Kɔgya 9 - Katɔti Ɔku Kedee

¹ Unwoti, ndubo-ɔ enu butaagya na limwi-ɔ uwi biala ku mina kayi ƒui. Na ndubɔsu akɔla budie taatina ala ani ƒui na ábla.

² Ndubɔtu lɛlɔyɔ kɔgya na awɔ ɔsu. O Katɔti ɔni ntulo ƒui, ndubɔtu kɔgya limwi-ɔ lɛnyi.

³ Mina bekisine beekeli si áda álɛ. Na balákana-a bunye bɔsiaku, mmomu baayii udu.

⁴ Eli ƒula lɛgaboku lɛlɔ na aatɛ etemila siin. Na ékulo mina litemi kemmo ka mina litemi libo ubo.

⁵ Ádu kadi bamba bekyuli ƒui kɔtɔ na áyila bani na bebo kalala udu. Na áya na bana anyi álɛ bekyuli ƒui kasusu kemmo úsela uwi ƒui.

⁶ Bekisine bammɔ béduo ɔgbankpi ɔni kemmo na basɔ balakana bɔlɛ kudii. Na ábwɛ-ma kuliekɔ ƒui. Na ukyuli ɔdi ɔsɔ ulakali ɔnii bákya mmɔ dii muedi.

⁷ Unwoti mɔɔdi kayawi ku ala ani ƒui na údie lɛlɔ úsela uwi ƒui. Na úse nwuna lɛga kadikɔ úse kpakplaa na uli nwuna lɛgaboku lɛlɔ ka ɔtɛ litemi.

⁸ Na ɔdubɔtɛku kayawi bekyuli ƒui litemi na ulu siin lɛlɔ. Na ɔdubɔdi-ma lɛlɔ na ulu ɔbuni lɛlɔ.

⁹ Unwoti ɔdi katamikukɔ ute bekyuli bani lɛlɔ na bekyuli bamba baadi kpakplaa. Na anwu ndi kama kekpokɔ ute bani na ala eekpóku.

¹⁰ Na bani ngyi kalɛ na ƒula lɛnyi libo ɔyikun badubo bana anu buti bɔsia-a lɛlɔ. Ɔsika bútenu kudii ka ɔdi ɔ́kpali-ɔ ɔnii bunku-nwu na átakpete-nwu.

¹¹ Bidie lɛnu bimwi Unwoti ɔni nli mɔɔdi lɛga na Sion. Na bibo nwuna ala ani na ɔ́bla kudu na kadi ƒui bekyuli akɔ.

¹² Ɔsika Katɔti ulayiƒala kalɛ na ɔni bekyuli bani néwi bekyuli ubugya kalɔ kɔtu. Na uleni bekyuli bani muuwulo taakpali-nwu keku na kalɛ na beekpóku-ma ɔsu.

¹³ O Unwoti, nu kalɛ na mina bekisine benye beekpóku-mi! Nu-mi kɔnyana na aƒɔ-mi ngba alɛku kekpine kayakun kani na líidu lɛ́wɔlɔ mmɔ kemmo.

¹⁴ Ya lɛ́sɔ línwini ḿbedu Sion ɔba kenye na lidie lɛnu limwi-ɔ. Na lɛlɔ lɛyɔ-mi na kalɛ na áƒɔ-mi ngba ɔsu.

¹⁵ Kadi bamba bekyuli bani néku-mi ubu ka lɛnu-nwu kemmo ni, ama alati bánu ubu ɔmmɔ. Na kakpagyuɛ kani na bábɛ bákywɛ-mi ni, kédie ama alati.

¹⁶ Unwoti, bekyuli ƒui bagyi-ɔ ka aabla ala ulu geen ɔmmɔ lɛlɔ. Nsu balalane ni, bana ablala eenwíni kakpagyuɛ teedie-ma.

¹⁷ Kaƒiɔtɔ kemmo na balalane beenwíni teetéduo ama ku kadi bekyuli bani mɔɔyiƒala ka Unwoti ɔkya.

¹⁸ Nsu bani mɔɔyaki ala ni, Unwoti ɔɔɔdubo-ma bɔyiƒala ƒui. Na bani na ala eekpóku nsu bana anu asia Unwoti lɛlɔ ka ɔƒɔ-ma ngba ni, bana lɛnunsia lɛɛɛdubo udu bɔyii.

¹⁹ O Unwoti, ta na edie lɛlɔ. Na taya na kadi bamba bekyuli badi lɛlɔ. Mmomu ya na bekyuli bamɛni ƒui bada balɛ-ɔ anumi na atɛku-ma litemi.

²⁰ O mina Unwoti, ya na liƒu ala bonwu ada alɛ-ma lɛlɔ. Na bati nwaa ka kayawi bekyuli keeke kani na badi.