Kɔgya 8 - Katɔti Ɔku Kedee

¹ O Unwoti ɔni ndi bula Katɔti, kayawi bekyuli ƒui baanu ƒula lɛgadi bukeye na kesii biala. Na aayá na ƒula bukeye buugyingya teetédu katɔ kakaaka ƒui.

² Ábla banamu ku bebiwɔ anii beti bumwi bɔni náƒɔ kuye geen bete-ɔ. Elie kalɔ kpi ɔni na ƒula ukisine ɔdi ulakana-a bɔni bude kudii. Na bekyuli bani mɔɔta teenye-ɔ lɛlɔ ƒui aayila-ma udu.

³ Si mɔɔnu kalɛ na édie kayaa na mɔɔnu kɔbuli ku ayabi ani na áya na enye ana kunyenkɔ ni,

⁴ na muuye lɛlɔ nnii bi na ukyuli ɔdi, ɔsu na aasia-nwu anu lɛni? Na bi na Ukyuli Ɔyawine Ubi ɔdi, ɔsu na aanu-nwu lɛlɔ lɛni?

⁵ Na áya na úbo úbenye kenyekɔ kani náyu kalɔ blii kétulo na awɔ kadi kudɔ. Na áya na uukeye na bekyuli baabu-nwu.

⁶ Na áya na ɔɔdi ala ani ƒui na édie lɛlɔ. Na éti ala ammɔ ƒui ákya-nwu lɛgba kalɔ.

⁷ Baƒonu ku ɔmantɛ bakɔ ku lɛku kemmo bebuo ƒui lɛnɔ bakya-nwu kalɔ.

⁸ Na ɔɔdi baasɛ ku kɔbɛ ku bebweyi bani nkya ɛpu kemmo ƒui lɛlɔ.

⁹ O Unwoti Katɔti, kayawi ala ƒui aanu ƒula lɛgadi bukeye.