2 Timotheo 2 - Lek Jot de Jecu Kritho 1940

¹ Yen, ye jal riɛr ne athiɛic, mɛnhdie, athiɛi ye tɔ ne Yecu Krithoic.

² Ku ka cake piŋ enɔŋ an ne duleek juec yic, ke yeke lɛk kɔc nɔŋ adot, bik kɔc kɔk ya leu ne pioc eya.

³ Ye karir guum wene ɣɛn, ci lathker piɛth de Yecu Kritho.

⁴ Acin lathker ye tɔ ne luɔideic, ye rɔt liap ne kaŋ yic ka ke yepiire; bi raan ya yuum piɔu ran e gɔr en ke ye lathker.

⁵ Ku na ye raan teer ne polic, e kacie yiɛn gol, te ken en teer ci man de luɛl de looŋ.

⁶ Ran de dom ye lui yenekee ka ye luɔk kan kaaŋ thok.

⁷ Ye yeke ca luele tak, ne ke bii Bɛnydit yin ya yiɛn nyiny de kaŋ kedhia.

⁸ Ye yinom ciɛt ne Yecu Kritho, man ci rɔt jɔt ne thouic, ye kuan de Dabid, ne ke de welpiɛthcie:

⁹ ka yan ke karir guum agut mac, ci man de ran ci rɛɛc loi; ku wɛt de Nhialic akene mac.

¹⁰ Yen ɣan ye kaŋ kedhia guum ne ke de kɔc ci lɔc, bik luak ya loom eya luaŋ ye tɔ ne Yecu Krithoic kene nuɔm athɛɛr.

¹¹ Yewɛte ee wɛt yic: Ya na cuk thou wɔne yen, ke wɔ bi ya piir eya wɔne yen:

¹² na yuku gum, ke wɔ bi ya ceŋ etok wɔne yen: ku na buk ye ya jai, e kabi wɔ ya jai eya:

¹³ na yuku ciɛn adot, e kee dhiac ke nɔŋ adot, ne ke cen rɔt ye leu ne jiɛi.

¹⁴ Ye ke cɔk ciit kenhiim ne keekake, ku ye ke yɔɔk ne Bɛnydit nom, bik ya cuɔk ye teer ne wel, ka ye ciɛn kony, ye kɔc ye piŋ riɔk.

¹⁵ Ye lui areet ba rɔt ya nyuɔth Nhialic ku piath, ku ye ran de luɔi ci yic ye liɛr, ye wɛt de yic tɛɛk apiath.

¹⁶ Ye rɔt ɣooc te de jam rɛɛc piɔlic, ne ke bik kek dhiac e ke cith ne rɛɛc,

¹⁷ ku wɛtden abi ya cuet ci athuath: kɔc nɔŋ yi Kumenayo ku Pileto;

¹⁸ kɔc ci wuɔc ne ke de yic, yiki jam yi ci jon de rɔt guɔ thok, ku yiki gam de kɔc kɔk riɔk.

¹⁹ Ke lɔcap de Nhialic ci wɛc ee kɔɔc, ke nɔŋ yecine, Ya Bɛnydit anyic ka ye ya kake: ku, Ya ne raan ebɛn ran ye rin ke Bɛnydit cɔɔl ne ye kat ne rɛɛc.

²⁰ Emane ka ye tɔ ɣondit aacie ya yi luŋ de jini kene luŋ de riar kepɛc, ee yic naŋ yi ka ke tiim kene ka ke tiɔp eya; ku kɔk ye ke riɛu ku kɔk piɔl yic.

²¹ Na ye raan ke waak wei keekake, ke kabi ya ya tony de rieu, ku ci cɔk lɔjik, ku ye piath ne luɔi de bɛny, ku ci juɛr luɔi piath ebɛn.

²² Yaka kɔɔr rɛɛc de ranthi deeny, ku yaka lajik biɔth, ku gam, ku nhiɛr, ku dɔɔr, wene kɔc ye Bɛnydit cɔɔl ne piɔn lɔcar.

²³ Ye thiɛc beel de kuny de kaŋ ye jai, ne ke yin ye nyic e ke ye teer bɛi.

²⁴ Ku aluaŋ de Bɛnydit aci bi ya teer, abi ya lɔcai enɔŋ kɔc kedhia, ku ye muɔr ne pioc, ku ye kɔc ŋuaan,

²⁵ ku ye kɔc ye teer ye ke jɔɔny ne kuur de piɔu; lan bii Nhialic ke yen yiɛn wel de piɔu agut nyiny de yic,

²⁶ ku bik roth yen bɛi bei ne dhur de duriethic, ku ci ke mac ne piɔn de Nhialicic ne aluaŋ de Bɛnydit.