2 Korinthoi 2 - Lek Jot de Jecu Kritho 1940

¹ Ku yekene aca tak areet ne ɣapiɔu, ye caa beer lɔ enɔŋ week ka rac piɔu.

² Na ya we cɔk rac piɔth, ke yeŋa ye an cɔk mit piɔu, cie yeran toŋ ca cɔk rac piɔu?

³ Ɣan e gar yekene, kɛlke, na miak ku laar, ke an yok rɛɛc de piɔu enɔŋ kɔc ete lan ke piɔu yum; ne gei yan rɔt gɛi week wedhia, ke lɔyumdien de piɔu ye ya lɔyumduɔn de piɔu wedhia.

⁴ We we garke ne kediit dhal ɣayic ku tɔɔk de piɔu ku piau de anyin; ee cie bak piɔth ya rɛɛc, ee bak ya nyic ke we ya nhiar ne nhiɛr gok diit lɔwai.

⁵ Ku na ye ran ci rɛɛc de piɔu cɔk bɔ, e kacie rɛɛc de piɔudie, e kee ya keduɔn wedhia ne biak tok (kɛlke wɛidie bi yic thiɛk enɔŋ week).

⁶ Yewɛiye cene yerane waai ne juaac adit enɔŋ en.

⁷ Yen ee te yaka puɔl, ku yaka duut piɔu, kɛlke yerane bi yic wuɔp ne rɛɛcden de piɔu.

⁸ Yen we laŋ keek bi nhierduɔn dhuɔk nom thin.

⁹ Yekene yenekee gar an week, ba we them, lan ye we naŋ rieu ne kaŋ kedhia.

¹⁰ Ran ye we ke dɛ puɔl, aya puɔl eya: ke ya puɔl, e kaya pal keduɔn ne Krithoic;

¹¹ bi Catan wɔ cuɔk ye tiam: adhuɔmde ayuku nyic.

¹² War ɣɛɛt an Toroa ne ke de welpiɛth ke Kritho, ku ci ɣa liɛp thok ne Bɛnyditic;

¹³ guɔ ciɛn lɔŋ de weicie, ne yok kɛn ɣan Tito wanmaath yok: guɔ ke waan, ku ciɛth Makedonia.

¹⁴ Eeyabi lɛc ya tɔ ke Nhialic, man ye wɔ luut ne ŋɔɔr ne tiɛm ne Krithoic, ku ye amitiny de nyinyde nyuɔɔth ne wɔɔk ne ɣan kedhia.

¹⁵ Wɔ ye ya amitiny de Kritho lɔ enɔŋ Nhialic, ne kɔc ye luɔk, ku ne kɔc ye thou;

¹⁶ kene ee naŋ amitiny de thou agut thou, ku nɔŋ kene amitiny de piir agut piir. Ku yeŋa ye keekake leu?

¹⁷ Aaye wɔɔk, ku wɔ cie ciɛt juaac, ye wɛt de Nhialic riɔk: wɔ ye ciɛt kɔc yith, ku yuku ciɛt ka ke Nhialic, yeneka ye wɔ jam ne Nhialic nom, ne Krithoic.