Kɔgya 47 - Katɔti Ɔku Kedee

¹ Amii kadi bekyuli ƒui, bɛgya enukpɛ ku lɛlɔyɔ. Na bɛva ku adi momoomo biti bimwi Katɔti.

² Ɔsika Unwoti ɔni ntulo ƒui lɛlɔ libo liƒu. Na anwu mɔɔdi kayawi ƒui lɛlɔ.

³ Ɔ́ya na bɔ́di kadi bekyuli ƒui lɛlɔ na bakya-bu lɛgba kalɔ.

⁴ Na anwu náƒuna kalɔ kani lɛlɔ bulie mɛni úte abu Yakob kaba kemmo bebi bani na ɔɔyɔ́.

⁵ Katɔti ɔ́kɔ úsie uli nwuna lɛgaboku lɛlɔ na katɔ na lɛlɔyɔ kɔvanu kɔda momoomo. Na kɔkpɛɛ lɛnɔ kɔda ka ɔ́kɔ úsela katɔ.

⁶ Bidie lɛnu bimwi bula Ɔga ku Katɔti.

⁷ Katɔti mɔɔdi kayawi ƒui lɛlɔ. Anwuɔsu bidie lɛnu bimwi-nwu.

⁸ Katɔti ulie nwuna lɛgaboku lɛni nse kedee lɛlɔ. Na ɔɔdi kadi bekyuli ƒui lɛlɔ.

⁹ Kayawi bagadine ƒui ku bana benengu básala ku Abraham bekyuli, na Katɔti ɔdi bana ɔga. Na báda ekpola béwi na bédie kekpo atu kalɛ na bakɔli Unwoti katɔ na bemwi-nwu.