Kɔgya 142 - Katɔti Ɔku Kedee

¹ Líwulo keku lɛ́kya mina Unwoti. Na lɛ́talaku mina lɛdi katɔ lívele-nwu ka ɔnu-mi kɔnyana.

² Lɛ́ka mina etemila ƒui lɛ́tina-nwu. Na lɛ́da ala ani muukpóku-mi ƒui lɛ́va-nwu anumi.

³ Si uwi ɔni na enu áƒɛ-mi na lɛ́yila lɛnunsia ni, awɔ agyi ulu ɔni lɛlɔ na eti-mi asiaku. Bekisine bábɛ bákywɛ-mi kakpagyuɛ na mina kɔvinkɔ.

⁴ Si lɛ́nu lɛ́mana ni, mɔɔnu ka ukyuli ɔdi uuubo na ute-mi kebunku kadi. Ɔmmɔ ɔsu ńtakɛ katamikukɔ kadi. Na ukyuli ɔdi lɛnɔ ɔɔɔdaku mina ngba lɛda.

⁵ Lɛ́kpali awɔ, mina Unwoti Katɔti, na lɛ́su-ɔ nnini, “Awɔ ndi mina katamikukɔ. Na awɔ kani mɔɔwia na mina ngba ƒui kemmo.

⁶ Nu-mi bɔkpali, ɔsika nkya ɔgbankpi bonwu kemmo. Die-mi na mina bekisine enu kemmo ama bani nsiaku-mi beekpóku-mi kpakplaa mɛni ɔsika bebo ɔkplu betulo-mi!

⁷ Die-mi lɛku ɔgbankpi bonwu ɔni kemmo na nkya aani ɔtɔntɛne kalɛ na lɛkɛ bɔnwuna. “Na ndubumwi-ɔ lɛnyi na ƒula bekyuli kedee kasalakɔ ɔkɛnku lɛƒɔndia lɛni na ábla-mi ɔsu.”