Kɔgya 87 - Katɔti Ɔku Kedee

¹ Unwoti ɔ́da nwuna ɔma unengudi ɔ́sia Sion Kɔbi kedee lɛlɔ.

² Na ɔɔyɔ́ ɔma unengudi ɔmɛni teetulo kesi kesii na Israel kalɔ lɛlɔ.

³ Katɔti ɔ́su ala abuni ɔ́siku awɔ Sion ɔni ndi nwuna ɔma lɛlɔ ɔnini,

⁴ “Ndubɔka Egyipte ku Babilon libunku kadi bekyuli bani nánu-mi báti akɔ. Na Ƒilistia kalɔ ku Tiro ɔma ku Etiopia kalɔ lɛnɔ bebunku. Na badubɔsu banini, ‘Sion na báwɔ-bu.’ ”

⁵ Unwoti Ɔyikune Ƒui ɔdubɔkya ɔma ɔmmɔ bekyuli ɔyikun. Na ɔdi biala ɔdubɔsu ɔnii, “Mɛni na báwɔ abu lɛnɔ.”

⁶ Unwoti Ɔyikune Ƒui ɔlati ndubo bekyuli bani ƒui na báwɔ na Sion mmɔ anyi bunweni bɔkya nwuna ɔku kemmo.

⁷ Na bekyuli bammɔ badubo lɛnu buteedie na bataatɔ taasu ka Sion na bula kasikɔ kákwɛ kási.