Kɔgya 129 - Katɔti Ɔku Kedee

¹ “Kadi bamba bekyuli békpoku-mi ɔ́si mina lɛkloƒu uwi.” Mɔɔwia ka amii Israel kadi bɛsu ɔmɛni bɛnini,

² “Ina ka kadi bamba bekyuli békpoku-mi ɔ́si mina lɛkloƒu uwi ni, bátakana na badi-mi lɛlɔ.

³ Béku-mi aani kalɛ na beeti lɛnwami taatu kalɔ teenwini, nsu batakana-mi.”

⁴ Unwoti Katɔti use siin ɔsu ni, kɔbuli kɔni na balalane bammɔ béti banii beenyimi-mi ni, úkulo-ku ƒui úwi kalɔ.

⁵ Bani ƒui na muukisi Sion ni, anumi éwi-ma kalɔ na bénwini-mi kama.

⁶ Na bábla aani kamu kani nákwɛ lɛsa lili na káyuɛ ka kátakɛ ntu ɔsu.

⁷ Ɔmmɔ ɔsu ukyuli ɔni mɔɔnwa-ka ni, ulékulo-ka na kedu ɔmukɔ. Na ɔni muunyimi-ka lɛnɔ ulenyimi-ka na kedu ketila,

⁸ kalɛ na bele-nwu adaku, banii, “Katɔti kusɛ kusɛ ɔsiaku-ɔ.”