Kɔgya 70 - Katɔti Ɔku Kedee

¹ Katɔti, tetu uwi buvele bo bedie-mi, O Unwoti, yile bubo na ekpo ete-mi.

² Na bekyuli bani mɔɔwia-mi badu ni, kɔƒa kukpo-ma na babla susuusu. Na bani ƒui mɔɔwia ka babla-mi kalala ni, bɔku-ma na benwini-mi kama.

³ Na bani mɔɔsu banii útakɛ-mi ni, ya na kɔƒa kɔdi-ma lɛlɔ na babla gyugyuugyu.

⁴ Na bekyuli bani mɔɔwia-a kama ulu ni, lɛlɔ lɛdubɔyɔ-ma si bánu-ɔ na ebiti ada-ma. Na bani mɔɔyɔ́ ƒula ngba bɔƒɔ basu uwi ndi uwi banini, “Bemwi Katɔti Lɛnyi.”

⁵ Na ami amu ni, ɔwabane na ndi na mɔɔyáki ala pii. Anwuɔsu yile-mi kudɔ bubo, O Katɔti! Awɔ muubunku-mi na aaƒɔ́-mi. Unwoti, tetu uwi!