Kɔgya 128 - Katɔti Ɔku Kedee

¹ Ukyuli biala ɔni mɔɔyia Unwoti Katɔti ni, lɛlɔ lɛdubɔyɔ-nwu ka ɔɔsia ulu geen ɔmmɔ lɛlɔ ɔsu.

² Ɔsika ɔdubɔdi nwuna enu kemmo kabla na ɔdubɔbla-nwu lɛlɔyɔ sɔsɔ ka keyi kadubɔyɔku-nwu ɔsu.

³ Ulekudi ɔdubɔkya-nwu kaduli aani kɔdingyii kɔni mɔɔnwu ebi geen. Na nwuna bebi badubo bɔdia bɔnu geen na baka bamana-nwu kadikɔ aani nnɔ egyii akɔdi kalɛ.

⁴ Bɛnu bɛti geen ka ɔmɛni ndi lɛƒɔndia lɛni na Unwoti Katɔti ɔdubɔbla ukyuli ɔni mɔɔyia-nwu.

⁵ Unwoti Katɔti ɔdubute-mii kusɛ kusɛ bɔsiku Sion. Na Yerusalem ɔdubo bɔdia na amii alati bɛnu na bina ngba emeyi kemmo.

⁶ Sɔsɔ geen ni, bɛdubɔnu bina bebi ku bawɔ. Na atu ayɔ-mii ƒui na Yerusalem.