1 Timotheo 2 - Lek Jot de Jecu Kritho 1940

¹ Yen, ke tueŋ ne kaŋ kedhia, ayɔɔk ɣan yin, Ya ne ye naŋ thiɛi, ku lɔŋ, ku cɔt, ku lɛc, ne ke de raan ebɛn;

² ne meleek ku bany; a goku ya ceŋ neyum ku yuku lɔ duk ne lajikic ebɛn ku nyiɛc muŋ de roth.

³ Yekene ee ya kepiath ku kee lɔyum ne Nhialic Duluɛŋda nyin;

⁴ yen yen man ye piɔu naŋ bi raan ebɛn luɔk, ku bik yic jal ya nyic.

⁵ Nhialic ee ya tok, ku medoor ee tok eya ne kaam de Nhialic kene kɔc, ee raan, Yecu Kritho,

⁶ man ci rɔt gam ne ye wɛɛr de kɔc kedhia; ke ci nyuɔɔth ne akolde;

⁷ yeneka cene ɣa lɔc ke ɣan ye duweet ku ya metuc (ee yic e ya luel, acie lueth), ya ya dupiony de Juurkɔk ne gam ku yic.

⁸ Yen akaar bi kɔc ya lɔŋ ne ɣan kedhia, yiki ciin lajik jat nhial, te cin ɣok ku ateere.

⁹ Ku yene ye cɔɔk de diar eya, ne ke ye roth piɔth ne alɛth ke kuur de piɔu, ku yiki nyin riɔc ku cik ye miɔl; ku cik kenhiim ye nai, ku cik luɔŋ jini ye ceŋ, ka margariti, ka alɛth ke ciin dit;

¹⁰ ee ya luɔi piath (ne ke yen piath enɔŋ diar ye luɔi lajik gam).

¹¹ Ne tiik ye pioc ediu ku ye rɔt cɔk dɔk.

¹² Acin tiŋ ya puɔl bi ya pioc, ku cii ye naŋ rier ne monyde nom, ee bi ya tɔ ediu.

¹³ Adam yenekee kɔne cak, ku jɔl Kawa cak ciɛn;

¹⁴ ku kacie Adam yen ee dhom, ee tiik yenekee ci dhoom a go yuik ne rɛɛcic:

¹⁵ ku kabi ya luɔk ne dhiɛth de mith, te ye kek dhiac ne gamic ku ne nhiɛr ku ne lajikic te cin miɔl.