi lɔ ne lɔŋdieic. 12 Yaka roth ŋem, mɛɛthcie, duɔke ran toŋ de week bi yen naŋ piɔn rɛɛc de cuɔk gam, bi yec wei enɔŋ Nhialiny ye piir: 13 ku yaka roth yɔɔk akolriɛc, aŋoot, Yekole ke ye tɔ; duɔke ran toŋ de week bi cɔk nɔŋ piɔu akak ne dhuɔm de rɛɛc: 14 ne ke cii wɔ jal ya kɔc ye naŋ biakda wɔne Kritho, te ye wɔ gɔc de gamda muk arir agut wada: 15 ku yuku yewɛte piŋ, Ya na naŋka piɔth bak piŋ ror ne ekole, Ke we duɔka piɔthkuɔn cɔk rir, acit man ter we. 16 Ye yi ŋa eke ter ɣɔn piŋ kek yen? Cie keek kedhia kek kɔc eke bii Mothe ke bei ne Yijep? 17 Ku ne dhiau piɔu ne tenooi ne run thiɛrŋuan? Cie keek kek kɔc ci rɛɛc ya loi ku cik thou roor? 18 Ku ye yi ŋa eke kueeŋ keek ye cik bi lɔ ne lɔŋdeic? Cie keek keekɔc eke reec welke? 19 Yen acuk jal nyic aaken lɔ ne lɔŋdeic ben leu ne kee ken kek gam. |