NEHEMIA 7 - KITABI HABARI MOPIOHE

¹ Tou̒ dingingo meeseli boito yilapato bilongu, wau̒ helo poa̒hu mao̒ alihu duduu-ngowaalo huhebu pohuliolo. Lapatao̒ tahi podahawa huhebu hulubangi, tahi polahua wau tau-tauwalo Lewi ilahulau̒ helo ponao̒ tuugasilio ngota-ngota.

² Pamalenta kota lo Yerusalemu yiluduu̒ mao̒ ode wutatuu̒ Hanan wau odelei Hananya, eyaanggu lo biintengi sababu tio lebe mao̒ wolo taa wewo, moohe to Allahu Taa̒ala wau mowali palacayaalo.

³ Loi̒yaau mao̒ ode limongolio, “Huhebu hulubangi lo Yerusalemu bolo mowali huo̒olo wonu dulahu malo baangai wau mamusi heu̒taalo wau pohuliolo palangilio tou̒ tahi podahawa diipo lopaluto tuugasi lolaangio. Wewolio mao̒ leeto musi tunuwolo olo piketi podahaalo to wolota ulipu lo Yerusalemu, ngotayadu duo̒lo popoo-siyaalo podahaalo wau ngotayadu poli u moronda tomadala palitio lobele limongolio.”

Daputali lo lotau-tauwalo tahe lohualingai lonto pilolayahu

⁴ Yerusalemu kota u luasi bo ngoi̒di ulipulio, wau diipo dadaata bele u hebilongu.

⁵ Sababu uito Allahu Taa̒ala helo ilihamu mai olau̒ u longambu mao̒ ulipu wau mongo tau̒wa wau tahimuloa lo ulipulio alihu wau̒ mowali moyia̒apao̒ olimongolio patopatoa̒a to daputali lo silasila limongolio. To hiangio boito mai̒lo dunggau̒ daputali pasali lo taa bohu-bohulio he lohualingai lonto pilolayahio. Wumbutio mola botie yito kataraangani u lotapuu̒ mai lonto daputali boito:

⁶ Dadaata to wolota lotau-tauwalo tahe pilolayahu lololaa mao̒ polopinsi lo Babel wau luli lohualingai ode Yerusalemu wau Yehuda, ngota-ngota ode kotaalio lohihilao. Timongolio malohiheo tumutumula todelomo polayahu to Babel, tumulalo mao̒ timongolio bilintai̒o mola odito odelo tawalo li Olongia Nebukadnejar.

⁷ Mongo tau̒wa limongolio yito tei Jerubabel, Yesua, Nehemia, Ajarya, Raamya, Nahamani, Mordekhai, Bilsani, Mispereti, Bigwai, Nehum wolei Baana.

^8-25 Uti-utieelo daputali lokaumu ngaalaa̒ lo Isirai̒lu, wolo jumulaa lotaa lonto timii̒du kaumu tahe lohualingai lonto pilolayahu: Paros – 2.172 lota Sapaca – 372 lota Arakh – 652 lota Pahat-Moab (wali mai lei Yesua wolei Yoab) – 2.818 lota Elam – 1.254 lota Jatu – 845 lota Jakai – 760 lota Binui – 648 lota Bebai – 628 lota Ajgad – 2.322 lota Adonikam – 667 lota Bigwai – 2.067 lota Adin – 655 lota Ater (olo ilunte Hiskia) – 98 lota Hasum – 328 lota Bejai – 324 lota Harip – 112 lota Gibeon – 95 lota

^26-38 Tau-tauwala loluuhurulio tahi biluloa̒wa to kokootawaala u wumbutio mola botie olo helo hualingai lonto polayahu: Kota Betlehemu wau Netopa – 188 lota Kota Anatot – 128 lota Kota Bet-Ajmawet – 42 lota Kota Kiryat-Yearim, Kepira wau Beerot – 743 lota Kota Rama wau Gaba – 621 lota Kota Mikhmas – 122 lota Kota Betel wau Ai – 123 lota Kota Nebo uwewo – 52 lota Kota Elam uwewo – 1.254 lota Kota Harim – 320 lota Kota Yerikho – 345 lota Kota Lod, Hadid wau Ono – 721 lota Kota Senaa – 3.930 lota

^39-42 Uti-utieelo daputali lokaumu ngaalaa̒ lomongo iimamu tahe lohualingai lonto pilolayahu: Kaumu Yedaya (wali mai lei Yesua) – 973 lota Kaumu Imer – 1.052 lota Kaumu Pasyhur – 1.247 lota Kaumu Harim – 1.017 lota

^43-45 Kaumu ngaalaa̒ lo Lewi tahe lohualingai lonto pilolayahu yito: Kaumu Yeusa wau Kadmiel (wali mai lei Hodewa) – 74 lota Tamoitohe musiki to Bele lo(wali mai lei Asap) – 148 lota Tamodahawa hulubangi to Bele lo(wali mai lei Salum, Ater, Talmon, Akuba, Hatita wolei Sobai) – 138 lota

^46-56 Uti-utieelo daputali lokaumu ngaalaa̒ lo tahi pokalajawa to Bele lo Eeya tahe lohualingai lonto pilolayahu: Kaumu Jiba, Hasupa, Tabaot, Keros, Sia, Padon, Lebana, Hagaba, Salmai, Hanan, Gedel, Gahar, Reaya, Rejin, Nekoda, Gajam, Uja, Paseah, Besai, Meunim, Nepusim, Bakbuk, Hakupa, Harhur, Bajlit, Mehida, Harsa, Barkos, Sisera, Temah, Nejiah, wau Hatipa.

^57-59 Kaumu ngaalaa̒ lo tahi pomayawa olei Salomo tahe lohualingai lonto pilolayahu: Kaumu Sotai, Soperet, Perida, Yaala, Darkon, Gedel, Sepaca, Hatil, Pokheret, Hajebaim, Amon.

⁶⁰ Ngoa̒amila u ngaalaa̒ wali mai lo tahi pokalajawa to Bele lo Eeya wau tahi pomayawa olei Salomo tahe lohualingai lonto pilolayahu ngojumulaa tolo hetuto tio lopulaa duulota.

^61-62 To wolota lotau-tauwalo tahe lomonggato lonto kokoo-tawaala lo Tel-Melah, Tel-Harsa, Kerub, Adon wau Imer, woluo wolomo hetuto wopato pulaa duulota u leituoto kaumu Delaya, Tobia wau Nekoda; bo timongolio diila loo̒ pobukuti mao̒ deu̒ timongolio wali mai lo Isirai̒lu.

^63-64 Wau woluo olo dengolo lota ngaalaa̒ li iimamu tadiila loo̒ dungga daputali tomimbihu loluuhuru limongolio. Kakaa-wumuwaalo boito yito kaumu Habaya, Hakos wau Barjilai. (Ngotaalio loluuhuru lokaumu li iimamu Barjilai lonika wolo taabua wali mai lo kaumu Barjilai to Gilead wau lapatao̒ tio helomake tanggulo ngaalaa̒ lo moluhengio.) Sababu timongolio diila loo̒ pobukuti tatoonu loluuhuru limongolio, yi timongolio diila tilolimolio odelo iimamu.

⁶⁵ Ti gubolonulu madala lo Yehuda helodini mao̒ olimongolio madala molamela ua̒alo u pilodewo to Allahu Taa̒ala, tunggula woluo mai ngotaalio lo iimamu tamoo̒ hile potuhata wolo momake mao̒ Urim wau Tumim.

^66-69 Tau-tauwalo polayahu tahe lohualingo ode lipulio ngoa̒amilalo ngojumulaa wopato pulaa dulo lihu tolo hetuto wolomo pulu lota. Wewolio mao̒ leeto helo hualingai olo tahi pomantua olimongolio ngojumulaa pitu lolihu tolo hetuto tolo pulaa pitu lota wau taa moolahua ngojumulaa dulo hetuto wopato pulaa limo lota. Timongolio olo helodelo bibii-natangiyaalo limongolio, deu̒yito-yito: Wadala – 736 Bagal – 245 Unta – 435 Kolodai – 6.720

^70-72 Dadaata to wolota ulipu helongohi mao̒ dembulo u lopoheelao̒ oonggosi helo poo̒piohe Bele lo Eeya: lonto oli gubolonulu: – 8 lokilo hulawa – 50 manggo lo upacara – 530 jumba li iimamu lonto mongo tau̒wa lokaumu: – 168 lokilo hulawa – 1.250 lokilo talaa̒ lonto tau-tauwalo wewo: – 168 lokilo hulawa 140 lo kilo talaa̒ 67 jumba li iimamu

⁷³ Mongo iimamu, tau-tauwalo Lewi, tahi podahawa hulubangi Bele lo Eeya, tahi poolahua, dadaata lonto ulipu biasa, tahi pokalajawa to Bele lo Eeya, limbui̒o mao̒ ngoilanggubu ulipu lo Isirai̒lu, helo titatapu mao̒ to kokoo-tawaalo wau kakaa-mbunguwaalo to Yehuda.