1 Thethalonikei 3 - Lek Jot de Jecu Kritho 1940

¹ Yen ana ɣɔn acuk guɔm beer leu, goku cɔɔl wuu piɛth ba doŋ Athenai atok;

² ku tuɔc Timotheo, wanmaathda ku ye awun de Nhialic ne welpiɛth ke Kritho, bi we lɔ cɔk kaac, ku bi we lɔ duut piɔth ne ke de gamduɔn;

³ bi ya ciɛn ran ye rɔt ɣooc ne yeguɔme; ne nyiny ye we ye nyic ke wɔ ci meek ne yekene.

⁴ Acok a yic, ɣɔn tɔ wɔ wɔne week, e kee cuk kan lɛk week wuu wɔ bi ka ye wɔ dhal ya guum; ci man cen rɔt dhiɛl, ci nyiny nyic we yen.

⁵ Yekene, yeneka na ɣɔn acaa guɔm beer ya leu, guɔ tuc ba gamduɔn ya nyic, kɛlke luɔida bi ya ciɛlic, ne them bene we ya them ne methem.

⁶ Waar ye Timotheo ye bii eeti enɔŋ week, ke lek wɔ thoŋ piɛth de gamduɔn ku nhiɛr, ku ciit piɛth ye we wenhiim ciɛɛt ne wɔɔk ne nyindhia, ku ŋɛŋ de ŋem de wɔɔk, ci wɔɔk man ye we ŋaŋ ne ŋem eya;

⁷ kee wɔ jal duut piɔth ne week ne dhiendaic ebɛn ku ka ye wɔ dhal yic ne gamduɔn:

⁸ wɔ ye piir, te ye we kɔɔc ecap ne Bɛnyditic.

⁹ Ye lɛc cite ŋo buk bɛɛr ya yiɛn Nhialic ne week, ne yum de piɔu ebɛn ye wɔ piɔth lɔyum ne keduɔn ne Nhialinyda nom;

¹⁰ ku yuku lɔŋ areet ne wɛɛr ku akɔl, buk we ya ŋem nyin, ku buk ke ye dak ne gamduɔn lɔ cɔk lɔcar?

¹¹ Eewuubi Nhialic Awada ne guɔpde, ku Bɛnydiitda Yecu Kritho, bik wɔ ya ŋaar dhol lɔ week:

¹² eewuubi Bɛnydit we ya cɔk kuɔt ku ye we cɔk kueth ne nhiɛr de yic ŋɛk ke ŋɛk, ku raan ebɛn, ci man ye wɔ ye luɔi week eya;

¹³ bi piɔthkuɔn ya cɔk kaac te cin aciwuɔc, ne lajikic ne Nhialic Awada nom, te biie Bɛnydiitda Yecu kene kɔckeek cithiei.