Pang Shug 8 - Lacid Common Language Bible

Dazid Nyhed Loem:

¹ Houg: lang" yang nu" gi dazid' nyhed loem: ein: wa loem ri doem phang kaid lang" gi moug khung: gi ayo, dago" yi" koo- sam" zoo: tam" to.

² Hau: thang: ri Mangsoo da" shid khoin" moo yab, jo da" moug: lagyoo: nyhed yug ri ngoo myang- nyangnu" rilaboo" nyhed loem: zheung: byid: to.

³ Hau: thang: rimau: lagyoo: gootu: dayug gi xoin" to' phoin: nam, moo sheing: yo' koid to" da" nam, pyo: shoem: nghe, ja" lang: goin: rici: lho: re" yab, kaid. Nyang: gizhung: tang shid khoin" mo sheing: yo' koid to" da' xoin" to' phoin: tho' moo Mangso byu yi dangain" mo, akyu" mho' da" dang: yo' dage" myi: nghi, xoin" to' nyid jang moo lung: byid: wa shid re" nam, pyo: ja" shoem: myoo" sho' hau: yug ri byid: to.

⁴ Myi: nghe, to" da" nam, pyo: shoem: myikhoug" gi Mangso shid khoin" moo yab, jo, su:- mauglagyo: da" lo, mo wigi Mangso byu yi da' akyu" mho' thui: yo' dage" neing" do, lo nyid.

⁵ Hau: thang: rimau: lagyoo: gi nam, pyo: shoem: nghe, ja:- sheing: lang: goin: ri yu lho: xoin" to' phoin: tho' mo myi: ri yu kaid wigi moug: myid tho': khyoo: du" sain" khyo' kaid. Houg: lang moug: goem: goem: myeung lo ziyo' lhab, myeug lo asu, bue" loo bye.

Laboo" Joem.

⁶ Hau: thang: rilaboo" nyhed loem: ri ci: da" moug: lagyoo: nyhed yug gi laboo" joem ri moid kaid wa shid re" soin' nyid boem bye.

⁷ Mau lagyoo: xang: shed" yug laboo" moid kaid lang gi suid" lheug da" myi: yo' leig voo ri myidjang: tho' khyoo: foid khyo kaid wigi Moug: myid soem" boem, mo daboem- seig gam, joem we' soem" boem mo daboem- yo' nyau, young" jo, da" mhain" zoo: lung: lid' we' dangain" nge" pyam' bye.

⁸ Eig yug ein: da" moug: lagyoo: gi laboo" ri doem moid kaid lang" myi: nge" nyid yhang: te" da" boem, moo" zeing ri Panglai gyid thoem" moo du" khyo' kaid. Houg: lang" panglai gyid thoem" gi soem" boem mo daboem suid" gyid thoem" bue" loo khari" bye.

⁹ Panglai khoug: mo dei noem we' soem" boem mo daboem gu: shid: khare" lho: gyid sang phoo joem we' soem" boem mo daboem gu" gi byo, yoin" loo" khari" bye.

¹⁰ Soem" yug ein: da" moug: lagyoo: gilaboo" ri doem moid kaid' lang" myidoem, su" doug bang nyid da" kyizeing dacab, gi gyid lang moo" joem yo' gyid bug joem soem" boem mo daboem da" atho' moo moug: khung: tho' khyo" re" byed, gyo" nhae, zeug to.

¹¹ Hau: kyizeing da" myeing gi " Kho" da" khain: cid" myoono,, ga: zi nghoid. hau: gyid lang soem" boem mo daboem gi gyid khoo" bue" loo" khari" bye- hau: gyid khoo" ri shau" shug da" byu yi myoo" sho' bang: gi shid: loo" bye.

¹² Myid: yug ein: wa da" moug: lagyoo: laboo" moid kaid lang" bid soem" boem mo daboem,- lham" moo' soem" boem mo daboem- kyi: joem yo' bo" bang yi we' soem" boem mo daboem- moug: coid bue" lo" byug yoomo nyid" soem" boem mo daboem yo' myen" soem" boem mo daboem- boo" bang ayoo" loo.

¹³ Houg: lang" ngoo doem yu" kaid ri " gyoug pho" zi gyoug pho" joem: lo" khyoo" o", ga: Goo tu: da' moug: lagyoo: soem" yug moid kaid da" laboo" thui: joem myeung thu' loo lang" mougmyid tho' mo nyid moo nyid bang: shid re" Atho' tid da" gyoug pho" khyoo" o",, ga: wogi- moug: laid' phyoo" moo dang: lheung: yen" da" zoin, bung: dadu: thui: moo" yo' nyho: tid yen" ziri ngoo shau" gyo.