Kɔgya 6 - Katɔti Ɔku Kedee

¹ Unwoti Katɔti, teti kɔnyi na adɔnku-mi! Na tani-mi kɔtu si livo liiƒí-ɔ!

² Unwoti, nu-mi kɔnyana! Kya-mi ɔkplu, ɔsika ɔyikun ina blii suɛ ɔdi ɔsɔ uuubo-mi.

³ Muunú ɔlɛ geen na mina lɛlɔ ƒui kemmo. Unwoti, buvele tetu uwi. Bo na ababwi-mi.

⁴ Unwoti, bo na ebedie-mi! Na ƒula lɛƒɔndia ɔsu ni, nu-mi kɔnyana na edie-mi na kukpi kemmo!

⁵ Ɔsika bekyuli baayiƒala-a si békpi. Na kekpine mmɔ ni, basɔ baaadubo-ɔ bɔkpali bumwi.

⁶ Líiwulo kɔnyana laa na lɛ́yii udu. Na mina atɛla ku lɛla lɛni na mɔɔsia lili ƒui aaƒɔ́ mmii usien biala na mina keku kani muuwulo ɔsu.

⁷ Ɔkplu kemmo na mɔɔkana bɔnu, ɔsika mina anumi éƒu kede kede. Na mina bekisine keku kani na baakya-mi ɔsu.

⁸ Amii alaekpidi bablane, bɛkpɛ bɛlɛ-mi lɛlɔ! Unwoti Katɔti uunú-mi buwulo.

⁹ Uunú ka muuwulo taakpali-nwu nnii ubunku-mi. Na ɔdubɔbla ute-mi lɛni kani.

¹⁰ Kɔƒa kɔdubo mina bekisine ƒui bukpo, na liƒu lɛda-ma geen, na benwini bekeli batɔlɔ.