Kɔgya 52 - Katɔti Ɔku Kedee

¹ Bakantankpine benengudi, bilie bɛɛkun lɛmɛnɛ na likpidi lɛlɔ. Nsu Katɔti ɔda nwuna bekyuli ɔkɛnku nwuna bɔyɔ bɔni naaavumana kudii lɛlɔ.

² Ɔkɔ ɔnyine, éti ƒula unyemi énwini aani kewii yayaaya blii suɛ eebile ala na ada aakya likpidi kɔkwɛ.

³ Na aayɔ́ likpidi teetulo lɛbuni. Na aayɔ́ ɔkɔ teetulo ka asu ala ani nse sɔsɔ.

⁴ Awɔ ɔkɔ ɔnyine! Aayɔ́ etemila ani muubile ukyuli na ɔɔyá na ɔyii udu.

⁵ Katɔti ɔdubo-ɔ bɔda na ɔkpɛ-ɔ ɔlɛku ƒula keliekɔ na ɔyila-a udu ƒui kede kede. Ɔdubo-ɔ bɔgyu budie ku ligyiitu aani kugyii na ekpi alɛ bayawine akɔ na kalɔ kamɛni lɛlɔ.

⁶ Bekyuli bani nse siin badubo ɔmɛni bɔnu na bayia. Na badubo-ɔ bɔma na basu banini,

⁷ “Aanu lɛla lɛni nálɛku-ɔ ka éni anii alasia Unwoti anu na aakun lɛmɛnɛ na ƒula akɛla lɛlɔ na ákɛ ɔyikun elie aabla likpidi.”

⁸ Nsu ami ni, nse aani kɔdingyii kɔni evete neeewile kudii na nnye Katɔti kaduli. Na mina anu asia-nwu bɔyɔ bɔni naaavumana kudii lɛlɔ.

⁹ Ndubumwi-ɔ uwi biala ɔ́si lɛla lɛni na ábla ɔsu. Ƒula lɛlɔ mina anu adubɔsia uwi ƒui. Ɔsika bekyuli baalɔ-ɔ lɛnyi buni. Na ndubumwi-ɔ na kesi kesii na ƒula bekyuli akɔ.