MAZMUR 1 - KITAB NU TUMPU ALLA LELE MA'IMAI'

KITAB MOMONANYO: MAZMUR 1–41 Kabilahian ma'ima' anu madi' kogampanyo

¹ Mohumpak kabilahian na mian anu madi' mombatuki pokinde' nu mia anu ma'idek na kinyonyoanyo, madi' montiho mian anu baladosa' ka' madi' lewa' gandi-gandian tiba mian anu mompisala'i ka' mongalu Tumpu,

² panyo anu mongka'ima'i mombau Palentah nu Tumpu ka' lewa' mompotutugakon maumo sinaa kabai maumo pihi.

³ Apaa na anu nukahanda'i nu bau nu mian aijo' iwi-iwi' nu humpak; ia sumo kau' tumuu' i sohipi' nu kau'nyo anu mimbua' de tokamo na lonunyo ka' saja' madi' toho' mangkaluale na honnyo.

⁴ Panyo mule' miana nu ma'idek na kinyonyoanyo: ia sumomo ota' motimpuhamo nu puhi nu mombun.

⁵ Mian anu ma'idek na kinyonyoanyo nu hukum nu Tumpu, mian kopiannyo anu mongulus Ia ka' madi'mo opogalum tiba mian anu palesayamo hi Tumpu.

⁶ Kalana mian anu mohongo-hongo nu laya' ka' nu jagai nu Tumpu, panyo mian anu ma'idek na kinyonyoanyo mongahopimo kasilakaan.