2 Thethalonikei 2 - Lek Jot de Jecu Kritho 1940

¹ Emane we yukuke lɔŋ, mɛɛthkuɔ, ne ke de bɛn de Bɛnydiitda Yecu Kritho, ku ne gueerdɛn bii wɔ gueer enɔŋ en;

² bak ya cuɔk dɔc diɛɛr, ku ce we dhal, ne tiɛp, ka ne wɛt, ka ne thon ye cɔk ye keda, ya akol de Bɛnydit ee guɔ ɣeet.

³ Ne ye ciɛn ran ye we dhoom ne dɛ: aci bi yenya te kene pɛl de gam kan bɛn, ku kene ran de rɛɛc guɔ nyuɔɔth, man ye ya wen de mar de kaŋ,

⁴ yen man ye teer ku ye rɔt taau tueŋ ne ka yeke cɔɔl nhielic kedhia, ka ka yeke door, a go ya nyuc ne yekalu de Nhialicic, ku ye rɔt nyuɔɔth ne ye Nhialic.

⁵ Kɛnka ya tak, ɣɔn taa ɣan wɔne week, ke ne we kɛnke ya lɛk keekake?

⁶ We ye ke ye jac ayaka nyic, bi ya nyuɔɔth ne kolde.

⁷ Luɔi cin loŋ ee jal ya lui neluɔɔŋ emane: ku tok ee tɔ toŋ ye jac emane, agut te bene ye nyaai.

⁸ Ela ke ran cin luɔi de loŋ abi jal nyuɔɔth, ke bii Bɛnydit Yecu bi nɔk ne aliir de yethok, ku cɔk ye ke cin ke dɛ ne nyooth de bɛnde,

⁹ yen, yen man ye bɛnde ciɛt man de luɔi de Catan kene riɛr ebɛn ku ciit ku lueth gɛiyeke,

¹⁰ ku adhuɔɔm de cuɔk lajik ebɛn ne keek kek kɔc ye thou; ne ke ken kek nhiɛr de yic loom bi ke luɔk.

¹¹ Yekene yeneka ye Nhialic ke tuɔc luɔi awac, bik lueth ya gam:

¹² bi ke luk kedhia kek kɔc ci yic ye gam, ku yiki piɔth lɔyum ne cuɔk lajik.

¹³ Wɔ bi Nhialic ya dhiil ne lɛc ne nyindhia ne week, mɛɛthkuɔk nhiarke ke Bɛnydit, ne lony ee ci Nhialic we lɔc ne acitnom loc we luak ne lajiŋ de Jɔŋditic ku gam de yic:

¹⁴ yenekee cɔɔl en week ne welpiɛthkuɔ, ne lɔm de nuɔm de Bɛnydiitda Yecu Kritho.

¹⁵ Yen, wanmathkuɔ, jalka ya kɔɔc ecap, ku yaka wel muk wel ceneke we wɛɛt, ne jamda ka ne thoonkuɔ.

¹⁶ Eewuubi Bɛnydiitda Yecu Kritho ne guɔpde, ku Nhialic Awada man ci wɔ nhiar ku yin wɔ duɔt de piɔu athɛɛr ku ŋath piath ne athiɛi,

¹⁷ eewuubik we ya duut piɔth ku cɔkki ke ye kɔɔc ne luɔi piathic ebɛn ku ne wɛt.