Kɔgya 114 - Katɔti Ɔku Kedee

¹ Uwi ɔni na Israel kadi bekyuli bávi bálɛ Egyipte kalɔ lɛlɔ kesii kani na ama Yakob kaba kemmo bebi badi baƒɔ ni,

² Katɔti ɔ́bla Yuda nwuna kakpakɔ kedee na ɔɔdi Israelƒuɔ ƒui lɛlɔ.

³ Ɛpugyie ɔ́nu ɔmɛni na ɔ́bwɛ lɛlɔ ntɛ. Na Yordan Ketu kédi kénye na kasɔ kalagba.

⁴ Liƒu lɛ́ƒɔ abi ammɔ ƒui lɛlɔ na aata taawɔ aani kalɛ na bese baaƒulu na abinkpo lɛnɔ aaƒulu aani baƒonubi.

⁵ O Ɛpugyie, bi mɔɔlɛ́ku-ɔ na ábwɛ lɛlɔ ntɛ lɛni? Na Yordan, bi ɔsu na édi énye kɔnakunwi lɛni, na ásɔ alagba?

⁶ Na amii abi nɔɔ, bi ɔsu na bina ɔbladu use aani kalɛ na bese baaƒulu? Na amii abinkpo bise aani kalɛ na baƒonubi baaƒulu.

⁷ O amii kalɔ ku kana lɛlɔ ala, lɛlɔ litaatɔ-mii ku bɔyia ka Unwoti ɔni ndi Yakob Katɔti ɔ́da ɔ́lɛ ɔsu.

⁸ Anwu mɔɔyá na ntu bɔɔbwɛ taalɛ atakpɛ kemmo. Na agyasu eenwíni abiɔ ani mɔɔyu.