Kɔgya 43 - Katɔti Ɔku Kedee

¹ Unwoti Katɔti, tɛ ami ku kadi kani bekyuli naaagyi-ɔ mɛni ntɛ litemi na ete-mi ubo. Na edie-mi alɛku ɔkɔ banyine ku balalane bamɛni akɔ.

² Ɔsika awɔ Katɔti ndi mina katamikukɔ. Bi ɔsu na édie-mi atu na nkɛ muuwulo kɔnyana uwi ndi uwi lɛni na mina bekisine bukpoku ɔsu?

³ Unwoti Katɔti, ya na ƒula bukeye bubewi-mi lɛlɔ na ƒula litemi geen lɛmmɔ lɛtɔnku-mi na bɔkpanku-mi bubedu ƒula kɔbi kedee lɛlɔ na kesii kani na elie.

⁴ Ndubusie ƒula lɛkpabi kudɔ mmɔ ntákpa-a, ɔsika awɔ mɔɔyá na lɛlɔ lɛɛyɔ́-mi. Na ndubuti ɔbentaa na lɛgya lidie kɔgya limwi-ɔ, O mina Katɔti.

⁵ Bi ɔsu na naaakɛ́ bɔnwuna na mina lɛlɔ ƒui kemmo na enu áƒɛ-mi lɛni? Ndubuti mina anu lɛsia Katɔti lɛlɔ, ɔsika ɔdubɔya na lɛsɔ limwi-nwu aani mina Katɔti ku mina Ɔƒɔne kalɛ.