1 Thethalonikei 1 - Lek Jot de Jecu Kritho 1940

¹ Paulo, kene Thiluano, ku Timotheo, aalek kanitha de Thethalonikei ne Nhialic Wunic ku jɔl ya Bɛnydit Yecu Kritho: Yi keewuubi athiɛi ya tɔ kene week ku dɔɔr.

² Wɔ ye Nhialic leec ne nyindhia ne week wedhia, we yukuke luel ne lɔŋdaic;

³ ku wɔ ye wɔnhiim ciɛɛt riariar ne luɔiduɔn de gam ku luɔiduɔn de nhiɛr ku liɛr de piɔu de ŋath ne Bɛnydiitda Yecu Krithoic, ne Nhialic Awada nom;

⁴ ku wɔ nyic lonyduɔn, mɛɛth nhiarke ke Nhialic,

⁵ lan e cii welpiath bɔ enɔŋ week ne wɛt nyin, aa bɛn ne riɛr eya, ku ne Jɔŋdiit Lajik, ku gam rir; ci man nyic we nyuth cii wɔ roth ya nyuɔth week ne keduɔn.

⁶ Guɔka wɔ ya kaar, ku Bɛnydit, ku cak wɛt loom ne guɔm gok, ku lɔyum de piɔu ne Jɔŋdiit Lajik;

⁷ a guɔka jal ya kɛɛrden kedhia kek kɔc ye gam tɔ ne Makedonia ku Akaya.

⁸ Wɛt de Bɛnydit ee piny kook ne week, ku kacie ne Makedonia yetok ku Akaya, gamduɔn de Nhialic ee thiɛi ne ɣan kedhia; a kacin ke diu buk bɛɛr ya luel.

⁹ Keek ne gupken aaye lek ne keewɔmanke lan e leer wɔ enɔŋ week wuude; ku ne wel cii we roth wɛl Nhialic wanka eidool, bak Nhialiny ye piir ku ye ya yic ya luɔi,

¹⁰ ku bak Wende ya tiɛɛt nhial, man ci jɔt ne thouic, ye Yecu, man ye wɔ luak bei ne ɣok bi bɛnic.