Kɔgya 13 - Katɔti Ɔku Kedee

¹ Unwoti Katɔti, uwi ɛlɛ na adubo-mi atu budie butálɛ? Bi ɔsu na ábɛla-mi ƒula lɛlɔ?

² Úti útédu uwi ɔmani lɛlɔ asa na mina kasusu kadubɔbla-mi nwaa? Mina kayi keenú ɔlɛ limeyi ndi limeyi. Na mina bekisine baanya-mi taakya.

³ O mina Unwoti Katɔti, nwini nu-mi na akya-mi ɔyikun kalɛ na neeekpi.

⁴ Si ɔɔɔdi lɛni ni, mina bekisine bɔdubɔsu banini, “Bɔ́nya-nwu bɔ́kya!” Na badubɔkɛ lɛlɔyɔ ka bádi-mi lɛlɔ.

⁵ Nsu ƒula lɛlɔ kani na mina anu asia, ɔsika ƒula bɔyɔ buuubo kawɔlɔkɔ. Na mina kayi lɛnɔ kákɛ lɛlɔyɔ ka áƒɔ-mi ɔsu.

⁶ Mina Unwoti, ndubudie lɛnu limwi-ɔ, ɔsika aabla-mi lɛƒɔndia uwi ndi uwi.